Энэ сарын 15-ны шөнө ЦЕГ-ын Хар тамхитай тэмцэх газрын алба хаагчид гэртээ хар тамхины төрлийн ургамал тарьж ургуулж байсан, Турк улсын иргэнийг баривчилжээ. Тодруулбал, Турк улсын иргэн нь 2016 оноос хойш Монгол Улсад хуулийн дагуу зөвшөөрөл авч цагаачлан амьдардаг нэгэн аж.
Тэрбээр монгол эмэгтэйтэй гэрлэж, нэг хүүхэдтэй болжээ. Хар тамхины төрлийн ургамал тарьж байсан Турк улсын иргэн 38 настай М нь Монголд ирсэн цагаасаа хойш хар тамхины төрлийн ургамал болох каннабис тарьж ургуулж байсныг албаныхан мэдээлэл цуглуулж баримтжуулжээ.
Цагдаагийнхан сэжигтэн М-ийг Баянзүрх дүүргийн 16-р хороо, “Амгалан” хотхоноос дайчлан баривчилсан байна. Хэргийн газарт очиход Турк улсын иргэн М нь гэрийнхээ нэг буланг ургамал тарихаар тусгайлан тохижуулсан байжээ. Хэргийг шалгаж эхэлсэн бөгөөд эхнэрийг нь гэмт хэргийн нуун далдалсан гэх үндэслэлээр шалгаж эхэлсэн байна.
О.Сайхан
Оллоо.mn