Терроризмтой тэмцэх тухай хуулийн төсөл буюу саарал жагсаалтын эрсдлээс зугтах арга
Санхүүгийн гэмт хэрэгтэй тэмцэх Монголын төлөвлөгөөг олон улс  хоёр сарын дараа “шалгана”. Одоогоос  хоёр жил шахамын өмнө мөнгө угаах, терроризмыг санхүүжүүлэхтэй тэмцэх олон улсын нэгдэл буюу FATF-гаас анхааруулга ирсэн. Уг байгууллага нь мөнгө угаах, терроризмтой тэмцэх (МУТСТ)ФАТФ-ийн зөвлөмжийн хэрэгжилтийг бүс нутгийн орнууддаа хангуулах үйл ажиллагааны чиглэлтэй. Харамсалтай нь Монгол Улс тэдгээр зөвлөмжүүдийг хэрэгжүүлэхгүй байгаа тул “Хар жагсаалт”-д орох эрсдэлтэй байгааг анхааруулсан юм.

Иймээс өнгөрсөн долоо хоногт “Үй олноор хөнөөх зэвсэг дэлгэрүүлэх болон терроризмтой тэмцэх тухай” хуулийн төслийг өргөн барилаа. Терроризмтой тэмцэх асуудлаар нийт 19 олон улсын гэрээ, баримт бичиг байдгаас Монгол Улс нийт 13 олон улсын гэрээнд нэгдэн орсон байна.

Мөн Монгол Улсын олон улсын гэрээгээр хүлээсэн үүргээ биелүүлэх, үй олноор хөнөөх зэвсэг дэлгэрүүлэх болон терроризмтой тэмцэх тогтолцоо, түүний үйл ажиллагааг сайжруулах, терроризмтой тэмцэх үндэсний чадавхийг бэхжүүлэх хүрээнд хууль, эрх зүйн орчныг боловсронгуй болгох шаардлага үүссэн учраас уг хуулийн төслийг боловсруулсныг хууль санаачлагчид хэлж байна. 

НҮБ-ын Аюулгүйн зөвлөлийн Терроризмтой тэмцэх хорооны Гүйцэтгэх зөвлөлийн Ажлын хэсэг (2014 он), Мөнгө угаахтай тэмцэх Ази, Номхон далайн бүсийн байгууллага /APG/ (2016 он), Мөнгө угаахтай тэмцэх санхүүгийн арга хэмжээ авах байгууллага /ФАТФ/ зэрэг олон улсын байгууллагууд манай улсад үнэлгээ хийж, мөнгө угаах, терроризмыг санхүүжүүлэхтэй тэмцэх тогтолцоонд илэрсэн сул тал, дутагдлыг тодорхойлж, зөвлөмж гаргасан байна. Эдгээр байгууллагуудын зөвлөмжийн хүрээнд хууль эрх зүйн орчныг сайжруулах шаардлага үүсчээ.

“Үй олноор хөнөөх зэвсэг дэлгэрүүлэх болон терроризмтой тэмцэх тухай” хуулийн төсөл 6 бүлэг, 26 зүйлтэй бөгөөд дараах асуудлуудыг зохицуулахаар тусгажээ. Үүнд,

- Үй олноор хөнөөх зэвсэг дэлгэрүүлэх болон терроризмтой тэмцэх төрийн бодлогын нэгдмэл байдлыг хангах;
- Үй олноор хөнөөх зэвсэг дэлгэрүүлэх болон терроризмоос урьдчилан сэргийлэх, террорист үйлдлийг таслан зогсоох;
- Хориг арга хэмжээг хэрэгжүүлэх журам, авч хэрэгжүүлэх арга хэмжээ, эрх зүйн үндсийг тогтоох;
- Үйл ажиллагааны зарчим, үндсэн чиглэл, зохион байгуулалтын үндсийг тогтоох.

Өнөөдрийн байдлаар гадаад террорист дайтагчид буюу эх орноо орхин террорист бүлэглэлд нэгдсэн 50 мянга орчим хүн Афганистаны хойд бүс нутагт байрлаж, улмаар төв Азийн бүс нутгаар дамжин бусад улс руу нэвтрэх, суурьших, террорист халдлага үйлдэх эрсдэл нэмэгдэх болсон байна. Үүнээс сэргийлэн бүс нутгийн ихэнх улс өөрсдийн терроризмтой тэмцэх тухай хууль тогтоомжийг шинэчилж, эдгээр гэмт хэрэгтэй тэмцэх эрх зүйн орчныг сайжруулж, үндэсний чадавхаа бэхжүүлжээ.

Мөн манай улсад хийгдсэн Эрсдэлийн үнэлгээгээр дээрх эрсдэлийг нэмэгдүүлж байгаа хэд хэдэн хүчин зйүлс байгааг гаргасан байна. Тухайлбал,

- Гадаад террорист тэмцэгч болон шашны туйлширсан үзэл Монгол Улсад нэвтрэн орж ирэх эрсдэлтэй;
- Террорист үйл ажиллагаа, үйлдэл хийхэд ашиглагдаж болзошгүй зэвсэг, хэрэгслийн хяналт сул;
- Иргэдийг интернетийн сүлжээ ашиглан гадаадын террорист байгууллагын гишүүнээр элсүүлэх зам суваг хяналтгүй, чөлөөтэй;
- Иргэдийн зүгээс хүчирхийлэл дагуулсан үзэл санаа, үйл ажиллагаанд автах эрсдэлтэй зэрэг нөхцөл байдал уг эрсдэлийг нэмэгдүүлж байна.

П.ГОО
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Бум 2019-07-17 01:45:10
    Юугаа солилроод байгаа юм. Өөриын иргэдийн худалч, хулгайч занг л засвал болчихоно.гадныханыг ярих хол байна.
    64.119.20.56
    Мэдэгдсэн Хариулах
  • иргэн 2019-07-17 00:55:57
    хун еерийгее мэдэхгуй юм мэдээ бичиж чаддаггуй пгоо эдийн засгийн тоймч болчихож амжилт хусье зев л бичиж узээрэй тийн ялгал сургуулийн хуухдээр заалга
    202.9.42.92
    Мэдэгдсэн Хариулах