ТЕГ-ын дарга асан, генерал Б.Хурцыг урьдчилан хорих 461 дүгээр ангид хорьж байгаа. Тэгвэл түүний 15 хоног хоригдох хугацаа өнөөдөр дуусч байгаа юм байна.
Тиймээс Чингэлтэй дүүргийн Эрүүгийн хэргийн анхан шатны шүүхэд үргэлжлүүлэн хорих уу, батлан даалтад гаргах уу гэдгийг шийдвэрлэнэ.
Эрүүгийн цагдаагийн албанаас түүнийг дөрөвдүгээр сарын 23-нд С.Зориг агсны амь насыг хөнөөсөн хэргээр ял эдэлж буй Т.Чимгээ, Б.Содномдаржаа нарыг эрүүдэн шүүсэн, мөн хууль тогтоомж зөрчсөн гэх хэрэгт холбогдуулан саатуулсан юм.
Авлигатай тэмцэх газар болон Цагдаагийн ерөнхий газрын Эрүүгийн цагдаагийн албаны хамтарсан ажлын хэсэг гарган хэргийг шалгаж байгаа аж.
О.Гэрэл
Оллоо.mn