Бусдын хайхрамжгүй байдлаас болж хэчнээн айл эд хөрөнгөөрөө сүйдэх ёстой вэ
Энэ жил ихэнх нутгаар цас багатай, хаврын хуурайшилт ихтэй үед ой хээрийн түймэр гарах эрсдэлтэй тул иргэдийг болгоомжтой байхыг, ил задгай гал түлэхгүй, цог хаяхгүй байхыг илүү хариуцлагтай байгаарай гэж Онцгой байдлын албанаас байнга анхааруулж сэрэмжлүүлж байна.

Гэтэл иргэдийн хариуцлагагүй хайхрамжгүй байдлаас болж их хэмжээний газрыг хамарсан түймэр дэгдэж, айл өрх эд хөрөнгөөрөө сүйдсэн харамсалтай зүйл өчигдөр боллоо.

Өнгөрсөн амралтын хоёр өдөр Богд ууланд болон Гоодойн аманд түймэр гарав.

Тодруулбал, СБД-ийн 19-р хороо “Гоодойн ам”-д шар өвс шатаасны улмаас түймэр гарлаа гэсэн дуудлага нийслэлийн Онцгой байдлын газарт 13.55 цагт  иржээ.

Дуудлагын дагуу Гал түймэр унтраах, аврах 34, 74, 10, 26, 18 дугаар анги болон нийслэлийн Аврах анги 105-ын нийт 102 алба хаагч, 12 техник хэрэгсэлтэйгээр ажиллан, түймрийг цурманд оруулан бүрэн унтраасан байна.  

Уг галын уршгаар зуслангийн 20 гаруй байшин шатав. Өөр эх сурвалжийн хэлж буйгаар нэг иргэн байшингийнхаа хаалгыг гагнаж байгаад оч үсэргэсэн гэх.
 
Гагнуурын оч унтарсан мэт харагдавч уугаж асдаг аж. Шар өвсөө мөн бүү шатаагаарай. Татсан тамхиа гүйцэд унтрааж, гал түлэх аливаа үйлдэлдээ хянуур, хариуцлагатай байцгаая аа. Салхины зүг ой руу байсныг гал унтраагчид сөрж чадсанаар галыг ой руу алдаагүй, бусад зуслан руу оруулаагүй гэнэ. Гэхдээ модон байшинг шатаж байхад яах ч арга алга. Маш хурдан шатсан байна. Болгоомжтой байгаарай, иргэдээ.

Хаврын хуурайшилтай, салхи шуургатай үед иргэдийн санамсар болгоомжгүй үйлдлээс шалтгаалан гарах гал түймрийн гаралт ихсэх хандлагатай байна.  
 
Мөн түүнчлэн уржигдар Богд уулын Богинын аманд гарсан түймрийн дуудлагаар нийслэлийн Онцгой байдлын газрын алба хаагчид ажиллан, бүрэн унтраасан.

Дуудлагын дагуу нийслэлийн Гал түймэр унтраах, аврах 14, 30, 65, 26, 29, 18, 34 дүгээр анги болон нийслэлийн Аврах анги 105-ын нийт 65 алба хаагч, 12 техник хэрэгсэлтэйгээр ажиллажээ.  

Нийслэлийн онцгой байдлын газарт он гарсаар зуслангийн чиглэлд болон гэр хорооллын иргэд хашааны өнжмөл шар өвсийг шатааж байгаад гал алдсан 30 удаагийн дуудлага иржээ.  

Тухайлбал өчигдөр Гоодойн аманд шар өвс шатаасны улмаас түймэр гарсан бол  өнөөдөр СБД-ийн 19-р хороо “Гоодойн ам”-д шар өвс шатаасны улмаас түймэр гарч, түймрийн улмаас 10 айлын байшин шатаад байна.

Түймэр гарсан шалтгааныг тодруулбал иргэдийн анхаарал болгоомжгүйгээс үүдэлтэй байгальд ил задгай халуун үнс, нурам хаяснаас шар өвсний түймэр дэгдсэн байна. Хэрвээ өнжмөл шар өвс шатаах бол Онцгой байдлын хэлтэст заавал мэдэгдэх ёстой. 

Энэ мэт иргэдийн санамсар болгоомжгүй байдлаас үүдэн хашаандаа өнжмөл шар өвс, ногоо шатаасны улмаас өөрийн болон бусдын эд хөрөнгөнд хохирол учруулах, цаашлаад ногоон бүс галд өртөх эрсдэлийг дагуулж байгаа юм. Одоо 20 гаруй айлын хашаа байшин шатсан хохирлыг хэн барагдуулах вэ.

Ер нь хөдөө гадаа ч амарч зугаалж яваад гал алдаж түймэр тарих санамсаргүй зүйл бий. Хэдий санамсаргүй ч энэ бол иргэдийн 100 хувь буруутай үйлдэл болно. Хаана ч явсан сэрэмж илүүдэхгүй. Та тамхи татсан бол тамхины ишээ бүрэн унтрааж хая, гал түлсэн бол галаа сайн унтраа. Гагнуур хийсэн бол аюулгүй байдлаа хангах, эргэн тойрноо сайж ажигла.  

Хаврын хуурайшилтын үед иргэд асаасан гал, шүдэнз, татсан тамхины гал, цог, нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийж байх, түймрийн хуурайшилт ихтэй үед ой, хээрт ил задгай гал түлэхгүй байх.

Мөн иргэд гэр сууц, хашаа хорооны гадуур түймрээс хамгаалах зурвас татах, гал унтраах багаж хэрэгслийг бэлтгэх зэрэг гал түймрээс урьдчилан сэргийлэх арга хэмжээ авахыг ОБЕГ-аас анхааруулж байна.





О.Гэрэл
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Mandaa 2019-04-18 05:32:03
    Yana daa hairan shan baishinguud huwi hunii huraaj hurimtluulj bosgoson baishinguud yana da yaaanaaa
  • иргэн 2019-04-16 02:24:05
    20 гаран байшин шатсан юм уу 10 гаран юм уу?
  •  2019-04-15 06:18:25
    Гэрэл нэртэй харанхуй мал байх юм.. үргэлж согтуу байдаг юм уу бичсэн юм нь авах юм гүй тамтаг
  • анир мал 2019-04-15 04:44:05
    анир малаа гоодойн аманд хэдэн туймэр гарваа арван байшин уу хорин байшин уу чи ч естой туймэрийн утаанд эргуутсэн мал байхаа даа нэг бичсэнээ хэд ч бичдэг юм
  • Бат 2019-04-15 02:41:20
    Төр гэж байгаа бол галдан шатаагч нарт төмөр нүүрээ гаргахгүй бол болохгүй эрхэм гишүүд минь хуулиа гаргахгүй бол идсэн уусаныг чинь түймэрдэж мэднэ шүү