Монголын сод хүмүүн биеэ хурааж, тэнгэртээ дэвшээд 13 хоног өнгөрчээ. Ардын уран зохиолч, Хөдөлмөрийн баатар яруу найрагч Б.Лхагвасүрэн гуай шинийн нэгний билэгт сайн өдөр өвчний улмаас таалал төгсч, Монголын утга зохиолд нөхөж баршгүй хүнд гарз тохиосон билээ.
Талийгаачийг Төв аймагт төрсөн нутагт нь хөдөөлүүлсэн билээ. Монголын утга зохиолын ноён оргил болсон түүний хувьд хамгийн сүүлд “Монгол тулгатны 100 эрхэм” нэвтрүүлгээ хөтлөн явуулахдаа ихэд ядарч, туйлдсан байдалтай харагдсан бөгөөд ийн удалгүй хэдхэн хоногийн дараа өөд болсон юм.
Нэрт яруу найрагч, нэгэн цагт үр хүүхдүүддээ хандаж, дараах шүлгийг тэрлэснээ 2015 онд олон нийтэд уншиж сонирхуулж байжээ.
Эргэшгүй болж аав нь хэвтэрт ороход
Ээжийгээ дэргэд битгий байлгаарай, гуйя
Ээжийг чинь дэргэд байхаар
Эрхлээд үхэж өгөхгүй байж мэднэ аав нь
Үйл нь цэнхэрлээд ирэхэд тороод ирж мэдэх
Үртэйгээ цуг нялхарсан хүн шүү аав нь
Ээжийг чинь жаргал даахтай болгосон
Зовлон даахтай болгоогүй ээ
“Тийм байж билээ” гээд
Үгүйлэхийн нэгийг хасах гэж бодсон минь энэ
“Тэгэж хэлж билээ” гээд
Шаналахын нэгийг хасах гэж санасан минь энэ
Эцсийн амьсгалаа татахдаа хань минь гээд
Энэлхийн нэгийг хасах гэж ирсэн минь энэ
Эргэшгүй явах болсон эцсийн ирмэг дээр
Ээжийгээ дэргэд битгий байлгаарай, гуйя
Ёсны өмнө эр сэтгэл гэнэт цөмөрч
Ёолж эрхлээд үхэж өгөхгүй байж мэднэ, аав нь…
"Монгол тулгатны зуун эрхэм" нэвтрүүлгийн хэсгээс, 2015 он гэжээ.
О.Гэрэл
Оллоо.mn
Талийгаачийг Төв аймагт төрсөн нутагт нь хөдөөлүүлсэн билээ. Монголын утга зохиолын ноён оргил болсон түүний хувьд хамгийн сүүлд “Монгол тулгатны 100 эрхэм” нэвтрүүлгээ хөтлөн явуулахдаа ихэд ядарч, туйлдсан байдалтай харагдсан бөгөөд ийн удалгүй хэдхэн хоногийн дараа өөд болсон юм.
Нэрт яруу найрагч, нэгэн цагт үр хүүхдүүддээ хандаж, дараах шүлгийг тэрлэснээ 2015 онд олон нийтэд уншиж сонирхуулж байжээ.
Эргэшгүй болж аав нь хэвтэрт ороход
Ээжийгээ дэргэд битгий байлгаарай, гуйя
Ээжийг чинь дэргэд байхаар
Эрхлээд үхэж өгөхгүй байж мэднэ аав нь
Үйл нь цэнхэрлээд ирэхэд тороод ирж мэдэх
Үртэйгээ цуг нялхарсан хүн шүү аав нь
Ээжийг чинь жаргал даахтай болгосон
Зовлон даахтай болгоогүй ээ
“Тийм байж билээ” гээд
Үгүйлэхийн нэгийг хасах гэж бодсон минь энэ
“Тэгэж хэлж билээ” гээд
Шаналахын нэгийг хасах гэж санасан минь энэ
Эцсийн амьсгалаа татахдаа хань минь гээд
Энэлхийн нэгийг хасах гэж ирсэн минь энэ
Эргэшгүй явах болсон эцсийн ирмэг дээр
Ээжийгээ дэргэд битгий байлгаарай, гуйя
Ёсны өмнө эр сэтгэл гэнэт цөмөрч
Ёолж эрхлээд үхэж өгөхгүй байж мэднэ, аав нь…
"Монгол тулгатны зуун эрхэм" нэвтрүүлгийн хэсгээс, 2015 он гэжээ.
О.Гэрэл
Оллоо.mn