ШӨХТГ-аас өнөөдөр Улсын клиникийн төв эмнэлэг бөөрний өвчтэй иргэдээс хууль бусаар төлбөр авсан талаар мэдээллээ. Тодруулбал бөөрний дутагдалтай иргэд долоо хоногт хоёроос гурван удаа гемодиализийн аппаратаар үйлчлүүлэх шаардлагатай байдаг бөгөөд улсын эмнэлэгт үнэ төлбөргүй үйлчлүүлэх журамтай юм байна. Гэтэл тус эмнэлэгийнхэн тус аппаратанд орсон иргэдээс хоёр удаагийн төлбөр авчээ. Энэхүү аппаратанд нэг удаа ороход 140 мянган төгрөг төлдөг байна. Иймээс өвчтөнүүдээс төлбөр авсан тус эмнэлэгт торгуулийн арга хэмжээ авчээ. Дашрамд дуулгахад Нэгдүгээр эмнэлэгт гемодиализийн аппаратаар төлбөр төлж үйлчлүүлсэн иргэд ШӨХТГ-т хандан тус аппаратанд орохдоо өгсөн мөнгөө буцаан авах боломжтой гэж тус газрын Хэрэглэгчийн эрхийг хамгаалах хэлтсийн дарга Ч.Батбаатар хэллээ.
Б.Сансартуяа
Оллоо.мн
Оллоо.мн