“1000 инженер” төслийн хүрээнд Япон улсад суралцах оюутны нэрс батлагдлаа

Монгол Улсын Засгийн газар, БСШУСЯ, Японы Олон Улсын Хамтын Ажиллагааны Байгууллага /ЖАЙКА/-тай хамтран хэрэгжүүлж байгаа “Инженер технологийн дээд боловсрол” төслийн Удирдах хорооны хурал өнөөдөр БСШУСЯ-нд боллоо.

Энэ удаагийн Удирдах хорооны хурлаар Коосэн, Бакалаврын хамтарсан хөтөлбөрт 2019 оны дөрөвдүгээр сараас эхлэн Япон Улсад суралцах оюутнуудын нэрс, 2019 оны эхний хагаст Зэргийн бус хөтөлбөр болон Зочин судлаач хөтөлбөрт хамрагдах багш, судлаачдын нэрсийг батлав. Коосэн хөтөлбөрт 34 оюутан шалгалт өгснөөс 30 оюутан, Бакалаврын хамтарсан хөтөлбөрт 75 оюутан шалгалт өгснөөс 51 оюутан тэнцэж, Япон улсад суралцах болзол хангасан тул нэрсийг баталлаа.

Мөн Удирдах хорооын 24 дүгээр хурлын 48 дугаар тогтоолоор батлагдсан “Оюутныг дэвшин суралцах, дадлага хийхэд зөвшөөрөл олгох журам”-д нэмэлт өөрчлөлт орууллаа. “Коосэн хөтөлбөрт суралцаж буй оюутан тухайн Коосэн сургуулийн харьяа Япон улсын үйлдвэр аж ахуйн газарт дадлага хийнэ” гэсэн заалт байсныг хүрээг нь өргөтгөж “Японы Үндэсний технологийн хүрээлэнтэй хамтран ажилладаг Япон улсын үйлдвэр аж ахуйн газарт дадлага хийнэ” хэмээн өөрчиллөө.

Мөн Коосэн болон бакалаврын хамтарсан хөтөлбөрийн оюутны сурлагын үнэлгээ нь нийт авах ёстой үнэлгээний 90 хувиас дээш байх гэсэн заалтыг 80 хувь ба түүнээс дээш хэмээн өөрчиллөө. Ингэсээр голч дүн өндөртэй суралцсан илүү олон оюутанд хөтөлбөрийн дараах сургалт, дадлага ажилд давуу боломж олгож байна гэсэн үг.

УИХ, Засгийн зараас өгсөн үүрэг чиглэлийн дагуу төслийн нэгжийг цөөн чадварлаг хүний бүрэлдэхүүнтэй, чанартай гүйцэтгэлтэйгээр ажиллуулах, үр дүн, өгөөж, явцын талаар олон нийтэд маш сайн ойлголт мэдээлэл өгч ажиллах үүрэг чиглэлийг төслийн Удирдах хорооны дарга, БСШУСЯ-ны Төрийн нарийн бичгийн дарга Б.Баярсайхан өглөө. Мөн төслийн 2018 оны тайланг хэлэлцэж, 2019 оны үйл ажиллагааны төлөвлөгөөг ярилцсан юм. 2019 оны үйл ажиллагааны төлөвлөгөөнд оруулах саналаа МУИС, ШУТИС нарийвчлан гаргаж танилцуулахыг Удирдах хорооны дарга үүрэг болголоо.

Эх сурвалж: БСШУСЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2018-12-28 08:28:45
    YUN 1000 injener be, ter uls maani ene bolobsroliin sistemiig hkurdan shalgaad eerchleechee Terees yu ch khiikhgyi ...
  • zochin 2018-12-26 03:10:47
    Yamar shalgalt khaana ogdog yum.
  • Mongol er 2018-12-26 02:20:12
    нийт авах ёстой үнэлгээний 90 хувиас дээш байх гэсэн заалтыг 80 хувь ба түүнээс дээш хэмээн өөрчиллөө. yuu gesen ug ve? Sain surah hereggui gesen ug uu?