Эсэргүүцлийн жагсаалд оролцогчдыг саатууллаа
Сүүлийн хэдэн жилд  болоогүй олон хүнийг хамарсан томоохон хэмжээний жагсаал ОХУ-ын Москва хотод болж байна. Энэ жагсаалд оролцсон 1000 гаруй хүнийг баривчилсан талаар BBC мэдээлэв.

Эсэргүүцлийн жагсаал Москва хотын захиргааны ойролцоо болсон бөгөөд цагдаа нар цугласан олны эсрэг бороохой ашиглаж байжээ. Жагсагчид орон нутгийн сонгуульд сөрөг хүчний нэр дэвшигчдийг оруулахгүй болсон шийдвэрийг эсэргүүцэн ийнхүү нэгдсэн байна.

Харин сөрөг хүчний зүгээс дээрх шийдвэрийг улс төрийн шалтгаантай хэмээн тайлбарлаж байгаа аж. Есдүгээр сарын 8-нд болох сонгуульд оролцох зарим нэр дэвшигч саатуулагдаад байна. Албаны хүмүүсийн мэдэгдэж буйгаар 30 хүн сонгуульд өрсөлдөх чадамжгүй, шаардлагатай бичиг баримт хангалтгүй байсан нь илэрсэн аж.

Хамгийн багадаа 1074 хүн эсэргүүцлийн жагсаалд нэгдсэн гэсэн мэдээлэл байгаа ч саатуулагдсан иргэдийн тоо 1127-д хүрчээ. Москва хотын мээр Сергей Собянин энэ эсэргүүцлийн жагсаалыг "Аюулгүй байдалд заналхийлж буй хэрэг" гээд нийтийн эрх ашгийг тэргүүндээ тавьж буйгаа мэдэгджээ. Ерөнхийлөгч В.Путиныг хүчтэй шүүмжлэгч, сөрөг хүчний лидер Алексей Навални нь албан ёсны зөвшөөрөл авалгүй эсэргүүцлийн жагсаал хийсэн хэмээн 30 хоног хорих ялаар шийтгүүлжээ.
 
Эх сурвалж: Зууны мэдээ сонин
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.