Орон байр, автомашинаас эд зүйл хулгайлдаг этгээдүүдийг илрүүлжээ

Нийслэлийн цагдаагийн газрын Мөрдөн шалгах газрын Хулгайн гэмт хэрэгтэй тэмцэх хэлтэс автомашин, орон байрны хулгайн гэмт хэрэг үйлддэг 16-21 насны этгээдүүдийг олж илрүүлжээ.

Орхон аймгийн Баян-Өндөр сумын харъяат иргэн Б нь 2019 оны 01 дүгээр сараас хойш Нийслэл хотын Хан-Уул, Баянгол, Баянзүрх, Налайх дүүргийн нутаг дэвсгэрээр явж, бусдын орон байранд хууль бусаар нэвтрэн орж мөнгөн аяга, гар утас, бэлэн мөнгө, алт мөнгө, үнэт эдлэл зэрэг эд зүйлс хулгайлж 27 удаагийн үйлдлээр иргэдэд 50 орчим сая төгрөгний хохирол учруулсыг тогтоон Баянзүрх дүүрэг дэх цагдаагийн гуравдугаар хэлтэст шилжүүлж, мөрдөн шалгалтын үйл ажиллагааг явуулж байна.

Чингэлтэй дүүргийн 13 дугаар хороонд оршин суух иргэн А, Баянзүрх дүүргийн 2 дугаар хороонд оршин суух иргэн Л, Сонгинохайрхан дүүргийн 23 дугаар хороонд оршин  суух иргэн Ө, Хан-Уул дүүргийн 8 дугаар хороонд оршин суух иргэн Д нар нь Нийслэлийн Сүхбаатар, Чингэлтэй, Сонгинохайрхан дүүргийн нутаг дэвсгэрт шөнө оройн цагаар иргэдийн авто машины LED гэрэл, аккумлятор, эд зүйлсийг хулгайлах 30 гаруй удаагийн үйлдлийг тус тус илрүүлэн холбогдох цагдаагийн хэлтсүүдэд шилжүүлж, шалгалтыг үргэлжлүүлэн явуулж байна.

Энэ төрлийн гэмт хэрэг үйлдсэн тохиолдолд “Эрүүгийн хуулийн 17.1.1 Бусдын эд хөрөнгийг хүч хэрэглэхгүйгээр, нууцаар, хууль бусаар авсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ.” гэж заасан байдаг.

С.Анар
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Бат 2019-03-28 03:52:20
    Тэтгэвэрийн сангаас хулгайч нараас учруулсан хохиролыг гаргуулж төлүүл хулгайчаас төр төмөр нүүрээ гарга төлбөрт эцэг эх ах дүүг оролцуул одоо яалтай
    202.9.42.114
    Мэдэгдсэн Хариулах