Цахим орчинд Ерөнхий сайд С.Мөнхчулууныг хотын даргаар батламжлах саналыг буцаалаа гэх мэдээлэл тархсан. Тэгвэл энэхүү мэдээллийг албаны эх сурвалж үгүйсгэлээ.
Өнгөрсөн долоо хоногийн лхагва гарагт НИТХ хотын даргаар С.Мөнхчулууныг сонгосон. Харин одоо НИТХ-ын төлөөлөгчдийн сонголтыг баталгаажуулах эсэх нь Ерөнхий сайдын бүрэн эрхийн асуудал юм. Гэхдээ одоогоор НИТХ-аас Ерөнхий сайдад С.Мөнхчулууныг батламжлуулах албан бичгийг хүргүүлээгүй байгаа аж.
Ерөнхий сайдад хотын даргыг батламжлуулах бичиг ирсэн тохиолдолд 14 хоногт багтаан зөвшөөрсөн, зөвшөөрөөгүй эсэхээ НИТХ-д ирүүлэх ёстой юм.
П.ГОО
Оллоо.мн