Байгаль нуурын усыг савлах төслийг шалгана

Красноярскийн хязгаарт ажлын айлчлал хийж байгаа ОХУ-ын Ерөнхий сайд Дмитрий Медведев Байгалийн нөөц, экологийн сайд Дмитрий Кобылкинтэй утсаар холбогдож, Байгаль нуурын усыг савлахаар барьж байгаа үйлдвэрийг нягталж шалгахыг үүрэг болгожээ. Засгийн газрын даргын хэвлэлийн нарийн бичгийн дарга Олег Осипов сэтгүүлчдэд энэ тухай мэдээлэв.

“Хятад улсад экспортлохоор Байгаль нуурын усыг савлах үйлдвэрийн барилга байгууламжийн төслийг экологийн хамгийн нарийн стандартад нийцэж байгаа эсэхийг нягталж шалгахыг Байгалийн нөөц, экологийн яаманд ерөнхий сайд утсаар үүрэг болгосон” хэмээн Осипов мэдэгдэв.

“Универсиад-2019”-д оролцож байгаа ОХУ-ын шигшээ багийн гишүүдтэй Д.Медведев мягмар гаригт уулзах үеэр энэ асуудлыг хөндөж тавьсан ажээ. Энэ бол үнэхээр онц чухал сэдэв, энэ асуудлаар иргэдээс олон санал, хүсэлт хүлээж авсан хэмээн Ерөнхий сайд өгүүлжээ. Байгаль нуурын эргэн тойронд нөхцөл байдал муудахыг огт гаргуулахгүйн үүднээс уг төсөл экологийн хэм хэмжээнд нийцэж байгаа эсэхийг нягталж шалгахаа тэрээр амласан байна.

“Аквасиб” компанийн гүйцэтгэж байгаа үйлдвэрийн барилга байгууламжийн ажил 2019 оны нэгдүгээр сард эхэлсэн. Хөрөнгө оруулалтын нийт хэмжээ нь ойролцоогоор 1.5 тэрбум рубль, төслийн хүчин чадал нь жилийн 190 сая литр юм байна. Эхний ээлжийг 2019 оны арванхоёрдугаар сард ашиглалтад оруулах бөгөөд 2021 оноос үйлдвэр бүрэн хүчин чадлаараа ажиллаж эхлэх ажээ. Бүтээгдэхүүний 20 хувийг Оросын зах зээлд гаргаж, 80 хувийг Хятад, Өмнөд Солонгос, Монгол болон бусад улсад экспортолно.

Хуулийн этгээдийн улсын нэгдсэн бүртгэлд дурдсанаар “Аквасиб” ХХН-ийн үндсэн эзэмшигч нь Хятадад бүртгэлтэй “Байгаль нуур” хэмээх хязгаарлагдмал хариуцлагатай Дацины усны компани юм байна. “Аквасиб” компанийн хуульч Алла Коркинагийн мэдэгдсэнээр тус компани ажил гүйцэтгэхийг зөвшөөрсөн бүх бичиг баримтыг авсан гэнэ.

Эх сурвалж: “Зууны мэдээ” сонин



 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Монголын алдагдсан газар 2019-03-20 06:35:12
    Байгаль нуураа Оросуудад өгөөд 400 гаруй жил болж байна. Буриад монголоо өгөөд 400 жил болж байна.
  • Л 2019-03-15 03:55:08
    Сэлэнгэ мөрөний усыг хил дээр савлаж зарах нь зөв.
  • Байгаль нуур 2019-03-14 05:12:04
    Нөгөө Байгаль ширгэлээ гээд Эгийн голын УЦС-ыг хориглоод байсан оросууд ийм л шийдвэр гаргах гээд байж.
  • ard tumen 2019-03-14 03:05:03
    baigal nuuriin usiig savlaj olson ashgaas manaih hurteh ystoi manaihaas ursaj ochson togtmol us shuu dee
  • Бат 2019-03-14 02:54:23
    Манайхан удахгүй Хөвсгөл нуураа савлана аа ямар хатаж үхэлтэй биш тэр үед аялал жуулчлал гэж хөөрцөглөөд баастай холчихгүй байлгахсан
  • инээгч 2019-03-14 02:03:31
    манайхан нэг нь дуурайгаад хөвсгөл далайн усыг савлана гээд балайрах байхдаа яанаа