УИХ-ын чуулганы хуралдаан дахин буюу тав дахь удаагаа хойшиллоо. Ирц бүрдэхгүй байгаа асуудалтай холбогдуулан хурал даргалагч УИХ-ын дэд дарга Л.Энх-Амгалан "Өнөөдөр Монгол Улсын Ерөнхийлөгч Үндэсний аюулгүй байдлын асуудлаар мэдээлэл хийх ёстой байсан. Ерөнхийлөгчөөсөө хүлцэл өчье. ҮАБЗ-ийн бүрэлдэхүүн гурван гишүүнтэй. Чуулганы хуралдаанд УИХ-ын дарга, ҮАБЗ-ийн гишүүн М.Энхболд хүрэлцэн ирсэн байна. Ерөнхий сайд У.Хүрэлсүх ҮАБЗ-ийн гишүүний хувьд чуулганы хуралдаанд хүрэлцэн ирэх ёстой. Гэвч чуулганы хуралдаандаа ирсэнгүй. Мөн УИХ-ын 32 гишүүн чуулганы хуралдаандаа ирсэнгүй, тасаллаа. УИХ-ын чуулганы танхимд хүрэлцэн ирсэн 36 гишүүнийхээ нэрийн өмнөөс ард түмнээсээ уучлал хүсье. Энэ асуудлыг УИХ-ын даргын даргын зөвлөлөөр хэлэлцэж, чуулганы хуралдаанаа тасалсан гишүүдийн цалинг хасах захирамж гаргахыг хүсье. Цалинг нь л хасах заалттай юм билээ. Өнөөдрийн чуулганыг хуралдуулахаар 1.34 цаг хүлээлээ. Ингээд өнөөдрийн чуулганыг өндөрлүүлж байна” хэмээн мэдэгдлээ.
УИХ-ын Дэгийн тухай хуулийн 4.10-т "Монгол Улсын Үндсэн хуулийн тодорхой заалтыг илтэд зөрчсөн асуудал хэлэлцсэн, эсхүл Монгол Улсын Үндсэн хуульд нэмэлт, өөрчлөлт оруулахыг эсэргүүцэхээс бусад шалтгаанаар гишүүн, нам, эвслийн бүлэг хуралдаанд оролцохгүй байх буюу түүнийг орхиж гарахыг хориглоно" гэж заасан байдаг. Мөн УИХ-ын гишүүн УИХ-ын хэвийн үйл ажиллагааг хангах үүрэгтэй. Монгол Улсын Үндсэн хууль, УИХ-ын тухай хууль, УИХ-ын чуулганы тухай хуулиар үүрэг хүлээсэн. Гэтэл УИХ-ын гишүүд дээрх хуулийн заалтуудыг мөрдөхгүй байгаагаас гурван долоо хоногийн хугацаанд парламент гацаанд ороод байна.
УИХ-ын Дэгийн тухай хуулийн 4.10-т "Монгол Улсын Үндсэн хуулийн тодорхой заалтыг илтэд зөрчсөн асуудал хэлэлцсэн, эсхүл Монгол Улсын Үндсэн хуульд нэмэлт, өөрчлөлт оруулахыг эсэргүүцэхээс бусад шалтгаанаар гишүүн, нам, эвслийн бүлэг хуралдаанд оролцохгүй байх буюу түүнийг орхиж гарахыг хориглоно" гэж заасан байдаг. Мөн УИХ-ын гишүүн УИХ-ын хэвийн үйл ажиллагааг хангах үүрэгтэй. Монгол Улсын Үндсэн хууль, УИХ-ын тухай хууль, УИХ-ын чуулганы тухай хуулиар үүрэг хүлээсэн. Гэтэл УИХ-ын гишүүд дээрх хуулийн заалтуудыг мөрдөхгүй байгаагаас гурван долоо хоногийн хугацаанд парламент гацаанд ороод байна.
П.ГОО
Оллоо.мн
Оллоо.мн