Баяр наадмын өдрүүдэд үйлчлэх нийтийн тээврийн хуваарь
Наадмын өдрүүдэд наадамчин олонд үйлчлэх рейлбусын цагийн хуваарь

Баяр наадмын өдрүүд буюу долдугаар сарын 10, 11, 12, 13-нд рейлбус “Амгалан”-гаас “Давааны өртөө” хүртэл 2000 төгрөгөөр үйлчлэх юм. Өглөө аялах цагийн хуваарь: “Амгалан” өртөөнөөс өглөөний 06.10 цагаас хөдөлж, Худалдааны төвд 06.18, Дунд голын буудалд 06.24, Улаанбаатар төв өртөөнд 06.30 цагт ирж, 06.42-д Таван шар, 06.51-д Толгойт өртөөнд, 07.10-д Эмээлт, 07.22-д Давааны өртөөнд зогсоно.
Өдрийн цагаар “Амгалан”-гаас 12.57-д хөдөлж, Худалдааны төвд 12.47, Дунд голын буудалд 12.41, Улаанбаатар төв өртөөнд 12.34 цагт ирж, 12.23-д Таван шар, 12.18-д Толгойт өртөөнд, 11.57-д Эмээлт, 11.45-д Давааны өртөөнд зогсоно.
Оройн цагаар мөн дээрх маршрутаар 19.40 цаг үйлчлэх юм байна.



 


Баяр наадмын өдрүүдэд үйлчлэх нийтийн зорчигч тээврийн үйлчилгээг танилцуулвал, хотын доторх болон хот орчмын үндсэн 93 чиглэлд их багтаамжийн 612, туслах 4 чиглэлд бага багтаамжийн 10, зуслангийн 3 чиглэлд 5, шөнийн тээврийн үйлчилгээний 3 чиглэлд 10 автобус, нийт 637 автобус үйлчлэх юм.
Энэ сарын 11, 12-нд Төв цэнгэлдэх хүрээлэн орох наадамчдад зориулж “Мишээл экспо” төв рүү 13 чиглэлийн 76 автобус, Дүнжингарав худалдааны төв рүү 22 чиглэлийн 135 автобус үйлчилнэ.
 
“Мишээл экспо төв” болон Дүнжингарав худалдааны төвөөс Төв цэнгэлдэх хүрээлэн рүү 20 автобус 3 минут тутам, рейлбусын зогсоол буюу “Урбанек” ХХК-ийн байрны урд талын Дунд голын зогсоолоос Төв цэнгэлдэх хүрээлэн рүү 5 автобус 6 минут тутамд, Хүй 7 худгийн рейлбусны зогсоол буюу Давааны зөрлөгөөс Морь барианы газар руу 5 автобус 4 минут тутамд тус тус богино эргэлтээр наадамчдад үнэ төлбөргүй үйлчлэх юм.
 
Энэ сарын 11, 12-нд Гандийн гудамжны автобусны зогсоолоос, энэ сарын 13-нд хотын төв буюу МУБИС-ийн баруун тал Улаанбаатар зочид буудлын автобусны зогсоолоос 8:00 цагаас 20 их багтаамжийн автобус 10 минут тутамд Хүй 7 худаг руу 1000 төгрөгийн тарифаар үйлчилнэ.
 
Төв цэнгэлдэх хүрээлэн орчмын 3 түр зогсоолоос Нийслэлийн тээврийн газартай гэрээтэй ажилладаг 11 аж ахуйн нэгжийн 380 такси иргэдэд үйлчилнэ. Үүнд,
1. Төв цэнгэлдэх хүрээлэнгийн урд тал: Нийслэлийн гудамж, Хурд хорооллын урд зогсоол;
2.Төв цэнгэлдэх хүрээлэнгийн хойд тал: Махатма Гандийн гудамж, ХАҮТ-ын арын зогсоол;
3. Төв цэнгэлдэх хүрээлэнгийн баруун тал: Чингисийн өргөн чөлөө, KH apartment баруун талын зогсоол.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.