Монгол Улс анхдугаар Үндсэн хуулиа баталж, Бүгд Найрамдах улсаа тунхагласны 94 жилийн ойд зориулсан улс, аймгийн алдартай цолтой 128 хүчит бөхийн барилдаан өчигдөр Спортын төв ордонд боллоо.
Энэхүү барилдаанд Завхан аймгийн Их-Уул сумын харьяат, “Алдар” биеийн тамир, спортын хороо, “Жем Интернэшнл” группын бөх, улсын гарьд Б.Гончигдамба түрүүлж, Хөвсгөл аймгийн Тосонцэнгэл сумын харьяат, “Сүлд” биеийн тамир, спортын хороо, “Хөвсгөлийн хүчтэн” клубын бөх улсын арслан Ц.Содномдорж үзүүрлэв.
Мөн Хэнтийн аймгийн Өмнөдэлгэр сумын харьяат Улсын арслан Э.Оюунболд, Дорнод аймгийн Дашбалбар сумын харьяат, Улсын начин Д.Анар нар шөвгөрсөн юм.
Уг барилдааны түрүү, үзүүр болон шөвгөрсөн бөхчүүдийн шагналыг УИХ-ын гишүүн Дархан аварга, Б.Бат-Эрдэнэ, УИХ-ын гишүүн Я.Санжмятав нар гардууллаа.
Энэхүү барилдаанд Завхан аймгийн Их-Уул сумын харьяат, “Алдар” биеийн тамир, спортын хороо, “Жем Интернэшнл” группын бөх, улсын гарьд Б.Гончигдамба түрүүлж, Хөвсгөл аймгийн Тосонцэнгэл сумын харьяат, “Сүлд” биеийн тамир, спортын хороо, “Хөвсгөлийн хүчтэн” клубын бөх улсын арслан Ц.Содномдорж үзүүрлэв.
Мөн Хэнтийн аймгийн Өмнөдэлгэр сумын харьяат Улсын арслан Э.Оюунболд, Дорнод аймгийн Дашбалбар сумын харьяат, Улсын начин Д.Анар нар шөвгөрсөн юм.
Уг барилдааны түрүү, үзүүр болон шөвгөрсөн бөхчүүдийн шагналыг УИХ-ын гишүүн Дархан аварга, Б.Бат-Эрдэнэ, УИХ-ын гишүүн Я.Санжмятав нар гардууллаа.
Дашрамд сонирхуулахад, өчигдрийн барилдааныг төрийн гурван өндөрлөг үзэж сонирхсонгүй. Тэднийг үндэсний бөхөө үзэж, Үндсэн хуулиа дээдэлсэнгүй хэмээн шүүмжилж эхлэв.
Мөн түүнчлэн энэ барилдаанд Увс аймгийн хүчтэнүүд барилдаагүй нь бас шүүмжлэл дагуулж эхэлжээ.
О.Гэрэл
Оллоо.mn