Баянзүрх дүүрэг дэхь цагдаагийн хоёрдугаар хэлтэс нь хариуцсан хороодын нутаг дэвсгэрт үйлдэгдэж буй гэмт хэрэг, зөрчлийг бууруулах, түүнээс урьдчилан сэргийлэх чиглэлээр “Оюутан эргүүл” арга хэмжээг өнөөдрөөс эхлэн зохион байгуулж, их сургуулиудтай хамтран ажиллаж эхэллээ.
Энэ арга хэмжээний хүрээнд “Их засаг олон улсын их сургууль”, “ШУТИС-ийн Бизнесийн удирдлага, хүмүүнлэгийн сургууль”-ийн захиргаатай хамтын ажиллагааны гэрээ байгуулсан юм.
Ийнхүү өнөөдрөөс эхлэн гэмт хэрэг, зөрчил үйлдэгдэж болзошгүй эмзэг цэгүүдэд эргүүлийн үүрэг гүйцэтгэх алба хаагчид болон оюутнуудад Нийтийн хэв журам хамгаалах тасгийн дарга, цагдаагийн ахмад С.Амгаланбаатар ажлын үүрэг чиглэл, аюулгүй ажиллагааны зааварчилга өглөө.
О.Гэрэл
Оллоо.mn