Он дамжин үргэлжилж буй ЖДҮ-чин гишүүдтэй холбоотой дуулиан үргэлжилсээр байна. Хэдхэн хоногийн өмнө парламент УИХ-ын гишүүн Г.Солтан, Б.Ундармаа, Л.Энхболд, Д.Дамба-Очир нарын гишүүний бүрэн эрхийг чөлөөлөх шаардлагагүй гэж үзэн, хамгаалж үлдсэн. Эдгээр дөрвөн гишүүний бүрэн эрхийг чөлөөлөхгүйгээр шалгах боломжтой гэж үзсэн учраас ийнхүү хамгаалж үлдсэн хэрэг. Гэтэл ангийнхан нь “амь тавин” авч үлдсэн ЖДҮ-чин гишүүд дахин асуудал үүсгээд эхэлсэн юм. Тодруулбал, УИХ-ын гишүүн Г.Солтан, Д.Дамба-Очир, Л.Энхболд нар яллагдагчаар татах тухай тогтоолтой танилцахгүй элдэв шалтгаан тоочиж хүндрэл учруулах болсон байна. Нэгэнт ангийнхан нь хамгаалж үлдсэн учраас ЖДҮ-чин гишүүд хуулийн өмнө ийнхүү том толгойлж байгаа бололтой. Гэхдээ асуудал дуусах болоогүй. ЖДҮ-чин гишүүдийг хамгаалж үлдсэн УИХ-ын тогтоолд Ерөнхийлөгч хориг тавих боломжтой.
Монгол Улсын Ерөнхийлөгч дараах хуулийн дагуу хориг тавих эрхтэй.
Үндсэн хууль 33 дугаар зүйл.
Монгол Улсын Ерөнхийлөгч дараах хуулийн дагуу хориг тавих эрхтэй.
Үндсэн хууль 33 дугаар зүйл.
- 2.1.Улсын Их Хурлын баталсан хууль, бусад шийдвэрт бүхэлд нь буюу зарим хэсэгт нь хориг тавих. Ерөнхийлөгчийн тавьсан хоригийг Улсын Их Хурлаар хэлэлцэж, чуулганд оролцсон нийт гишүүний гуравны хоёр нь хүлээж аваагүй бол уг хууль, шийдвэр хүчин төгөлдөр хэвээр үлдэнэ.
Монгол Улсын Ерөнхийлөгчийн тухай хууль 12 дугаар зүйл
- 7.Хууль санаачлагчаас Улсын Их Хуралд өргөн мэдүүлсэн хуулийн төслийн талаар саналаа илэрхийлж болно. Энэ нь уул хуульд хориг тавих бүрэн эрхээ хэрэгжүүлэхэд саад болохгүй.
- 8.Улсын Их Хурлын баталсан хууль, бусад шийдвэрт Үндсэн хуулийн гучин гуравдугаар зүйлийн 1 дэх хэсгийн 1-д зааснаар бүхэлд нь буюу зарим хэсэгт нь хориг тавина.
Ерөнхийлөгчид хуулиар олгогдсон ийм эрх бий. Парламентын хамгаалж үлдсэн гишүүд хуулийн байгууллагын өмнө том толгой гаргасан хэвээр байна. Иймээс тэдний бүрэн эрхийг хэвээр үлдээх эсэх талаарх шийдвэрээ эргэж харах боломжийг гишүүдэд олгож, хориг тавих боломж танд байна Ерөнхийлөгч өө. Үгүй бол дахин дахин хууль зөрчиж, хууль бус үйлдлээ парламентын гишүүдээр хамгаалуулж, бүрэн эрхтэйгээ үлдэх гишүүдийн тоо нэмэгдсээр байх нь.
П.ГОО
Оллоо.мн
Оллоо.мн