Л.Болд: Төрийн нууц задлая
УИХ-ын гишүүн Л.Болд "ИЛ ЗАХИДАЛ" бичиж өөрийн фэйсбүүк хуудаснаа нийтэлжээ. Тэрбээр энэ захидалдаа "Төрийн нууц задлая. Сэжигтэн Т.Чимгээд тагнуулын хурандаа нар шоронд мансууруулах бодистой архи хүчээр өгч, ухаанаа алдсан хүнээс мэдүүлэг авч, ялтан гэгдэх замд нь оруулсан болохыг мэдээлэлд ойр эх сурвалжаас сонссон юм. Түүнийг нь бид хэвлэлийнхний өмнө мэдээлсэн. Гэтэл ТЕГ-аас Т.Чимгээ улсын нууц задруулсан байна хэмээн хэрэг нээж, улмаар тэр нууцыг сонссон Ж.Батзандан гишүүн бид хоёр сэжиглэгдэж, сүртэй үгтэй зарлан дуудах бичиг хүлээн авч байцаалт өгсөн нь саяхан. Тэр мэдээлэлд Т.Чимгээгийн буруу байхгүй гэдгийг хариуцлагатайгаар мэдэгдэж байна. Хуулийн дагуу 60 төрлийн хэргийг төрийн нууцад хамааруулдаг байсан бол 2016 оноос энэ тоо 600 болон огцом өссөнийг саяхан "Глоб интернэшнл"-ээс зохион байгуулсан "Олон нийтийн мэдэх эрх ба нууц мэдээлэл" бодлогын семинарт оролцохдоо дурдаж, ер нь энэ бүхний цаана МАНАН бүлэглэлийн шударга бус явдал, дээрэм, хүчирхийлэл төрийн нууц нэрээр халхлагдан, нуугдсан болохыг баттай ойлгосон.

Харин энэ удаа би дахин Монгол төрийн өөр нэг нууцыг дэлгэхээр шийдлээ. Хуулийн дагуу хариуцлагаа хүлээхэд ч бэлэн байна.

Тэсвэрлэшгүй зовлонгийн өмнө ч тэсвэр хатуужлаа алддаггүй, хат сайт монгол хүмүүсээр бахархаж байна.

Т.Чимгээ Б.Содномдаржаа нар ямар зүйлийг тэсэж, тэвчиж одоог хүртэл цөхрөлгүй тэмцсээр байгааг олон хүн мэддэг болсон байх. Нөгөөтэйгүүр тэдний ар тал болсон хайрт эхнэр, нөхөр, аав ээж, үр хүүхдүүд, төрөл садангийнхан нь тэднээс ч дутахгүй сэтгэлийн тэнхээтэй баатрууд юм.

Энэ олон жилийн тарчлаан дунд гэрт орж эм, гадаа гарч эр болж ар гэрээ хамгаалан тэмцсээр байгаа Т.Чимгээгийн нөхөр, Б.Содномдаржаагийн эхнэр нараар бахархахгүй байхын аргагүй. Б.Содномдаржаагийн эхнэр Г.Энхбаяр, Т.Чимгээгийн нөхөр С.Бямбасүрэн нар хилсээр хэлмэгдэгсдийн сүүлчийн итгэл найдвар.

С.Бямбасүрэн охиноо алдчихаад шоронгийн камерт эхнэр Т.Чимгээдээ аймшигт мэдээг дуулгаж чадахгүй, халширч, дальдарч, дотроо нулимсаа барьж ядан суухад нь байцаагч хажуунаас “Охиноо үхсэнээ хэлээч чи!” гэж тулган дайрч, зовлонт эх хүнийг хэний ч төсөөлшгүй, үгээр хэлэхийн аргагүй тарчлалд унаж байх тэр агшинд хүч тулган байцаалт авч, хүний зовлонгоор хуурамч хэргээ хүлээлгэх гэж оролдсон байгаа юм.

Б.Содномдаржаагийн эхнэр Г.Энхбаяр нь баргийн хүний тэвчихээргүй аймшигт зовлон зүдгүүр дунд эр нөхрийнхөө төлөө тэмцсээр, үр хүүхдүүдийнхээ төлөө зүтгэсээр байна. Б.Содномдаржаагийн амьдралын ганц утга учрыг нь бөхөөхийн тулд харгис яргачид бидний зөвхөн кинон дээрээс л үздэг тоймгүй олон янзын эрүү шүүлтийг түүнд хэрэглэсэн нь нэгэнт ил болсон. Тэр энэ он жилүүдэд байнгын хатуу ширүүн зодуур дэглэлт дунд байлаа.

Зодож жанчиж, хавиргыг нь хугалах зэрэг олон янзын гэмтэл учруулсан, хүний ёсыг умартаж ялгадас толгой дээр нь асгаж байсныг бид харсан. Мөн зовоон тарчлаах харгис арга болох олон хоног нойргүй байлгах яргыг (ингэж байхдаа туг тугаар үсийг нь зулгааж, тарчлааж байсныг хүртэл мэдрэх тэнхэлгүй болж, сүүлд шүүх хурал дээр бичлэгээ үзэж мэл гайхсанаа хэлж байсан) хэрэглэсэн.

Өлсгөлөнгийн байдалд удаан хугацаагаар байлгасан. Хүн амины хэрэгтэн И хэмээгч ялтанг сэжигтэн Б.Содномдаржаатай 80 хоног хамт байлгаж, дарамтлан тамлуулсны зэрэгцээ усанд оруулахгүй, агаар салхи үзүүлэхгүй олон сар байлгаж, эрүүл мэндэд нь нөхөшгүй хор хохирол учруулсан. (Б.Хурц генерал сая Төв аймагт болсон шүүх хурлын үеэр Б.Содномдаржааг “Олон жил шоронд суучихаад чи сүрьеэ тусаагүй л байна уу” гэж доромжилсон байна лээ)

Түмэн аргаар үйлийг нь үзэж, амиа хорлох судсаа ханаж, хоолойгоо хэрчих нөхцөлийг бүрдүүлж камерт нь хурц бритва, уугаад хордож үхэх боломж өгч хурц үнэртэй хятад будаг өдөр бүр оруулж тавьдаг байсан нь ил боллоо.
Хорих ангид дээрээс чиглэл ирсэн нэрээр харуулаасаа авахуулаад удирдлага нь хүртэл оролцож зодож дарамталж, байнгын айдастай байлгаж, (Ж.Батзандан бид хоёрыг хорих ангид эргэж очиход хажуунаас нь хянагч салахгүй байсан тул маш их дарамтад байгаагаа нууц хэллэг, дохиогоор ойлгуулах гэж ихэд оролдсоныг нь бид даанч туршлагагүйгээсээ ойлгоогүй юм билээ. Жишээ нь, “Миний хүүхдүүдийн дуу шуугианыг хоригдол Ц.Амгаланбатар сонссон байна лээ, төрдөө их гомдож байна, итгэл алдарч байна гэх мэт үгсээрээ анхаарал татах гэж оролдож байсан юм билээ. Тиймээс л одоо бие нь сайжирсан хэмээн хуучин гяндан руу нь илгээх гэж байгааг эрс эсэргүүцэх хэрэгтэй бөгөөд нэн даруй суллах шаардлагатай) хүний ёсноос гадуур яргалал бүрийг даван гарчээ.

Хамгийн адгийн арга барилаар ар гэр, эхнэр хүүхдийг нь цөхрүүлж, холдуулах замаар амьдралын найдварыг нь таслахыг оролдохоо хүртэл мартсангүй. Б.Содномдаржаагийн эхнэрийг ятгаж “Нөхөр чинь одоо өнгөрсөн, хэзээ ч нар үзэхгүй болсон. Үр хүүхэд, амьдралаа бод” хэмээж байжээ. Хорих ангид хуулийн дагуу улиралд ганц удаа эргэлт ирэхэд нь тусгай уулзалтын байранд уулзуулдаг байсныг өөрчилж, Б.Содномдаржаад зориулж хоригдлуудын дунд камер засаж, эхнэр хүүхдүүдтэй нь уулзуулдаг болжээ.

Байнгын хурц гэрэлтэй камерт байлгасны дээр 10 минут тутамд харгалзагч нь шалгаастай ийм л нөхцөлд энэ гэр бүлийн тэвчээрийг мохоох гэж оролдож байж. Харин зол гэх нь хаашаа юм, гяндангийн зэвүүн орчинд Б.Содномдаржаагийн хүүхдүүдийн дуу цангинаж, тэднийг гүтгэсэн хүн амины хэрэгтэн Ц.Амгаланбаатарын сэтгэл хөдөлж, “Би энэ хүүхдүүдийн гэмгүй эцгийг цаашдаа гүтгэж чадахгүй нь” гэж Т.Чимгээ, Б.Содномдаржаа хоёрыг яллах гол шалтгаан болсон худал мэдүүлгээсээ татгалзсанаа төрийн өндөрлөгүүдэд бичсэн өргөдөлдөө дурджээ. Б.Содномдаржаагийн эхнэр таван хүүхдийнхээ аавын төлөө цуцашгүй тэмцсээр байгаа, бие сэтгэлийн тэсвэр тэвчээрийн гайхамшгийг харуулж яваа монгол эмэгтэйн төлөөлөл юм.

Энэ бүх доромжлол, дайралт, тарчлааныг давж, тэсч, үнэнхүү хүн чанараа харуулж, монгол хүний жудгийг бишрүүлж байгаа Г.Энхбаяр, С.Бямбасүрэн нарыг хүндлэх сэтгэл төрөхгүй байхын аргагүй.
УИХ-ын Хүний эрхийн дэд хорооны гишүүн Л.Болд" гэжээ.

Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2019-09-23 04:01:48
    Батзандан, Болд 2-ыг муучлаад байгаа нөхдүүд хулгайчуудыг дэмжээд байгаа юм уу хаашаа юм Хулгайч цагаан захтнуудын эсрэг өөр хэн дугарч байна аа
  • ТЕГ-аас асууя 2019-09-22 07:51:58
    Болдын мэдрэл нь муудчихсан, яавч цоо эрүүл биш гэж бараг 10 жилийн өмнөөс л АН-ынхан ярьдаг байсан. Хэний ч санаанд оромгүй ийм үйлдлийг ТЕГ хийсэн гэж үү? Айн...
  • Зочин 2019-09-22 00:26:13
    Болд бол өөрөө олигарх мөн ш дээ. Одоо л нэг их хэлмэгдсэн дарлагдсан хохирсон амьтан болох гэж ядахийн...
  • зочин 2019-09-21 09:59:48
    Энэ хүмүүсээ гаргаж хамгаалалтад гэр бүлээр нь авах хэрэгтэй Их хурлыг тарааж үймээн дэгдээж энэ мэт бусармаг үйлдлүүдээ дарах гэж байна шүү
  • ZOCHIN 2019-09-21 06:08:48
    TURIIN NUUTS NI BOL SHINE TEXNIK TEXNOLOGI , SHINJILEX UXAANII NEELT , YLS ORONII AYULGVI VIL AJILGAAG GEX MET BAIX BAIXAAA ....
  • Зочин 2019-09-21 05:11:08
    Болд одоо боль.одоо Батзандан та хоёрыг харахаар инээд ч хүрэх шиг, уур ч хүрэх шиг...
  • Иргэн 2019-09-21 01:22:18
    Тухайн үеийн аман зурагтай чимгээ содномдаржаа 2 таараад байгааг тайлбарлаач болд гишүүнээ гээд асуучих хоншоортой сэтгүүлч бнуу. Энэ болд захиалагч юм бишүү
  • уншигч 2019-09-20 15:53:35
    Ийм гэмт хэрэг болсон бол гэмт vйлдэлд оролцогчид ажлаа гэмгvй царайлаад хийж л байгаа даа. Тэдэнд мен хариуцлага тооцохгvй байгаа нь гэмт хэрэг менеес мен.
  • Baatarnurev 2019-09-20 14:06:27
    Odoo tegeed ter 2 hoorhii humuus shorondoo baigaad l baih yum uu.21r zuun ardchilsan uls feed gaihuulaad baisan.
  • Bold 2019-09-20 10:19:24
    Үхсэн ацны чинь улсын нууц.хол очиж хуц
  • Үнэнбат 2019-09-20 09:53:12
    Анх АРДЧИЛАГЧДын дутагдлыг хэлэх гэхээр хоцрогдсон,хуучинсаг гээд тал талаас дайрч үг хэлүүлэхгүй,ингэсээр байгаад оодруулсан шүүдээ. Тэр нь улсын нууц болжээ. ...
    • Бат 2019-09-20 09:56:23
      Эхлээд ч бүгдъардчилагчид болцгоосон,Зэнээ,Дашбалбар нар л үнэн үг хэлж байлаа Ардчилал нь амьгүй боллоо,хэрэг нь улсын нууц болсон уу
  • Даваа 2019-09-20 08:19:39
    Хэргийн захиалагч нь тодорхой л байна шүү дээ. Тэр нь өндөр албан тушаалтан учраас улсын нууц гээд асууж байцааж ч чаддагүй, зарлаж ч чадахгүй байна.
  • зочин 2019-09-20 07:43:55
    Босч шээхдээ хүртэл харгалзагчтай хоригдолд задалж болохгүй улсын нууц гэж юу байдаг байнаа.Хэн нэгэн хүчирхийлчихээд түүнийгээ улсын нууц гээд байгаа юм уу
  • Хурц 2019-09-20 07:40:41
    Худлаа шаахгүй шүү болдоо
  • зочин 2019-09-20 07:06:36
    Асуудал үүсгээд байхаар авар л даа, хожим ямар ч үр дүнгүй "...би хэлээд л байсан, мэдээд л байсан.." гэдэг цонх үүсгээд дуусах уу,
  • Зочин 2019-09-20 06:12:49
    Бас сайхан худлаа хэлэх юм аа
  • иргэн 2019-09-20 05:48:35
    элбэгдорж зоригийг цааш нь харуулсан захиалагч гол хун л болж таарах гээд байнаа даа бат уул худлаа орилоод л с эрдэнийн эхнэр тэвчихгуй амиа хорлоод л
  • Бат 2019-09-20 05:47:15
    хэрэг гарах өдөр жолоочийн ажлаар хот орж хоноод маргааш нь ирхэд сэргийлэх дуудаж шинжилгээ авч билээ тэгээд хэрэг нэг иймэрхүү шиидэх байх гэж бодож билээ
  • гийчин 2019-09-20 05:39:53
    яргалал гэдэг чинь манжийн төр, феодалын нийгэмтэй устсан гэж бодож байлаа. ямар аймаар юм бэ. хүнлэг энэрэнгүй ардчилсан нийгэмд ийм яргалал байж болох уу
  • м 2019-09-20 05:37:32
    шаал худлаа гар
    124.158.107.35
    Мэдэгдсэн Хариулах