УИХ-ын даргыг чөлөөлөхтэй холбогдсон ганцхан өгүүлбэр бүхий хуулийн төсөл өнгөрсөн долоо хоногт батлагдсан. Хуулийн төсөл энэ сарын 25-аас эхлэн мөрдөгдөнө. Өмнө нь хуулийн дагуу УИХ-ын даргыг таван үндэслэл бүхий заалтаар чөлөөлдөг байсан бол энэ удаад нэмэлт зургаа дахь заалтыг оруулсан. Зургаа дахь заалт хэрэгжиж эхлэхтэй зэрэгцэн УИХ-ын даргыг чөлөөлөх тогтоолын төслийг өргөн барих тодорхой болоод буй. Энэ тухай УИХ-ын гишүүн Л.Оюун-Эрдэнэ “УИХ-ын даргыг чөлөөлөх тогтоолын төсөл өргөн барина. Иймээс УИХ-ын гишүүдийн гарын үсэг цуглуулах ажлыг зохион байгуулна” гэдгийг мэдэгдсэн юм.
Ийнхүү УИХ-ын даргыг гишүүдийн олонхын саналаар чөлөөлөх хуулийн орчинг тэд бүрдүүлж чадлаа. Харин одоо УИХ-ын даргыг чөлөөлөх тухай тогтоолын төсөлд түүнийг ямар үндэслэлээр огцруулах вэ, гэдэг нь тодорхой бус байна. Мэдээж УИХ-ын даргыг чөлөөлөхөд ямар нэгэн үндэслэл байх ёстой. Үндэслэл биш юм гэхэд шалтгаан хэрэгтэй болно. Ажлаа удаа дараа тасалсан, хуралдаан удирдаж чадаагүй, хууль зөрчсөн, ажлын байранд согтууруулах ундаа хэрэглэсэн гэх мэт шалтаг шалтгаан, үндэслэл хэрэгтэй. Гэвч одоогоор УИХ-ын дарга М.Энхболдыг огцруулах ямар нэг шалтгаан алга байна. Иймээс ч тодорхойгүй шалтгаанаар УИХ-ын даргыг чөлөөлөх тогтоолын төсөлд гарын үсэг зурахаас гишүүд татгалзаж байгаа сурагтай.
Иймээс арга ядсан нэр бүхий гишүүд "Таалагдахгүй байна" гэдэг шалтгаанаар л УИХ-ын даргыг чөлөөлөхөөр тогтоолын төслөө боловсруулж байгаа тухай эх сурвалжууд хэлж байна. Бас нэг анхаарал татаж байгаа зүйл нь УИХ-ын даргыг чөлөөлөхтэй холбоотой Дэгийн тухай хуулийг хэлэлцэж байхад Д.Лүндээжанцан гишүүний хэлсэн үг байна. Тэрбээр "Энэ хууль Үндсэн хуулийн цэц дээр маргаан үүсвэл би очихгүй гэдгийг хэлье" гэж мэдэгдсэн нь энэ хууль цэц дээр очоод унах магадлал өндөр гэдгийг харуулж байна. Үүнийг буруу жишиг хэмээн үзэх хуульчид ч олон байна. Нэг үгээр ямар нэг үндэслэлгүйгээр УИХ-ын даргыг өнөөдөр хүчээр буулгалаа гэхэд маргааш Ерөнхий сайд аа, нөгөөдөр Ерөнхийлөгчөө ч ингэж огцруулах эхлэл тавигдаж байгааг үгүйсгэх аргагүй юм.
Эцэст нь М.Энхболд л буучихвал нар мандана, улс орон цэцэглэн хөгжинө, бүх муу муухай бүхэн арилна гэж итгүүлсэн олон түмэндээ ам асуулгах өдөр поп гишүүдэд удахгүй ирэх биз ээ.
Ийнхүү УИХ-ын даргыг гишүүдийн олонхын саналаар чөлөөлөх хуулийн орчинг тэд бүрдүүлж чадлаа. Харин одоо УИХ-ын даргыг чөлөөлөх тухай тогтоолын төсөлд түүнийг ямар үндэслэлээр огцруулах вэ, гэдэг нь тодорхой бус байна. Мэдээж УИХ-ын даргыг чөлөөлөхөд ямар нэгэн үндэслэл байх ёстой. Үндэслэл биш юм гэхэд шалтгаан хэрэгтэй болно. Ажлаа удаа дараа тасалсан, хуралдаан удирдаж чадаагүй, хууль зөрчсөн, ажлын байранд согтууруулах ундаа хэрэглэсэн гэх мэт шалтаг шалтгаан, үндэслэл хэрэгтэй. Гэвч одоогоор УИХ-ын дарга М.Энхболдыг огцруулах ямар нэг шалтгаан алга байна. Иймээс ч тодорхойгүй шалтгаанаар УИХ-ын даргыг чөлөөлөх тогтоолын төсөлд гарын үсэг зурахаас гишүүд татгалзаж байгаа сурагтай.
Иймээс арга ядсан нэр бүхий гишүүд "Таалагдахгүй байна" гэдэг шалтгаанаар л УИХ-ын даргыг чөлөөлөхөөр тогтоолын төслөө боловсруулж байгаа тухай эх сурвалжууд хэлж байна. Бас нэг анхаарал татаж байгаа зүйл нь УИХ-ын даргыг чөлөөлөхтэй холбоотой Дэгийн тухай хуулийг хэлэлцэж байхад Д.Лүндээжанцан гишүүний хэлсэн үг байна. Тэрбээр "Энэ хууль Үндсэн хуулийн цэц дээр маргаан үүсвэл би очихгүй гэдгийг хэлье" гэж мэдэгдсэн нь энэ хууль цэц дээр очоод унах магадлал өндөр гэдгийг харуулж байна. Үүнийг буруу жишиг хэмээн үзэх хуульчид ч олон байна. Нэг үгээр ямар нэг үндэслэлгүйгээр УИХ-ын даргыг өнөөдөр хүчээр буулгалаа гэхэд маргааш Ерөнхий сайд аа, нөгөөдөр Ерөнхийлөгчөө ч ингэж огцруулах эхлэл тавигдаж байгааг үгүйсгэх аргагүй юм.
Эцэст нь М.Энхболд л буучихвал нар мандана, улс орон цэцэглэн хөгжинө, бүх муу муухай бүхэн арилна гэж итгүүлсэн олон түмэндээ ам асуулгах өдөр поп гишүүдэд удахгүй ирэх биз ээ.
П.АНИР
Оллоо.мн