БНХАУ-ын ӨМӨЗО, ОХУ-ын Тува, Монгол Улсын бөхчүүдийн зодоглодог "Олон улсын Монгол бөхчүүдийн “Алтан бүс” барилдаан өнөөдөр Шилийн гол аймагт болно. Уг барилдаанд Монгол Улсын арслан П.Бүрэнтөгс, улсын заан О.Одгэрэл, Н.Жаргалбаяр, Мягмарсүрэн, улсын харцага О.Хангай, улсын начин Д.Анар, Д.Цэрэнтогтох нарын 20 гаруй бөхчүүд хүч үзэхээр очжээ.
Тус барилдаан тав дахь жилдээ зохион байгуулагдах гэж байгаа бөгөөд эхний дөрвөн жилийн барилдаанд манай улсын бөхчүүд түрүүлсэн юм. Тодруулбал, 2014 онд улсын аварга Ч.Санжаадамба, 2015 онд улсын арслан П.Бүрэнтөгс, 2016 онд улсын арслан Р.Пүрэвдагва, улсын гарьд Б.Гончигдамба нар түрүүлж байсан юм.
Б.ОД