Эрчим хүчний салбарынхан энэ сарын 22-24-ний өдрүүдэд “Энержи Монголиа-2014” олон улсын хурал, үзэсгэлэнгээ зохион байгуулах гэж байна. Уламжлал болгон дөрөв дэх жилдээ зохиогдох гэж буй энэхүү хурал, үзэсгэлэнг Эрчим хүчний яам болон Эрчим хүчний хөгжлийн төв, “Эрчим корпораци” ТӨҮГ хамтран зохион байгуулахаар болжээ. Энэ талаар Эрчим хүчний яамны харьяа “Эрчим корпораци” ТӨҮГ-ын гүйцэтгэх захирал Б.Амарсанаатай ярилцлаа.
-Долоо ч хүрэхгүй хоногийн дараа “Энержи Монголиа-2014” олон улсын хурал, үзэсгэлэн эхлэх гэж байна. Энэ жилээс танай “Эрчим корпораци” ТӨҮГ хамтран зохион байгуулагчаар оролцож байгаа юм аа даа?
-Тийм ээ. Энэ жилээс эхлэн манай “Эрчим корпораци” ТӨҮГ хамтран зохион байгуулагчаар оролцож байна.
-Олон улсын энэхүү хурал, үзэсгэлэнгийн гол зорилго болон ач холбогдлын талаар ярилцлагаа эхлэх үү?
-Энэхүү олон улсын хурал, үзэсгэлэн нь Монгол Улсын эрчим хүчний салбарт жил бүр зохион байгуулагддаг салбарын томоохон арга хэмжээ юм. Энэ жил дөрөв дэх жилдээ болох гэж байна. Бид өнгөрсөн жилүүдийг бодвол энэ удаа нэлээд өндөр ач холбогдол өгч байгаа. “Энержи Монголиа-2014” олон улсын хурал, үзэсгэлэнгийн зорилго нь манай улсын эрчим хүчний салбарын хөгжлийн чиглэлийг тодорхойлох, шинэ техник технологиудыг танилцуулах, олон улсын хамтын ажиллагааг өргөжүүлэх, гадны хөрөнгө оруулагчдыг татахад оршино. Түүнчлэн эрчим хүчний салбарын найдвартай байдал, чадамжийг дэлхий нийтэд таниулан сурталчлах, харилцан ашигтай хамтын ажиллагаа, түншлэлийг байгуулах зорилготой юм.
-Олон улсын хурал, зөвлөгөөн болно. Хэчнээн улсын эрдэмтэн мэргэд оролцож байна?
-Гадаадын 10-аад орны эрдэмтэн, докторууд, хөрөнгө оруулагчид хүрэлцэн ирж илтгэл лекц тавина. Бүгд тухайн улс орондоо нэр хүндтэй, эрчим хүчний салбарт ажилладаг хүмүүс. Их сонирхолтой лекц, илтгэлүүд тавих болно. Тухайлбал БНСУ-ын Чонбукын үндэсний их сургуулийн профессор Ёнг Чиол Канг, ОХУ-ын Шинжлэх ухааны академийн Мелентьевийн нэрэмжит эрчим хүчний системийн хүрээлэнгийн орлогч захирал Борис Г.Санеев зэрэг эрдэмтэн хүрэлцэн ирнэ.
-Харин манай улсаас ямар хүмүүс илтгэл, лекц тавих вэ?
-Гадаад дотоодын нийт 15 эрдэмтэн, судлаачийн лекц, илтгэл тавигдах юм. Манай улсаас Эрчим хүчний дэд сайд Д.Доржпүрэв, Монгол Улсын эрчим хүч, стратегийн бодлого, төлөвлөлтийн газрын дарга П.Товуудорж, Эрчим хүчний зохицуулах хорооны дарга С.Отгонбаяр, Эрчим хүчний яамны Бодлого хэрэгжилтийг зохицуулах газрын дарга Ц.Баярбаатар нар болон Таван толгой цахилгаан станц, мега төслийн захирал М.Энхсайхан, “Hyphen Energy System Corp”-ийн гүйцэтгэх захирал Н.Баяргүн, Эрчим хүчний яамны Бодлогын хэрэгжилтийг зохицуулах газрын мэргэжилтэн Д.Алтанчимэг нар оролцоно.
Тэд илтгэл, лекцээрээ эх орныхоо эрчим хүчний салбарын найдвартай байдлыг сурталчлах, цаашид Монгол Улс эрчим хүч экспортлох орон болох бүрэн чадамж, нөөцтэй гэдгийг дэлхий дахинд таниулах юм. Үүний зэрэгцээ харилцан санамж бичгүүдийг үйлдэх, гадаадын томоохон хөрөнгө оруулагчдыг энэхүү арга хэмжээнд татан оролцуулах зорилго агуулж байна.
-Бас энэ сарын 22, 23-нд Чингисийн талбайд үзэсгэлэн яармаг зохион байгуулагдана шүү дээ?
-Тийм ээ. Үзэсгэлэн Чингисийн талбайд хоёр өдөр 10:00-18:00 цагийн хооронд зохион байгуулагдана. Дараа нь буюу энэ сарын 24-нд Эрчим хүчний яамны нээлттэй өдөрлөг болно. Бид Эзэн Чингисийн талбайд болох энэхүү үзэсгэлэндээ зориулж 80 асар гаргаж өгч байгаа. Өнөөдрийн байдлаар дээрх асрын 65 нь эзэнтэй болсон байна. Үүнд хувийн хэвшлийнхэн болон төрийн өмчит компаниуд оролцож байгаа. Хувийн хэвшлийнхнээс бид эрчим хүчний хэмнэлт, жижиг оврын шинэ технологиудыг оруулж ирж, угсардаг, борлуулдаг компаниудыг идэвхтэй оролцохыг уриалж байна.
-Өнгөрсөн онд “Энержи Монголиа-2013”-ыг Мишээл экспо дээр зохион байгуулж байсан санагдана. Энэ жил яагаад төв талбай дээр зохион байгуулахаар болов?
-Энэхүү олон улсын хурал, үзэсгэлэн нь маш том арга хэмжээ, дээр нь хувийн хэвшлийнхэнд тун ховор боломж юм. Өнгөрсөн жил “Мишээл экспо”-д зохион байгуулсан. Үнэнийг хэлэхэд тухайн үед бидний санаанд хүртэл олон нийтийг хамруулж чадаагүй.
Тиймээс олон нийт, хувийн хэвшлийнхэнийг хамруулахын тулд төв талбай дээр зохиох гэж байна. Нөгөөтэйгүүр жил ирэх бүр энэхүү үзэсгэлэнгийн хамрах хүрээ нь тэлж байна.
-Иргэд энэхүү үзэсгэлэнгээс ямар үйлчилгээг авч, ямар боломж олж харах вэ?
-Хамгийн гол нь хямд, найдвартай эрчим хүч хэрэглэх вэ. Бага оврын нар, салхины сэргээгдэх эрчим хүчийг яаж ашиглаж болохоор байна гэх мэтчилэн жижиг дунд үйлдвэр, хувийн хэвшлийнхний санал, санаачилгатай танилцахаас гадна эрчим хүчний салбарын хэтийн төлөвлөгөө, хийсэн болон хийх гэж байгаа ажил, бүтээн байгуулалттай танилцах боломжтой. Иргэд маань ч идэвхтэй оролцох байх.
-Гадны орнууд уул уурхай, эрдэс баялгийг илүүтэй сонирхдог нь нууц биш. Тэгвэл тэд манай улсын эрчим хүчний салбарт хэр ач холбогдол өгдөг юм бол оо?
-Хоёр том гүрний дунд оршдог Монгол Улсын эрчим хүчний салбарыг гадны том гүрнүүд сонирхож байгаа. Энд зориуд нэг зүйл хэлэхэд үндсэн зорилтын маань хүрээнд Дулааны цахилгаан станц II, III-ын өргөтгөлийн төсөл, Дархан дулааны цахилгаан станцын өргөтгөл, шинэчлэлийн төсөл, “Дархан дулааны сүлжээ” ТӨХК-ийн 2014-2018 онд хэрэгжүүлэх төсөл, хөтөлбөр зэрэг том төслүүдийн танилцуулга явагдана. Ингэснээр ойрын жилүүдэд Улаанбаатар хотын дулааны хэрэглээг бүрэн хангаж чадах төлөвлөгөөтэй ажиллаж байна.
-“Энержи Монголиа-2014” олон улсын хурал, үзэсгэлэнгээр хувийн хэвшлийнхэнд өөрсдийгөө таниулах, бараа бүтээгдэхүүнээ олон нийтэд сурталчлах том боломж олгож байгаа гэж ойлголоо. Тэгвэл яамны зүгээс хувийн хэвшлийнхэнтэй ямар уялдаа холбоотой ажилладаг юм бол?
-Бид байнгын холбоотой ажилладаг. Өнгөрсөн хугацаанд “Эрчим” клубтэй болсон. Клубынхээ гишүүдтэй сар бүр зангиагүй уулзалт зохиодог. Ингэхдээ тодорхой нэг сэдвийн хүрээнд ярилцаж, санал бодлоо солилцдог юм.
-Нэг үгээр салбарынхаа жаргал, зовлонг ярилцдаг гэсэн үг үү?
-Тэгэлгүй яах вэ. Яамнаас авч хэрэгжүүлж байгаа бодлогын юу нь болохгүй, аль нь болж байна зэргийг ярилцдаг л даа. Мөн цаашид юуг анхаарах ёстой ч гэдэг юм уу. Манай хувийн хэвшлийнхэн жаргал, зовлонгоо нэг бүрчлэн хэлж, ярьдаг. Энэ бол яамны зүгээс авч хэрэгжүүлсэн томоохон ажлын нэг юм.
Эцэст нь хэлэхэд энэхүү олон улсын хурал, үзэсгэлэн эхлэхэд цөөхөн хоног үлдлээ. Асар, майхан ч бага үлдсэн. Тиймээс хувийн хэвшлийнхэн болон иргэдийг идэвхтэй оролцохыг уриалж байна.
-Ярилцсанд баярлалаа.
Өглөөний сонин
Б.Төрбат
-Долоо ч хүрэхгүй хоногийн дараа “Энержи Монголиа-2014” олон улсын хурал, үзэсгэлэн эхлэх гэж байна. Энэ жилээс танай “Эрчим корпораци” ТӨҮГ хамтран зохион байгуулагчаар оролцож байгаа юм аа даа?
-Тийм ээ. Энэ жилээс эхлэн манай “Эрчим корпораци” ТӨҮГ хамтран зохион байгуулагчаар оролцож байна.
-Олон улсын энэхүү хурал, үзэсгэлэнгийн гол зорилго болон ач холбогдлын талаар ярилцлагаа эхлэх үү?
-Энэхүү олон улсын хурал, үзэсгэлэн нь Монгол Улсын эрчим хүчний салбарт жил бүр зохион байгуулагддаг салбарын томоохон арга хэмжээ юм. Энэ жил дөрөв дэх жилдээ болох гэж байна. Бид өнгөрсөн жилүүдийг бодвол энэ удаа нэлээд өндөр ач холбогдол өгч байгаа. “Энержи Монголиа-2014” олон улсын хурал, үзэсгэлэнгийн зорилго нь манай улсын эрчим хүчний салбарын хөгжлийн чиглэлийг тодорхойлох, шинэ техник технологиудыг танилцуулах, олон улсын хамтын ажиллагааг өргөжүүлэх, гадны хөрөнгө оруулагчдыг татахад оршино. Түүнчлэн эрчим хүчний салбарын найдвартай байдал, чадамжийг дэлхий нийтэд таниулан сурталчлах, харилцан ашигтай хамтын ажиллагаа, түншлэлийг байгуулах зорилготой юм.
-Олон улсын хурал, зөвлөгөөн болно. Хэчнээн улсын эрдэмтэн мэргэд оролцож байна?
-Гадаадын 10-аад орны эрдэмтэн, докторууд, хөрөнгө оруулагчид хүрэлцэн ирж илтгэл лекц тавина. Бүгд тухайн улс орондоо нэр хүндтэй, эрчим хүчний салбарт ажилладаг хүмүүс. Их сонирхолтой лекц, илтгэлүүд тавих болно. Тухайлбал БНСУ-ын Чонбукын үндэсний их сургуулийн профессор Ёнг Чиол Канг, ОХУ-ын Шинжлэх ухааны академийн Мелентьевийн нэрэмжит эрчим хүчний системийн хүрээлэнгийн орлогч захирал Борис Г.Санеев зэрэг эрдэмтэн хүрэлцэн ирнэ.
-Харин манай улсаас ямар хүмүүс илтгэл, лекц тавих вэ?
-Гадаад дотоодын нийт 15 эрдэмтэн, судлаачийн лекц, илтгэл тавигдах юм. Манай улсаас Эрчим хүчний дэд сайд Д.Доржпүрэв, Монгол Улсын эрчим хүч, стратегийн бодлого, төлөвлөлтийн газрын дарга П.Товуудорж, Эрчим хүчний зохицуулах хорооны дарга С.Отгонбаяр, Эрчим хүчний яамны Бодлого хэрэгжилтийг зохицуулах газрын дарга Ц.Баярбаатар нар болон Таван толгой цахилгаан станц, мега төслийн захирал М.Энхсайхан, “Hyphen Energy System Corp”-ийн гүйцэтгэх захирал Н.Баяргүн, Эрчим хүчний яамны Бодлогын хэрэгжилтийг зохицуулах газрын мэргэжилтэн Д.Алтанчимэг нар оролцоно.
Тэд илтгэл, лекцээрээ эх орныхоо эрчим хүчний салбарын найдвартай байдлыг сурталчлах, цаашид Монгол Улс эрчим хүч экспортлох орон болох бүрэн чадамж, нөөцтэй гэдгийг дэлхий дахинд таниулах юм. Үүний зэрэгцээ харилцан санамж бичгүүдийг үйлдэх, гадаадын томоохон хөрөнгө оруулагчдыг энэхүү арга хэмжээнд татан оролцуулах зорилго агуулж байна.
-Бас энэ сарын 22, 23-нд Чингисийн талбайд үзэсгэлэн яармаг зохион байгуулагдана шүү дээ?
-Тийм ээ. Үзэсгэлэн Чингисийн талбайд хоёр өдөр 10:00-18:00 цагийн хооронд зохион байгуулагдана. Дараа нь буюу энэ сарын 24-нд Эрчим хүчний яамны нээлттэй өдөрлөг болно. Бид Эзэн Чингисийн талбайд болох энэхүү үзэсгэлэндээ зориулж 80 асар гаргаж өгч байгаа. Өнөөдрийн байдлаар дээрх асрын 65 нь эзэнтэй болсон байна. Үүнд хувийн хэвшлийнхэн болон төрийн өмчит компаниуд оролцож байгаа. Хувийн хэвшлийнхнээс бид эрчим хүчний хэмнэлт, жижиг оврын шинэ технологиудыг оруулж ирж, угсардаг, борлуулдаг компаниудыг идэвхтэй оролцохыг уриалж байна.
-Өнгөрсөн онд “Энержи Монголиа-2013”-ыг Мишээл экспо дээр зохион байгуулж байсан санагдана. Энэ жил яагаад төв талбай дээр зохион байгуулахаар болов?
-Энэхүү олон улсын хурал, үзэсгэлэн нь маш том арга хэмжээ, дээр нь хувийн хэвшлийнхэнд тун ховор боломж юм. Өнгөрсөн жил “Мишээл экспо”-д зохион байгуулсан. Үнэнийг хэлэхэд тухайн үед бидний санаанд хүртэл олон нийтийг хамруулж чадаагүй.
Тиймээс олон нийт, хувийн хэвшлийнхэнийг хамруулахын тулд төв талбай дээр зохиох гэж байна. Нөгөөтэйгүүр жил ирэх бүр энэхүү үзэсгэлэнгийн хамрах хүрээ нь тэлж байна.
-Иргэд энэхүү үзэсгэлэнгээс ямар үйлчилгээг авч, ямар боломж олж харах вэ?
-Хамгийн гол нь хямд, найдвартай эрчим хүч хэрэглэх вэ. Бага оврын нар, салхины сэргээгдэх эрчим хүчийг яаж ашиглаж болохоор байна гэх мэтчилэн жижиг дунд үйлдвэр, хувийн хэвшлийнхний санал, санаачилгатай танилцахаас гадна эрчим хүчний салбарын хэтийн төлөвлөгөө, хийсэн болон хийх гэж байгаа ажил, бүтээн байгуулалттай танилцах боломжтой. Иргэд маань ч идэвхтэй оролцох байх.
-Гадны орнууд уул уурхай, эрдэс баялгийг илүүтэй сонирхдог нь нууц биш. Тэгвэл тэд манай улсын эрчим хүчний салбарт хэр ач холбогдол өгдөг юм бол оо?
-Хоёр том гүрний дунд оршдог Монгол Улсын эрчим хүчний салбарыг гадны том гүрнүүд сонирхож байгаа. Энд зориуд нэг зүйл хэлэхэд үндсэн зорилтын маань хүрээнд Дулааны цахилгаан станц II, III-ын өргөтгөлийн төсөл, Дархан дулааны цахилгаан станцын өргөтгөл, шинэчлэлийн төсөл, “Дархан дулааны сүлжээ” ТӨХК-ийн 2014-2018 онд хэрэгжүүлэх төсөл, хөтөлбөр зэрэг том төслүүдийн танилцуулга явагдана. Ингэснээр ойрын жилүүдэд Улаанбаатар хотын дулааны хэрэглээг бүрэн хангаж чадах төлөвлөгөөтэй ажиллаж байна.
-“Энержи Монголиа-2014” олон улсын хурал, үзэсгэлэнгээр хувийн хэвшлийнхэнд өөрсдийгөө таниулах, бараа бүтээгдэхүүнээ олон нийтэд сурталчлах том боломж олгож байгаа гэж ойлголоо. Тэгвэл яамны зүгээс хувийн хэвшлийнхэнтэй ямар уялдаа холбоотой ажилладаг юм бол?
-Бид байнгын холбоотой ажилладаг. Өнгөрсөн хугацаанд “Эрчим” клубтэй болсон. Клубынхээ гишүүдтэй сар бүр зангиагүй уулзалт зохиодог. Ингэхдээ тодорхой нэг сэдвийн хүрээнд ярилцаж, санал бодлоо солилцдог юм.
-Нэг үгээр салбарынхаа жаргал, зовлонг ярилцдаг гэсэн үг үү?
-Тэгэлгүй яах вэ. Яамнаас авч хэрэгжүүлж байгаа бодлогын юу нь болохгүй, аль нь болж байна зэргийг ярилцдаг л даа. Мөн цаашид юуг анхаарах ёстой ч гэдэг юм уу. Манай хувийн хэвшлийнхэн жаргал, зовлонгоо нэг бүрчлэн хэлж, ярьдаг. Энэ бол яамны зүгээс авч хэрэгжүүлсэн томоохон ажлын нэг юм.
Эцэст нь хэлэхэд энэхүү олон улсын хурал, үзэсгэлэн эхлэхэд цөөхөн хоног үлдлээ. Асар, майхан ч бага үлдсэн. Тиймээс хувийн хэвшлийнхэн болон иргэдийг идэвхтэй оролцохыг уриалж байна.
-Ярилцсанд баярлалаа.
Өглөөний сонин
Б.Төрбат
Бусдад түгээх
Холбоотой мэдээ
COP 28: Ногоон эрчим хүчний шилжилтийн санхүүжилтийг голчлон хэлэлцэнэ
.jpg)
ХААН Банк эрчим хүчний хэмнэлттэй дунд сургуулийн барилгын төслийг ногоон зээлээр санхүүжүүллээ
Эрчим хүчний хэмнэлттэй эко гал тогооны тоног төхөөрөмжид ногоон санхүүжилт олголоо
