ОХУ-д тэтгэлгээр суралцуулах сонгон шалгаруулалт эхэлжээ
Өнөөдөр “Оросын боловсролын үзэсгэлэн 2019” сэдэвт хэвлэлийн бага хурал боллоо.

Хуралд Россотрудничество агентлагийн Монгол Улс дахь төлөөлөгчийн газрын тэргүүн Татьяна Будаева, ОХУ-аас Монгол Улсад суугаа Элчин сайдын яамны төлөөлөгч болон Оросын тэргүүлэх 36 их, дээд сургуулиудын төлөөлөгчид оролцов.

Дээрх үзэсгэлэн 15.00 цагаас Оросын шинжлэх ухаан соёлын төвд нээлтээ хийсэн бөгөөд мастер хичээл явагдаж мөн их дээд сургуулиудын төлөөлөгчид сургуулийн суралцах орчин, дотуур байр, чөлөөт цагаа өнгөрөөх боломжуудын талаар эцэг эх, сурагчдад дэлгэрэнгүй мэдээлэл өгсөн байна.

Харин маргааш 17.00 цагт “Russia Study” сайтын онлайн бүртгэл дуусах бөгөөд энэ сарын 18-22-ны хооронд тэтгэлгээр суралцах элсэлтийн шалгалтууд явагдах юм байна.

Техникийн чиглэлээр суралцах гэж байгаа бол математик болон орос хэлний хичээлээр, анагаах ухааны чиглэлээр бол хими болон орос хэлээр шалгалт өгнө.

Монголд одоогоор ОХУ, Зөвлөлтийн холбооноос их, дээд сургууль төгссөн 60 мянга гаруй хүн ажиллаж байна. ОХУ, Монгол Улсын боловсролын салбар дахь хамтын ажиллагаа жилээс жилд өргөжиж байгаа нь Монголд хувиарлагдаж байгаа хуваарийн тооноос шууд хамаарагдаж байгаа гэдгийг онцолсон юм.

Өмнө нь 200 хүрэхгүй хуваарь ирдэг байсан бол өнгөрсөн 2018, 2019 онд 500 хуваарь иржээ.
 
О.Гэрэл
Оллоо.mn 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.