Хятадын онлайн худалдааны хамгийн том сайт бол Аlibaba. Тэгвэл энэхүү сайт дээр Монголын концессын гэрээг зарах тухай зар оруулсан байна. Тодруулбал, 2017 оны дөрөвдүгээр сарын 12-ын өдөр Монголын Засгийн газар, “Шинжиан шинфа” ХХК-ын хооронд байгуулсан гэрээг 72 сая ам.доллараар зарах тухай зарыг Аlibaba сайтад оруулсан байгаа юм. Ингэхдээ нийт үнийг дүнгээс 10 сая доллар нь өмнөх хөрөнгө оруулагчид очно хэмээн тодотгожээ.
Энэхүү гэрээгээр “Дашинчилэн-Орхоны гүүр чиглэлийн замаас Өлзийт сум, Өлзийт сумаас Мөрөн-Тариалан чиглэлийн замын төгсгөлийг холбох 120 км хатуу хучилттай зам барих төсөл”-ийг концессын БАРИХ-ШИЛЖҮҮЛЭХ төрлөөр авчээ.
Өнгөрсөн сонгуулиудаар хэл ам татлан дуулиан дэгдээж байсан концессууд ийнхүү урд хөршид зарагдаж эхлээд байна. Концессийн асуудал сөхөгдөхтэй зэрэг ихэнхийг нь Хятадын хөрөнгө оруулалттай компани авсан гэхмэдээлэл ч ийнхүү үнэний ортой болж байна. Үе үеийн Ерөнхий сайд, нэр бүхий улстөрчид холбоотой гэх концессууд ийнхүү урд хөршийн хар зах дээр энгийн хэрэглээний бараа таваар шиг борлуулагдаж байгааг хууль хяналтынханд дуулгах хэрэгтэй биз.
https://m.alibaba.com/product/50045533895/Mongolian-road project.html
П.ГОО
Оллоо.мн