УИХ-ын гишүүн Д.Хаянхярваа тэргүүтэй УИХ-ын гишүүд Засгийн газрыг огцруулах бичгийг УИХ-ын дарга М.Энхболдод өргөн барилаа. Энэ талаар УИХ-ын гишүүн Д.Хаянхярваа “Монгол Улсын үндэсний аюулгүй байдал ноцтой зөрчигдөх болсон энэ үед бидэнд Монголын эрх ашиг гэж байхаас намын эрх ашиг гэж байх ёсгүй гэж үзэж байна. Монгол Улсын Ерөнхий сайд У.Хүрэлсүхийг огцруулах асуудлыг хэлэлцэж өгнө үү гэж нэр бүхий 27 гишүүн УИХ-д өргөн мэдүүллээ. Ингэхдээ холбогдох хуулийн заалтын дагуу дараах үндэслэлээр огцруулах саналыг өргөн барилаа. Үүнд:
1.ЖДҮХ сангийн хөрөнгөнд албан тушаалаа урвуулан ашигласан гэж үзэж байгаа.
2. Монгол Улсын Үндсэн хуулийг зөрчсөн.
3.Гадаадын иргэнд лиценз дамлан үнээр зарсан, төрсөн дүүдээ төсвийн хөрөнгийг шилжүүлсэн гэх сайд нар ЖДҮХ сангаас зээл олгосон сайд нартаа хариуцлага тооц гэдгийг нийгмийн зүгээс ч, бидний зүгээс ч шаардсан.
4. Ерөнхийлөгчийн зүгээс аж үйлдвэрийн парк байгуулах асуудлыг судалж, төсөвт тусгаач гэсэн. Энэ саналыг тусгаагүй. 2019 оны Монгол Улсын төсөвт Ерөнхийлөгч бүхэлд нь хориг тавьсан.
5.УИХ мөнгө угаах, оффшор бүсээс Монголд мөнгө оруулах талаар олон зүйл ярьсан. Энэ асуудалд Засгийн газар арга хэмжээ авч ажиллаагүй.
6.Төрийн албан хаагч ажлын байранд дээрээ алагдсан. Төрийн албан хаагчаа ажлын байран дээр нь хамгаалж чадаагүй” гэлээ.
Засгийн газрыг огцруулахад санал нэгдэж гарын үсэг зурсан гишүүд