Охидын шигшээ баг Сингапурын багийг хожив

Хөлбөмбөгийн охидын  15 хүртэлх насны “4 Nations-2018” тэмцээн Тайландын Бурирам хотноо зохион байгуулагдаж байна. Тус тэмцээнд эх орноо төлөөлж оролцож буй Монголын баг сүүлийн тоглолтоо Сингапурын багтай хийж, 2:0 харьцаатай өрсөлдөгчдөө буулган авлаа.

Япон мэргэжилтэн Ики Ёожи дасгалжуулагчийн удирдлага нь дор бэлтгэгдсэн Монголын охидын шигшээ баг Бурирам Юнайтедийн 32 мянган хүний суудалтай цэнгэлдэх хүрээлэнд гурван тоглолт хийсэн. Түүнчлэн эл тэмцээний сүүлийн тоглолт болох Сингапурын охидын багтай таарсан учраа дасгалжуулагч Ики Ёожигийн багаа дасгалжуулж буй сүүлийн тоглолт байсан юм.

Дээрх тоглолтын хувьд эхний үед манай баг хэд хэдэн гоол оруулах боломж  байсан ч Ч.Солонго айлын хаалганд нэг бөмбөг амжилттай оруулж, тооны харьцааг нээсэн. Харин хоёрдугаар үеийн дундуур Г.Энхмаргад гоол оруулснаар тооны харьцааг 2:0 болгож, багшийнхаа удирдсан сүүлийн тоглолтыг ялалтаар дуусгаж бэлэг барилаа.

Б.ОД

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.