Д.Ренчин: М.Өлзийхутагийг харахаар өөрийн мэдэлгүй чичирч айдаг болсон
2010 оноос өнөөг хүртэл гэр бүлийн хүчирхийлэлд бие махбодийн болон сэтгэлзүйн дарамтад орсон Д.Ренчингийн ээж А.Эрдэнэчимэг манай сайтад хандсан юм. Дээрх асуудлаар Хүний эрхийн үндэсний комисст хандахаар Архангайгаас зорьж ирсэн тэрбээр холбогдох хүмүүстээ уулзаж, учир байдлаа хэлснээр яаралтай арга хэмжээ авч ажиллахыг аймгийн цагдаагийн газарт санал хүргүүлсэн байдаг.

Энэ дагуу иргэн М.Өлзийхутагийг 24 цаг саатуулж, хохирогч гэгдэх Д.Ренчинг түр хамгаалах байранд хэсэг хугацаанд хүүхдүүдийнх нь хамт байрлуулж, эмнэлэгийн тусламж үзүүлсэн юм. Түүнийг Нийслэлд МRI аппаратад яаралтай үзүүлэхээр хотод ирээд байхад нь уулзаж, ярилцсан юм.

-Таны биеийн байдал ямар байна вэ. Нэлээд зовиуртай харагдаж байна?

-Байнга тархиар хатгуулж өвдөнө. Цээжээр хөндүүрлэж өвдөж байна. Цус алдалтаа эмчилгээ хийлгэж тогтоолгосон. Биеийн байдал маш муу байна. Цээжээ бараг дааж чадахгүй үргэлж, бөхийж явна.

-М.Өлзийхутагтай анх танилцахад ямар зан чанартай хүн байсан бэ?

-Бид хоёр 2010 оны тавдугаар сарын 3-нд танилцаж байсан. Тэр үеэс бие биенээ мэдэж эхэлсэн. Тухайн үед өөрт нь хэлж байсан. Би охин хүүхэдтэй. Чиний зан аашийг сайн мэдэхгүй. Хэрвээ надтай амьдрах бодолтой бол охиныг минь гадуурахгүй хайрлаж яваарай гэсэн. Өөрөө ч ойлголоо гэж хэлээд үерхэж эхэлсэн. Архи уух бүрт нь учирлаж хэлээд гуйдаг байлаа. Үерхэж байх явцад архи ууж ирчихээд “Май мөнгө авах уу” гээд түрийвчтэй мөнгө шидэх зэрэг дээрэнгүй хандлага ажиглагдаж байсан. Өмнө нь амьдралд алдчихсан болохоор ахиад алдахгүй сайхан амьдарна гээд итгэсэн дээ гэрлэх шийдвэр гаргасан. Хурим найраа хийгээд албан ёсоор гэр бүл болохоор архи уухгүй байх гэж бодсон. Гэвч миний бодсоноос тэс өөрөөр эргэсэн. 2010 оны наймдугаар сард  бэр гуйж, гурван сарын дараа хуримаа хийгээд хамт амьдарсан.  Гэр бүл болоод 10 гаруй хоногийн дараа надад гар хүрсэн байдаг юм.

-Хуримаа хийгээд 10 гаруй хоногийн дараа гар хүрсэн гэлээ. Чухам юунаас болж зодсон юм бол?

-Тухайн үед би жирэмсэн байсан. М.Өлзийхутаг машинаа зарахдаа мотоцикль оролцуулж авсан. Гэтэл нөгөө мотоцикль нь асахгүй намайг түрээд өг гэсэн. Тэр үед нь би махаа борцлоод гэртээ байж байлаа. Дуудаад байхаар нь гарахад түрээд өг гэсэн. Түрж өгөөд нэлээд амьсгаадаад байхаар нь гэртээ орчихсон. Тэгсэн араас орж ирээд “Чи мотоцикль түрж өгсөнгүй” гээд элдвээр доромжилж, хараан зүхсэн. Аав ээж минь бидэнд тийм муухай үг хэлдэггүй болохоор их эмзэг хүлээж авсан. Өөрт нь ч хэлсэн. Би жирэмсэн хүн. Гүйхээр бахардаад байна. Тэглээ гээд чи намайг тийм муухай үгээр хэлээд байхдаа яах вэ дээ гээд уйлсан. Гэтэл гэнэт давсаг руу өшиглөөд унагачихсан чинь цус алдаад эмнэлэгт сар гаруй хэвтэж эмчлүүлсэн. Өшиглүүлснээсээ болоод эхэс ханзарч, зовиур ихтэй байсан юм.

-Хэдэн сартай жирэмсэн байсан бэ?

-Зургаан сартай. Аймгийн эмнэлэгт үзүүлж, эмчилгээ хийлгээд арванхоёрдугаар сарын 26-нд гэртээ ирсэн. Маргааш нь өвдөлт ихсээд тэсч чадахгүй болохоор нь М.Өлзийхутагт түргэн дуудаад өгөөч гэж гуйсан. Шинэ жил болох гэж байхад худлаа өвдлөө гээд сум орж, тэмдэглэх гэж байна гээд уурлаж, загнасан. Аргаа бараад хадам ээжид хэлж, түргэн дуудуулсан. Тухайн үед ээж минь сумын төвд учраас эмнэлэг орж, түргэн явуулсан байсан. Эмч ирээд “Дутуу төрөх нь, юм хумаа яаралтай бэлд. Хүүхдийг бол аварч чадна гэж хэлж чадахгүй ээ. Долоон сартай хүүхэд. Нэргүй нь яах вэ. Нэртэйг нь аврахыг хичээнэ” гээд эмнэлэг рүү дагуулаад авч явсан юм. Та нарын нэг нь ч гэсэн дагаад явахгүй юм уу гэж эмч асуухад М.Өлзийхутаг хамт яваагүй. Тэгээд эмнэлэгт очоод цаг гаруйн дараа төрсөн. Хүү минь 2.700 грамм хүүтэй болсон. Дутуу төрсөн хүүгээ хүн болгох гэж би их зовсон. Төрсөн цагаасаа хойш хүү минь зовлонг мэдэрсэн дээ. /уйлав/

-Дутуу төрсөн хүүхэд асарч халамжилж хүн болгох мэдээж хэцүү. Тухайн үед хүүгийн аав нь хэр халамж тавьж байв?

-Төрсний маргааш хүний хань шиг шөл хийгээд хүрээд ирсэн. Би ч эх хүн учир их л баярлаж байсан. Хоолоо ид гээд хүүгээ харчихаад яваад өгсөн юм. Гэтэл орой нь халамцуу хүрч ирээд “Миний хүүхэд гуравдугаар сард төрөх ёстой байсан. Наадах чинь хоноцын шээс. Миний хүүхэд биш” гээд элдвээр доромжилсон. Дутуу нойтон төрсөн хүүгээ ингэж болохгүй ээ. Хүн болоосой гээд залбирах хэрэгтэй шүү дээ гэж хэлсэн чинь сандлаар цохих гэж дайрсан. Сувилагч, асрагч нар нялх биетэй хүн дээр ирчихээд ингэж болохгүй гээд гаргаж байсан юм. Гурав хоногийн дараа эмнэлгээс өөрийнхөө ээжийнд гарсан. Гэтэл хоёр гурван удаа согтуу ирж, гэртээ харь гэж агсам тавиад авч явсан юм.

-Нялх биетэй байхад нь зодсон тохиолдол бий юу?

-Би хоёр хүү төрүүлж өгсөн. Гэхдээ бусад хүн шиг гам барьж үзээгүй ээ. Өөрөө л бүхнийг зохицуулсаар ирсэн дээ. Хэрүүл, маргаан, зодоон бол байнга болно.

-Чухам юунаас болж таныг зодож, доромжлоод байдаг юм бол?

-Тийм зүйлээс болсон гэж хэлэх юм үнэндээ байхгүй. Надаас бол байнга өө хайж, хэл амаар доромжилно. Эмэгтэй хүн болсон хойно зодох бүрт нь тэвчиж чадахгүй. Нүдээ хөх няц болтол зодуулчихаад гомдож, цөхрөөд хүүгээ хоёр сар гарантай байхад ээжийнх рүүгээ сумын төв рүү өвлийн хүйтэнд алхаад очиж билээ. Байхгүй хойгуур нь цүнхтэй хувцсаа үүрээд, өлгийтэй хүүхдээ тэврээд Буйлангаас Цэнхэр сумын төв рүү хоёр цаг гаруй алхаад харьж билээ. Тэгээд долоо хоногийн дараа ахиж би архи ууж, чамайг зодож зовоохгүй хамт гэртээ очъё гэхээр нь хэлсэн үгэнд итгээд дагаад очсон. Засрах байх гэж боддог байсан. Нэг алдсан хүнд хоёр алдах эрх байхгүй гэж бодож, хүүхдээ өнчрүүлэхийг хүсээгүй нь өнөөдөр ийм байдалд хүргэчихлээ.

-М.Өлзийхутаг жирэмсэн байхад чинь зодож, зулбуулж байсан гэж сонссон?

-Хоёр хүүгийн маань дунд нэг хүүхэд байх байсан юм. Дөрвөн сартай жирэмсэн байсан. Хөдөөний бидэнд хийх ажил их байдаг. Нэг удаа тос хайлж байгаад шар тосоо хийх гэсэн олгойны ам бараад өгөх хүн байдаггүй. Босч ирээд бариад өгөөч гэж хэлэхэд “Юу ч хийж чаддаггүй. Би бузар газраас эхнэр авсан байна. П, Г” гэж хараагаад зодож эхэлсэн. Толгой руу байнга цохиулдаг болохоор их өвдөнө. Толгой руугаа цохиулахгүйн тулд орны доогуур толгойгоо хийчихсэн. Том гэдэстэй болохоор бүтэн биеэрээ багтахгүй. Гэтэл бөгсөн бие рүү хоёр удаа дэвссэн. Шөнөдөө цус алдаад сумын эмнэлэгт ирж хэвтсэн. Эмч нар яаралтай тусламж үзүүлж, хэвтрийн дэглэм барь гэж хэлсэн юм. Маргааш нь М.Өлзийхутаг ирээд “Яасан хүүхэд чинь зулбасан уу. Хөндий савтай Я минь” гэж элдвээр харааж, хамар руу цохичихоод гараад явсан.

-Хэдэн онд вэ?

-2012 онд. Сумын эмнэлэгт хэвтээд бие сайжраагүй. Аймгийн эмнэлэг рүү явуулсан. Эхэс нь нөхөгдөхгүй сар гаруй болсон. Эмчид учирлаж хэлээд хүүхдээ ядаж долоон сар хүргээд гаргачихмаар байна гэж хэлэхэд “Тийм боломж байхгүй ээ. Амьгүй болох шинжтэй байна. Миний охин сэтгэл санаагаа бэлдээрэй. Нэгдэх өдөр гэрээсээ хүн дууд. Гаргахгүй бол амь насанд чинь эрсдэл учирна” гэсэн. Хадам ээж рүү утсаар М.Өлзийхутагийг аймагт ир гээд хэлээд өг гэж хэлж байлаа. Гэтэл байдаггүй Төвшрүүлэх сум руу архидаад явсан гэх сураг сонсогдсон.

-Салаад хоёр жил болсон ч ирж зоддог гэсэн. Амьдарч байх хугацаанд учирлаж ярилцаж үзэж байв уу?

-Уйлж, учирлаж ярилцах гэж зөндөө л үзсэн. Сүүлдээ өмнө нь сөгдөж суугаад гуйж ч үзсэн. Чамтай юу ярих юм гэдэг. Хоёр хүүхдээ бодоод архи битгий уу, зөв амьдаръя гэж их гуйсан даа. Даанч тоогоогүй.

-М.Өлзийхутагийн ах эгч нараас нь дарамт, шахалт байдаг уу?

-Аавын минь гал голомт гээд гэртээ ч тайван байж чаддаггүй байсан. Эцэг эхээсээ 10-уулаа айлын отгон хүү. Дөрвөн ах, таван эгчтэй. Байнга дарамтална. Хоёр хүүг маань ч ална, хядна зэргээр ах нь дарамталж байсан. Эгч нар нь бол утсаар болон уулзхаараа элдэв янзын юм их ярьдаг. М.Өлзийхутагт өөрт нь хүртэл хууль хяналтын байгууллага гэж байдаг шүү гэхээр “Чи намайг Архангайд барахгүй. Чамайг өөрийг чинь чирнээ” гэнэ.

-2010 оноос зодож эхэлсэн гэлээ. Согтууруулах ундаа хэрэглэсэн үедээ л зодох уу. Эсвэл...

-Эрүүл үедээ ч зодно. Долоо хоногт дор хаяж хоёр удаа зодно. Тэгээд бодохоор тоолж баршгүй их тоо гарах биз. 2016 онд миний бие их муудаж, аймгийн эмнэлэгт сар орчим хэвтэн эмчлүүлсэн. Тухайн үед гэртээ хүүхэн авчирч ирж хамт хонож, өнжиж байна гэх үгс сонсогдож эхэлсэн юм. Том хүү минь ч надад хэлж байлаа. Аав нэг эмэгтэй сундалж ирээд “Ээждээ битгий хэлээрэй” гээд надад ундаа чипс авчирч өгсөн гэж. Тэр үеэс өвдөж зовж явахад ийм үйлдэл гаргаж байгааг нь мэдчихээд эргэлт буцалтгүй салах шийдвэр гаргасан.

-Ээж чинь таныг гэрийнхээ буйр нь дээр нялх хүүхэдтэй нь хаяад явсан гэж ярьж байсан?

-Тэгсэн. Ээжийнхээ дэргэд байхаар эрхлээд үгэнд орохгүй элдэв янзын зан гаргаад байж магадгүй гэж бодоод Ар хүйтэн гэдэг газар руу нүүсэн. Тэр өдөр М.Өлзийхутагийн хоёр найз нь ирсэн байсан. Тухайн үед миний найз охин намайг зориод Зүүнхараагаас ирсэн байсан юм. Гэтэл М.Өлзийхутаг найзыг маань өөрийнхөө нэг найзтай унтуулах гээд дайраад байсан. Эмэгтэй хүн юу гэж танихгүй эрийн өвөрт орж унтах юм бэ. Миний дүү ч манайд байсан. Найз охин маань айсандаа дүүтэй чинь унтая гэж хэлсэн юм. Тухайн үед том хүү минь долоон сартай би хөхүүлээд сууж байв. Гэнэт л миний нуруу руу сандал барьж аваад цохисон. Яаж байгаа юм бэ гэхэд хоёр найзтайгаа нийлээд дүүг минь зодож эхэлсэн. Эрэгтэй хүүхэд ч гэсэн гурван хүнд зодуулах нь ойлгомжтой. Хамар амнаас нь цус гоожоод аймар зодуулсан. Найз охин маань дүүг минь салгаж аваад гарч зугтаасан. Шөнө гэлтгүй хоёулаа сумын төв рүү яваад өгсөн юм. Тэрнээс болоод намайг үргэлжлүүлээд зодсон. Хамрыг минь цөмлөөд бас л их бэртээсэн дээ. М.Өлзийхутагийн эгчийнх нь манайхтай зэрэгцээ байдаг. Тэр эгч нь нөгөө хэдийгээ бодвол хүн чанартай. Хүнийг ойлгож, хайрладаг хүн л дээ. Орилж чарлаад байхыг сонсоод орж ирээд намайг илүү гэртээ оруулж, гаднаас нь цойжлоод хонуулсан. Гэтэл үүр цайх үед эгч ирээд “Миний дүү босоорой. Нөгөөх чинь гэрээ ачаад явсан байна” гэсэн. Гараад харсан чинь гэрлэхдээ авч очсон хэдэн тавилга, хүү бид хоёрыг чемадонтой хувцсыг буйран дээр үлдээсэн байсан. Өөрөө машиндаа суучихсан болохоор араас нь гүйж очоод хаалгыг нь онгойлгох гэтэл асаагаад намайг шүргээд өнгөрсөн. Тэгээд хүний утас гуйж, сүлжээ барьдаг уул нь дээр гарч ээж рүүгээ ярихад удалгүй ахтай минь ирж авсан даа.  Намайг бол их олон удаа зодож, дарамталж, элдэвлэж байсан. Хар шөнө зодчихоод хоёр хүүтэй минь гэрээс хөөгөөд гаргана. Амиа аргалаад хоёр хүүхдээ хөлдөөчихгүй, хатгалгаа авхуулчихгүйн тулд хонины хашаанд хонин дунд дөрвөн удаа хонож байсан ч тохиолдол бий. Бид гурвыг хөөж гаргаад үүдээ цойчилчихдог. Бага хүү минь ой гарантай гэхээр 2015 оны өвөл байсан даа.

О.Гэрэл
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2019-05-28 05:39:10
    ай хөөрхий эмэгтэй хүн ямар агуу тэвчээртэй гэж санана,үр хүүхдээ өнчрүүлэхгүй гэж л өөрийгөө золигт гаргаж байгаан, араатан муугаа үзэж л таараа
    43.228.130.224
    Мэдэгдсэн Хариулах
  • зочин 2019-05-28 05:25:54
    Хөдөө хот гэлтгүй нэг ийм авиртай хүмүүс олшроод байх юм. Ариа алчихаагүй болохоор шүүх хэлцэхгүй, цагдаа эднийг манаад сууж байлтай биш. Энэ хүн сүгнүүдийг.. ...
    67.180.129.0
    Мэдэгдсэн Хариулах
  • Зочин  2019-05-25 12:54:26
    Салаа чээ юун хүүхдээ бодох.өөрөө эрүүл байж үр хүүхэд дээ харагдаж яв.яасан хэцүү юм.
    49.0.212.119
    Мэдэгдсэн Хариулах
  • Зочин 2019-05-25 06:19:17
    Нүд сэтгэл арга билгээ хүүхдээрээ хязгаарлаж хайрлаж чадахгүй дахин ийм сонголт хийдэг хүүхнүүд хохь нь
    122.201.21.228
    Мэдэгдсэн Хариулах
  • Жагаа 2019-05-25 04:48:45
    Холбогдох байгууллагууд нь анхаараад энэ хүнийг хүүхдүүдтэй нь тэр мангасаас нь салгаж авахгүй бол болохгүй юм бна. Алчихвийдээ.
    176.59.141.168
    Мэдэгдсэн Хариулах
  • шоогоо 2019-05-25 02:41:47
    Тэгээд л хамт байгаад л байж байдаг. Шууд л хуулийн байгууллагад хандаад салах хэрэгтэй байсан юм биш үү
    66.181.160.42
    Мэдэгдсэн Хариулах
  • Linda  2019-05-24 17:13:05
    Calcan chin zuv. Ene adgiin myy arhichintai bychaj niilj bolohgui Huduu hot yamarch yalgaagui huu naraa zuv humuujiltei usguh ni etseg ehiin uureg hariytslag ...
    73.252.196.237
    Мэдэгдсэн Хариулах
  • Zochin 2019-05-24 13:30:17
    Huuliinhan yu hiij b.a,sohor,dulii bolsonuu?
    24.46.102.95
    Мэдэгдсэн Хариулах
  • бат 2019-05-24 06:25:30
    Хөдөөнийхнийг хүмүүжүүлж барахгүй ээ.
    202.9.43.116
    Мэдэгдсэн Хариулах
  • Яах вэ 2019-05-24 06:22:43
    Энэ муухай араатан одоо шоронд хийсэн ч гарч ирэн улам өс санан дарамтлах байх даа, Ийм хүн араатанг яаанаа? Үнэхээр аймаар байнаа
    43.228.129.155
    Мэдэгдсэн Хариулах
  • Хотын унаган 2019-05-24 06:22:39
    Хөдөөний бүдүүлэг, хүмүүжилгүй малууд хотод орж ирээд хамаг юмыг буруу тийш нь болгоод байна. Арай ч ийм байгаагүй дээ.
    202.9.43.116
    Мэдэгдсэн Хариулах
  • Болд 2019-05-24 05:06:41
    Мангас,чөтгөр ч гэсэн өөрийн үр, эм хүйстэнээ ингэхгүй ш дээ.
    103.111.68.3
    Мэдэгдсэн Хариулах
  • Хүүхэд 2019-05-24 04:41:41
    Хүн биш араатан бна
    202.126.89.58
    Мэдэгдсэн Хариулах
  • Яяя 2019-05-24 04:35:16
    Анхнаасаа асуудал үүсгэсэн байна ш дээ. Сэтгэлд чинь жаахан сэв бий болсон бол тийм хүнтэй битгий суу.
    150.129.142.152
    Мэдэгдсэн Хариулах
  • Зочин 2019-05-24 04:05:02
    Ийм хүмүүсийг одоо яах ёстой вэ.Хот хөдөөгүй зэрлэгүүд олог бгаа даа.
    202.21.97.30
    Мэдэгдсэн Хариулах
  • Abdnf 2019-05-24 03:54:05
    Ene mangas pidda.tai iag odoo uulzmaar sanagdchlaa.
    202.126.89.142
    Мэдэгдсэн Хариулах
  • kkk 2019-05-24 03:05:10
    Манай хуулийнхан иймэрхүү "араатан"-уудыг дарж чадахгүй ээ. Нийгмийг бүхэлд нь хар өнгөөр будчихлаа даа.
    202.131.246.181
    Мэдэгдсэн Хариулах
  • иргэн 2019-05-24 03:04:47
    Энэ Архангайн м.өлзийхутаг гэдэг чинь адгуус юм уу? Адгуус ч арай ингэхгүй дээ. Жинхэнэ орк, малаас дор мангас чөтгөр юм бна. бузар хижиг, үхэж далд ороосой
    202.131.238.166
    Мэдэгдсэн Хариулах
    • Яяя 2019-05-24 04:41:15
      Энэ хүнээс адгуус илүү. Ямар ч адгуус өөрийн үр төл, эмэгчинээ ингэж дарлахгүй.
      150.129.142.152
      Мэдэгдсэн Хариулах