Тулгар төрийн 2227 жил, Их Монгол Улс байгуулагдсаны 812 жил, Үндэсний эрх чөлөө, тусгаар тогтнолоо сэргээн мандуулсны 107 жил, Ардын хувьсгалын 97 жил, Ардчилсан хувьсгалын 29 жил, Үндэсний их баяр наадмын үндэсний бөхийн барилдаанд Сүхбаатар аймгийн Онгон сумын харьяат Аймгийн хурц арслан Ш.Мөнгөнбаатар олон жилийн мөрөөдлөө биелүүлсэн билээ. Тэрбээр наадамд зургаа давж Улсын харцага цол хүртэж, нутгийн олон түмнээ, өөрийнхөө фэнүүдээ баярлуулсан юм.
Олон жил дөрвийн даваанд өвдөг шороодож, улсын цолгүй хоцорч байсан тэрбээр “Олон удаа унаад ирэхээр сүүлдээ шантардаг юм билээ. Бөхөд хайртай дуртай түмэн олныхоо итгэлийг алдаж, тэдэндээ өртэй юм шиг санагдаж бодогдож байсан үе бий” гэж ярьж байсан удаатай. Тэгвэл өнөө жил олон жилийн өрөө цайруулж, улсын эрхэм хүндтэй босго өндөртэй цолонд хүрсэн Ш.Мөнгөнбаатар харцага цолны хүндэтгэлийн найраа өргөн дэлгэр тэмдэглэжээ.
Түүнд нутгийн ах эгч нар нь гаргасан амжилтыг нь үнэлж төмөр хүлэг бэлэглэжээ. Тэрбээр “Олон жилийн минь хөлс хүч, хөдөлмөрийг үнэлж нутгийн сайхан сэтгэлтэй ах, эгч нар минь энэхүү сайхан авто хүлгийг бэлэглэж урам, эрч хүч хайрласанд маш их баярлаж байна. Сайхан сэтгэл, зүтгэл гаргасан та бүхэндээ маш их баярлалаа. Та бүхэндээ цаашдын ажил үйлсэд нь амжилтын дээдийг хүсэн ерөөе” гэжээ.
О.Сайхан
Оллоо.mn
Олон жил дөрвийн даваанд өвдөг шороодож, улсын цолгүй хоцорч байсан тэрбээр “Олон удаа унаад ирэхээр сүүлдээ шантардаг юм билээ. Бөхөд хайртай дуртай түмэн олныхоо итгэлийг алдаж, тэдэндээ өртэй юм шиг санагдаж бодогдож байсан үе бий” гэж ярьж байсан удаатай. Тэгвэл өнөө жил олон жилийн өрөө цайруулж, улсын эрхэм хүндтэй босго өндөртэй цолонд хүрсэн Ш.Мөнгөнбаатар харцага цолны хүндэтгэлийн найраа өргөн дэлгэр тэмдэглэжээ.
Түүнд нутгийн ах эгч нар нь гаргасан амжилтыг нь үнэлж төмөр хүлэг бэлэглэжээ. Тэрбээр “Олон жилийн минь хөлс хүч, хөдөлмөрийг үнэлж нутгийн сайхан сэтгэлтэй ах, эгч нар минь энэхүү сайхан авто хүлгийг бэлэглэж урам, эрч хүч хайрласанд маш их баярлаж байна. Сайхан сэтгэл, зүтгэл гаргасан та бүхэндээ маш их баярлалаа. Та бүхэндээ цаашдын ажил үйлсэд нь амжилтын дээдийг хүсэн ерөөе” гэжээ.
О.Сайхан
Оллоо.mn