УИХ-ын нэр бүхий гишүүд УИХ-ын дарга М.Энхболдыг ёс зүйн хариуцлага хүлээж албан үүргээсээ чөлөөлөгдөх хүсэлтээ 48 цагийн хугацаа өгөөд байгаа билээ. Хэрэв М.Энхболд дарга энэ хугацаанд албан үүргээсээ чөлөөлөгдөх хүсэлтээ өгөхгүй бол маргааш Сүхбаатарын талбайд жагсаал хийнэ гэдгээ гишүүд мэдэгдээд байгаа юм. Тэгвэл өнөөдөр жагсаал, цуглаан зохион байгуулахтай холбогдуулан гишүүд ТЕГ, ЦЕГ-ын удирдлагуудтай уулзав.
Энэ үеэр ТЕГ, ЦЕГ-ын удирдлагууд дараах байдлаар байр сууриа илэрхийллээ.
ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, хурандаа Ж.Амгалан: Жагсаал цуглаан зохион байгуулах хуулийн дагуу цагдаа, тагнуулын байгууллага аюулгүй байдлыг хангадаг. Маргаашийн жагсаал, цуглаанд шалган нэвтрүүлэх цэг ажиллуулна, хайс тавина. Жагсаал, цуглаан зохион байгуулагч нараас хуулийг чанд мөрдөх, аливаа турхиралт, өдөөн хатгасан хандлага гаргавал та бүхэн тухай бүрт нь арга хэмжээ авах хэрэгтэй. Жагсаал, цуглааны аюулгүй байдлыг зохион байгуулж байгаа хүмүүс хариуцдаг хуулийн зохицуулалттай. Замын хөдлөлгөөн, шалган нэвтрүүлэх ажиллагааг маргааш өглөө авч хэрэгжүүлнэ.
ТЕГ-ын дарга, хурандаа Д.Гэрэл: Бид бэлтгэл ажлаа хангаж байна. Бүх жагсаал цуглаан ордны өмнөх хэсэгт болдог. Энэ утгаараа Төрийн тусгай хамгаалалтын бүсийн аюулгүй байдлыг хангаж ажиллана.
Энэ үеэр ТЕГ, ЦЕГ-ын удирдлагууд дараах байдлаар байр сууриа илэрхийллээ.
ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, хурандаа Ж.Амгалан: Жагсаал цуглаан зохион байгуулах хуулийн дагуу цагдаа, тагнуулын байгууллага аюулгүй байдлыг хангадаг. Маргаашийн жагсаал, цуглаанд шалган нэвтрүүлэх цэг ажиллуулна, хайс тавина. Жагсаал, цуглаан зохион байгуулагч нараас хуулийг чанд мөрдөх, аливаа турхиралт, өдөөн хатгасан хандлага гаргавал та бүхэн тухай бүрт нь арга хэмжээ авах хэрэгтэй. Жагсаал, цуглааны аюулгүй байдлыг зохион байгуулж байгаа хүмүүс хариуцдаг хуулийн зохицуулалттай. Замын хөдлөлгөөн, шалган нэвтрүүлэх ажиллагааг маргааш өглөө авч хэрэгжүүлнэ.
ТЕГ-ын дарга, хурандаа Д.Гэрэл: Бид бэлтгэл ажлаа хангаж байна. Бүх жагсаал цуглаан ордны өмнөх хэсэгт болдог. Энэ утгаараа Төрийн тусгай хамгаалалтын бүсийн аюулгүй байдлыг хангаж ажиллана.
П.ГОО
Оллоо.мн