Жюү жицүгийн Азийн АШТ эхэллээ
Монголын жюү жицүгийн холбооноос эх орондоо анх удаа хүлээн авч зохион байгуулж байгаа жюү жицүгийн Азийн аварга шалгаруулах тэмцээн өчигдөр эхэллээ. Энэ тэмцээнд АНЭУ, БНСУ, Казахстан, Филиппин, Тайвань, Тайланд, Афганистан, Бахрайн, Япон гэсэн 24 орны 400 гаруй тамирчин хүч сорих юм. Монгол бөхийн өргөөнд болсон тэмцээний нээлтийн ёслол уртын дуу, монгол бүжиг, уран нугаралтаар эхэлж уг тэмцээнийг зохион байгуулах хорооны удирдах хүмүүс үг хэлсэн юм. Дэлхийд Монголыг бөхийн орон гэдэг. Энэ утгаараа Япон, Тайваньтай эрхийн төлөө өрсөлдөж Монголын жюү жицүгийн холбоо ялалт байгуулсан байна. Ингээд энэ төрлийн хувьд азийн дөрөв дэх тэмцээн Улаанбаатарт эхлээд байгаа ажээ. Тэмцээн Ne Waza, Fighting Juijitsu, Contact Juijitsu. Duo system гэсэн дөрвөн төрлөөр болно. Эрэгтэйчүүд -56, -62, -77, -85, -94, +94 кг, эмэгтэйчүүд -45, -48, -52, -57, -63, -70, +70 кг-д өрсөлдөх юм. Тивийн аваргын тэмцээнд насанд хүрэгчдийн ангилалд 331, өсвөрийн ангилалд 77 нийт 408 тамирчин бэлтгэгджээ. Эхний өдөр манай улсаас 17 тамирчин дэвжээнд гарч өрсөлдлөө. Эхлэлээс нь харахад Казахстан, БНСУ, Афганистаны тамирчдын ур чадвар илүүтэй харагдаж байлаа.
 
Эх сурвалж: “Зууны мэдээ” сонин
Д.Надмид
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.