ДЭМБ-аас H1N1 вирусийн эсрэг үйлчилгээтэй эмийг хүлээлгэн өглөө
Нийслэлийн хэмжээнд амбулаторийн 75.775 үзлэг хийгдсэнээс томуу, томуу төст өвчтэй 5634 тохиолдол оношлогджээ. Нийт өвчлөгсдийн 30.9 хувийг 0-1 нас, 26.5 хувийг 2-4, 14.1 хувийг 5-9 насны хүүхдүүд эзэлж байгаа юм.
 
Томуу, томуу төст өвчний дэгдэлт газар авсан энэ үед Дэлхийн эрүүл мэндийн байгууллагаас уг өвчний үед хэрэглэдэг “Осельтамивар” эмийг Эрүүл мэндийн яаманд өнөөдөр гардуулж өглөө.
 
Манай улс анх 2009 онд томуугийн А хүрээний H1N1 вирусийн эсрэг эмчилгээнд уг эмийг хэрэглэж эхэлсэн бөгөөд осельтамивар эм нь ДЭМБ-ын зайлшгүй шаардлагатай эмийн 20 дахь загвар жагсаалтад байх эмийн 8 дахь жагсаалтад орсон эм юм.
 
Энэхүү нэн шаардлагатай эмийг хүлээлгэн өгөх арга хэмжээний үеэр Эрүүл мэндийн сайд Д.Сарангэрэл “Хоёр жилийн өмнө томуу, томуу төст өвчнөөр өвчилсөн хүүхдүүдийг шалан дээр хүлээн авдаг байсан. Бид энэ жилийн томуу, томуу төст өвчний үед нэг ч хүнийг шалан дээр хүлээн аваагүй. Эвхдэг ор дэлгэж хүүхдүүдээ хүлээн авч байгаа. Өнгөрсөн долоо хоногт БЗД, ЧГД-ийн хорооны цэргийн госпиталь эмнэлэгт 78 ор дэлгэж байршууллаа. ЧГД-ийн 10 хорооны хүүхдийг Төрийн тусгай албан хаагчдын эмнэлэгт, СХД-ийн том хүний эмнэлгийн тусламж үйлчилгээ “Ачтан” эмнэлэг рүү шилжүүллээ. Ингэсний үр дүнд өнөөдөр нэг ч хүүхэд коридорт байхгүй байна. Өнөөдөр Н1N1 вирусын гаралтай ханиадны үед хамгийн их үйлчилгээ сайтай энэхүү эмийг ДЭМБ бидэнд өгч байна. Эхний 500 хүн тун эм ирлээ. Ирэх долоо хоногт 1800 хүн тун эмийг ДЭМБ бидэнд хандив болгон өгч байна” гэлээ.
 
ДЭМБ-ын суурин төлөөлөгч Сергей Диордица  “Европын болон Азийн улс орнуудад өвлийн улирал болж буйтай холбоотойгоор томуу, томуу төст өвчний дэгдэлт их байна. Ганцхан Монголд биш АНУ-д дэгдэлт өндөртэй, дэлхий нийтийн асуудал болчихоод байна. Томуугийн дэгдэлттэй холбоотой ДЭМБ-аас улирлын чанартай томуугийн эсрэг тариулдаг вакциныг тариулахыг зөвлөж байна. Энэхүү вакцин нь H1N1 вирусын эсрэг боловсруулж гаргасан.  Тиймээс үүнийг сурталчилж ажиллахыг Эрүүл мэндийн сайд Д.Сарангэрэлээс хүсч байна” гэсэн юм.
 

Уг эм нь вирусын эсрэг үйлчилгээтэй төдийгүй, шинж тэмдэг илэрснээс хойш 48 цагийн дотор ууж хэрэглэснээр тухайн өвчнийг хүндрэх болон уушгины өвчин хүндрэхээс сэргийлэх ач холбогдолтой юм байна.

О.Гэрэл
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • DR. PRADHAN 2019-08-05 02:35:09
    Хэрэв та өөрийн бөөрийг мөнгөөр зарахыг хүсч байгаа бол үнэ: $ 780,000USD харилцах имэйл: DR.PRADHAN.UROLOGIST.LT.COL@GMAIL.COM
    197.210.45.131
    Мэдэгдсэн Хариулах
  • зочин 2019-01-23 10:45:47
    хэлээ зажилсан хуухэн эруул мэндийн сайд эмээ ядарсан иргэддээ егч узээрэй дээ битгий жду шиг их хурлын гишуудэд егчихеерэйдээ
    203.91.115.41
    Мэдэгдсэн Хариулах