Одоогоос олон жилийн өмнө уулын баяжуулах “Эрдэнэт” үйлдвэрийг Өмнөд Африкийн “Стандарт” банкинд барьцаанд тавьж, хуурамч гарын үсэг бүрдүүлэн их хэмжээний мөнгө авч, хувьдаа завшсан “Жаст” группийн захирал асан Ш.Батхүүд холбогдох хэрэг удаан шалгагдсан ч хөөн хэлэлцэх хугацаа дууссан гэсэн үндэслэлээр энэ сард хэрэгсэхгүй болов.
Цагаан захтнууд ингэж л ял завшдаг юм байна. Цаг хожиж, хугацаа уртасгаж байгаад л хуулийн цоорхой ашиглаж хэргээ хэрэгсэхгүй болгодог олон жишээний нэг нь Ш.Батхүү боллоо.
Тодруулбал, одоогийн мөрдөж буй хуулиар хөөн хэлэлцэх хугацаа дууссан гэх үндэслэлээр гэмт этгээдүүдэд ял завших боломж олгож байна гэдэг шүүмжлэл гарсаар байгаа.
Ялангуяа авлига, албан тушаалын гэмт хэрэгтнүүд ийм замаар ял завшаад байгаад олон нийт дургүйцээд байна.
Албан тушаалтнуудын холбогдсон хэргийг урт удаан хугацаанд шалгаж, шүүхийн шатнаас мөрдөн байцаалтад буцаах хооронд хөөн хэлэлцэх хугацаа тоологдсоор анхан шатны шүүхийн шийдвэр гарахын өмнөхөн энэ хугацаа дуусч, хэрэгсэхгүй болж байгаа юм. "Жаст"-ын Ш.Батхүүгийн холбогдсон хэргийн хөөн хэлэлцэх хугацаа энэ сард дууслаа.
Одоогоос зургаан сарын өмнө Засгийн газар “Эрдэнэт” үйлдвэрийн эрсдэлийн сангаас 40 сая ам.доллар гаргаж, Ш.Батхүүгийн өрийг төлсөн.
Ийнхүү сүүлийн 10 гаруй жил яригдсан “Эрдэнэт” үйлдвэрийг барьцаалж, Өмнөд Африкийн “Стандарт” банкнаас их хэмжээний зээл авсан луйврын хэрэг намжмал байдалд орсон юм.
Уг хэргийн эзэн, хэнгэргийн дохиур гэх Ш.Батхүү хуулийн хариуцлага хүлээх ёстой. Гэтэл өнөөдөр хариуцлагаас мултарлаа.
Түүний хувьд 2009 онд “Эрдэнэт”-ийг барьцаалж гадны банкнаас 109 сая ам.долларыг гаргуулж авсан байдаг. Ингэхдээ бичиг баримтыг хуурамчаар үйлдсэн гэх асуудал нь даамжирч Монгол Улсын Засгийн газар Арбитрын шүүхэд дуудагдаж аргагүй эрхэнд Засгийн газрын Эрсдлийн сангаас өрийг нь тэглэсэн.
Яагаад хувь хүний гаргасан алдаа, хууль бус үйлдлийнх нь өмнө Засгийн газар хариуцлага хүлээх ёстой гэж. За яах вэ, өрийг нь тэглэлээ гэхэд өнөөдөр тэр хүн эрүүгийн хариуцлага хүлээх ёстой. Гэтэл тэгсэнгүй. Харин ч эрх чөлөөтэй явна.
Ш.Батхүүд холбогдох хэргийн хөөн хэлэлцэх хугацаа хэрэг үйлдэгдсэн буюу 2009 оноос эхлэн тооцогдоно . Түүнээс хойш 10 жил гэхээр өнөө жил дуусчихаж байгаа юм.
Иймэрхүү замаар хэчнээн алба хаагчид авлига хээл хахууль, албан тушаалын хэргээ хаацайлж, хариуцлагаас зугтаж мултрахыг үгүйсгэхгүй юм.
Дашрамд дуулгахад, Хууль зүйн сайд Ц.Нямдорж Эрүүгийн багц хуульд нэмэлт, өөрчлөлт оруулах хуулийн төслүүд болон Гэрч, хохирогчийг хамгаалах тухай хуульд нэмэлт, өөрчлөлт оруулах тухай хуулийн төслийг УИХ-ын дарга Г.Занданшатарт өргөн барьсан.
Түүний өргөн барьсан хуулиудын нэг болох Эрүүгийн хуульд гэмт хэргийн хөөн хэлэлцэх хугацааг тооцох асуудлыг өөрчлөн тусгасан байна.
О.Гэрэл
Оллоо.mn
Цагаан захтнууд ингэж л ял завшдаг юм байна. Цаг хожиж, хугацаа уртасгаж байгаад л хуулийн цоорхой ашиглаж хэргээ хэрэгсэхгүй болгодог олон жишээний нэг нь Ш.Батхүү боллоо.
Тодруулбал, одоогийн мөрдөж буй хуулиар хөөн хэлэлцэх хугацаа дууссан гэх үндэслэлээр гэмт этгээдүүдэд ял завших боломж олгож байна гэдэг шүүмжлэл гарсаар байгаа.
Ялангуяа авлига, албан тушаалын гэмт хэрэгтнүүд ийм замаар ял завшаад байгаад олон нийт дургүйцээд байна.
Албан тушаалтнуудын холбогдсон хэргийг урт удаан хугацаанд шалгаж, шүүхийн шатнаас мөрдөн байцаалтад буцаах хооронд хөөн хэлэлцэх хугацаа тоологдсоор анхан шатны шүүхийн шийдвэр гарахын өмнөхөн энэ хугацаа дуусч, хэрэгсэхгүй болж байгаа юм. "Жаст"-ын Ш.Батхүүгийн холбогдсон хэргийн хөөн хэлэлцэх хугацаа энэ сард дууслаа.
Одоогоос зургаан сарын өмнө Засгийн газар “Эрдэнэт” үйлдвэрийн эрсдэлийн сангаас 40 сая ам.доллар гаргаж, Ш.Батхүүгийн өрийг төлсөн.
Ийнхүү сүүлийн 10 гаруй жил яригдсан “Эрдэнэт” үйлдвэрийг барьцаалж, Өмнөд Африкийн “Стандарт” банкнаас их хэмжээний зээл авсан луйврын хэрэг намжмал байдалд орсон юм.
Уг хэргийн эзэн, хэнгэргийн дохиур гэх Ш.Батхүү хуулийн хариуцлага хүлээх ёстой. Гэтэл өнөөдөр хариуцлагаас мултарлаа.
Түүний хувьд 2009 онд “Эрдэнэт”-ийг барьцаалж гадны банкнаас 109 сая ам.долларыг гаргуулж авсан байдаг. Ингэхдээ бичиг баримтыг хуурамчаар үйлдсэн гэх асуудал нь даамжирч Монгол Улсын Засгийн газар Арбитрын шүүхэд дуудагдаж аргагүй эрхэнд Засгийн газрын Эрсдлийн сангаас өрийг нь тэглэсэн.
Яагаад хувь хүний гаргасан алдаа, хууль бус үйлдлийнх нь өмнө Засгийн газар хариуцлага хүлээх ёстой гэж. За яах вэ, өрийг нь тэглэлээ гэхэд өнөөдөр тэр хүн эрүүгийн хариуцлага хүлээх ёстой. Гэтэл тэгсэнгүй. Харин ч эрх чөлөөтэй явна.
Ш.Батхүүд холбогдох хэргийн хөөн хэлэлцэх хугацаа хэрэг үйлдэгдсэн буюу 2009 оноос эхлэн тооцогдоно . Түүнээс хойш 10 жил гэхээр өнөө жил дуусчихаж байгаа юм.
Иймэрхүү замаар хэчнээн алба хаагчид авлига хээл хахууль, албан тушаалын хэргээ хаацайлж, хариуцлагаас зугтаж мултрахыг үгүйсгэхгүй юм.
Дашрамд дуулгахад, Хууль зүйн сайд Ц.Нямдорж Эрүүгийн багц хуульд нэмэлт, өөрчлөлт оруулах хуулийн төслүүд болон Гэрч, хохирогчийг хамгаалах тухай хуульд нэмэлт, өөрчлөлт оруулах тухай хуулийн төслийг УИХ-ын дарга Г.Занданшатарт өргөн барьсан.
Түүний өргөн барьсан хуулиудын нэг болох Эрүүгийн хуульд гэмт хэргийн хөөн хэлэлцэх хугацааг тооцох асуудлыг өөрчлөн тусгасан байна.
О.Гэрэл
Оллоо.mn