Ц.Элбэгдоржийн авлигын хэргийг мэдэх ганц хүн ТЕГ-ын дарга Д.Гэрэл юм

Ерөнхийлөгч асан Ц.Элбэгдоржтой холбоотой элдвийн “хэрэг”-үүд дэлгэгдээд эхэллээ.

Хэд хоногийн өмнө Н.Алтанхуягийг Ерөнхий сайд байхад ахлах зөвлөх нь байсан Л.Гансүх телевизийн ярилцлагад оролцохдоо “…Ерөнхий прокурор Дорлигжав намайг жорлондоо дагуулж ороод усаа татаж байгаад Алтанхуягийг Элбэгдоржтой уулзуул. Тэгж байж чи асуудлаас мултарна. Хурц намайг чагнаад байгаа болохоор хамаагүй ярьж болохгүй байна” гэж хэлсэн тухай ярьсан. Мөн тэрээр “…Элбэгдорж Тавантолгойтой холбоотойгоор шаардлага тавиад байгаа гэж Алтанхуяг надад хэлсэн” гэсэн юм.

Үүнээс хоёр хоногийн дараа Ерөнхийлөгчийн зөвлөхөөр ажиллаж байсан Ерөнхий сайд асан Н.Алтанхуяг ажлаа өгөх болсноо мэдэгдсэн юм. Н.Алтанхуяг энэ талаар хэвлэлд ярихдаа “…Сүүлийн үед манай намын гишүүд намайг амиа бодож байна гэж хэлэх боллоо. Бас “Таны ярьдаг шударга бус зүйл чинь АН-д ч нүүрлэлээ. Ц.Элбэгдорж, М.Энхболдын хамсаатан болсон гар хөл нь АН-ын удирдлагад гарлаа. Бид 30-аад жил юуны төлөө явсан юм бэ. Сүүлдээ бид Эрдэнэтийн 49 хувийг хамтран идэгсдийн тоонд орчихлоо. 60 тэрбумын хэрэгт АН-ын гишүүд бид эсэргүүцсэн. Гэвч АН-ын удирдлага болох С.Эрдэнэ УИХ-д шившгийн зүйл их хийлээ. Та ямар зүйлээ хийгээд суугаад байгаа юм бэ” гэж байна” гэв. Бас “…Ерөнхийлөгч асан Ц.Элбэгдорж Оюутолгой, Тавантолгойгоос юм авна гээгүй. Тийм, тийм зүйл хий гэсэн. Үгүй гээд хэлчихсэн чинь Л.Гансүх маань шоронд орчихсон” гэлээ.

Ер нь Ц.Элбэгдорж Ерөнхийлөгчөөр ажиллаж байсан он жилүүддээ хууль бусаар Онцгой бүрэн эрхт комисс байгуулан ажиллаж байсныг ийн нотолцгоож байна гэсэн үг.

“Зууны мэдээ” сонин ч 2017 оны арванхоёрдугаар сарын 19-ний дугаартаа “Коридор буюу Онц бүрэн эрхт комисс одоо ч ажилласаар байна уу” гэсэн нийтлэл бичиж байлаа.

Энэ нь батлагдаж явсаар одоо хагарч дэлбэрэх дээрээ тулж байгаа бололтой.

Гэхдээ Ц.Элбэгдоржийн хууль бус Онц бүрэн эрхт комиссын талаар өмнө нь энэ комиссынх нь ажиллагаанд өртөж хэлмэгдсэн хүмүүс, тэдний өмгөөлөгч нар хэлж ярьдаг л байв. Гээд ямар нэг үр дүнд хүрч байгаагүй юм.

Өөрөөр хэлбэл, 2017 оны арванхоёрдугаар сарын 15-нд Төрийн ордонд болсон Нийтийн сонсголын үеэр эрхэм гишүүдээс “…Ц.Элбэгдоржийн Солонгосоос авлигал авсан тухай мэдээлэл гурван улсын сайтад гарсан. Тэгвэл сайтад гарсан мэдээлэл улсын нууц юм уу. Өөрсдөд нь таалагдахгүй бол төрийн нууцад хамруулдаг арга барилаасаа салмаар байна” гэсэн үг гарч байлаа.

Үнэхээр ч Ц.Элбэгдоржийн солонгосуудаас авсан 360 сая ам.долларын асуудал нэг хэсэг ил гарч, тэгээд нам дарагдсан. Энэ нь Тагнуулын хурандаа Д.Цогтбаатарын “хэрэг”-тэй холбоотой гэдэг. Улсын нууц задруулсан хэргээр шүүхээс таван жилийн хорих ял авч, түүнийг эдэлж байхдаа Б.Хурцыг гүтгэсэн гээд нэг жил гаруйн ял нэмүүлсэн Д.Цогтбаатар хурандаагийн хэрэг маш их асуудалтай гэдэг юм.

Өөрөөр хэлбэл, Д.Цогтбаатарын задруулсан улсын нууц нь Ц.Элбэгдоржийн солонгосуудаас авсан авлигын хэрэг гэх мэдээлэл бий.

Энэ хэргийн хамгийн том, хамгийн тодорхой гэрч бол ТЕГ-ын дарга Д.Гэрэл юм. Учир юу гэвэл Д.Гэрэлийг анх 2012 оны дөрөвдүгээр сарын 18-нд Ерөнхий сайд Сү.Батболд ТЕГ-ын даргаар томилж байв. Харин үүнээс жил нэг сарын дараа буюу 2013 оны тавдугаар сарын 19-нд Ерөнхий сайд Н.Алтанхуяг үүрэгт ажлаас нь чөлөөлж, оронд нь Б.Ариунсанг томилж байсан юм.

Тэр үед Д.Гэрэл “…“Намайг ямар үндэслэлээр ажлаас халсныг мэдэхгүй байна. Засгийн газар хуралдах үед би эмнэлэгт байсан. Одоо ч эмнэлэгт хэвтэж байна. Эмнэлгээс гараад тушаалтай танилцана. Би ажлаа өгөх хүсэлт гаргаагүй” гэж байсан юм.

Гэвч Д.Гэрэл ТЕГ-таа дахин очсон. 2017 оны арваннэгдүгээр сарын 1-ний өдрийн Засгийн газрын хуралдаанаас Б.Хурцыг ТЕГ-ын даргын албан тушаалаас чөлөөлж, оронд нь түүнийг томилсон юм.

Түүний 2012-2013 онд ТЕГ-ын даргаар ажилласан хугацаа бол хурандаа Д.Цогтбаатарыг ид “нааш нь цааш нь” болгож байлаа. Бас Ерөнхийлөгч Ц.Элбэгдоржийн солонгосуудаас авсан олон зуун сая ам.долларын авлигын асуудал гарч ирээд алга болж байсан.

Энэ утгаараа сураг нь хэдийнэ алдарсан экс Ерөнхийлөгчийн авлигын хэргийг мэдэх цорын ганц, баталгаатай эх сурвалж, гэрч нь ТЕГ-ын дарга Д.Гэрэл болж таарч байгаа юм.

“Зууны мэдээ” сонин энэ мэтчилэн хууль бусаар байгуулан ажиллуулж, олон хүнийг “тээрэмдэж” ирсэн Ц.Элбэгдоржийн Онцгой бүрэн эрхт комиссын талаарх томоохон нийтлэлийг хүргэхээр бэлтгэж байгаа юм. Удахгүй уншигчиддаа хүргэнэ.

Эх сурвалж: “Зууны мэдээ” сонин


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2019-06-02 05:25:03
    Элбэгдорж монголын берияг м.энхболдтойн хамт яагаад даруй баривчлахгүй бгаа юм бэ урвагчид маш олон онц ноцтой гэмт хэргүүд үйлдээд сул явсаар бгаад хил давчихл...
  • Зочин 2019-03-18 09:10:42
    Битгий хуцаад бай чи
  • Иргэн 2019-03-18 06:35:42
    Элбэгдорж ямар ч хэрэг хийгээгvй, харин ардчилал, эрх челее, хувийн емчийн эрх, иргэн бvрт Тавантолгойг 1072 хувьцаа болгож Элбэгдорж егсен.Элбэгийг дэмжинээ!
    • Гэрлээ 2019-03-18 07:50:11
      139 балдуушных нь Иргэн гэж Хойшид Пялдага гэж нэрээ бичээд пялдагадаж бай!
    • Гэрлээ 2019-03-18 07:48:13
      саналаа егч байлаа Энхаяр гарсан бол одоогийн энэ Монгол улсын хохирол арай л бага байх байлаа. 139 та одоо цаг заваа vрж пялдагадахаа больцон байдаа ккк
    • Гэрлээ 2019-03-18 07:45:42
      139.5.218.12 ооо Хээцэс чи Элбэгдоржуу? Хелсний бичээч нь байх ккк Женкогоо ч шалгуул бас наад Элбэгдоржоо хvзvvтэй болтол нь шоронд хатаа ! аль 8 онд л Энхбаяр...
  • зочин 2019-03-18 05:21:12
    эбэ -ийн тухай их л олон таагүй зүйл бичигдээд байхад анхаарч, шалгадаггүй юм уу?
  • иргэн 2019-03-18 03:26:11
    Элбэгдорж,Лүндэндоржийн хамт Монголын шүүхийг шүүх биш,авилга авдаг шүүгчийг төрүүлж, бойжуулсан цагаатгах аргагүй гэмт хэрэг үйлдсэн нөхдүүд тул шоронд илгээ
    • Жэнкогийн троллд 2019-03-18 06:37:42
      Алуурчин, хулгайч, урт хутгат Жэнко Тавантолгойг хулгайлья гэсэн чинь Элбэгдорж саад болоод иргэн бvрт 1072 хувьцаа болгоод Тавантолгойг Элбэгээ иргэдэд егсен. ...
  • Бат 2019-03-18 03:06:07
    Үндсэн хуулиндаа параламентаа 2 танхимтай болгох өөрчлөлт оруулахгүй бол олигархууд төрөөр тоглоод дууслаа төрд ард түмний хяналт хэрэгтэй
  • Зочин 2019-03-18 02:45:15
    Элбэгдоржийг шоронд илгээ
    • Жэнкогийн улсаас хулгайлсаныг хураа! 2019-03-18 06:41:15
      Жэнкогийн хvcэл vv? Соц vеийн Мах Импекс, Талх чихэр, Гурилын vйлдвэр болох Милл Хаус, Баянгол зочид буудлыг бараг зvгээр хувьдаа авсан Жэнког шоронд явуул!!!