''УБТЗ 77.4 тэрбум төгрөгийн зээлээ төлөөгүй байна''
УИХ-ын Төсвийн байнгын хороо өчигдөр хуралдаж, 2018 оны төсвийн гүйцэтгэлийг хэлэлцлээ. Хуулийн дагуу 2018 оны төсвийн гүйцэтгэлд Үндэсний аудитын газар аудит хийж, санал дүгнэлтээ гаргажээ.

Уг дүгнэлтдээ "Эргэн төлөгдөх хугацаа хэтэрсэн, зээл ашиглагч байгууллагын санхүүгийн тайланд бүртгэлгүй нийт 1.006.7 тэрбум төгрөгийн авлагын үлдэгдэлтэй" хэмээн дурджээ. Энэхүү хугацаа хэтэрсэн зээлийн мөнгөн дүнгийн задаргааг Сангийн сайд Ч.Хүрэлбаатар танилцууллаа. Тэрээр "Улаанбаатар төмөр зам дээр 77.4 тэрбум төгрөг байгаа. Засгийн газар Улаанбаатар төмөр замд дахиж дамжуулан зээл авч өгөхгүй гэсэн байр суурьтай байгаа. Энэ байгууллага зээлээ буцааж төлөхдөө луу унждаг. Цаашлаад хүчингүй болгуулах арга хэмжээ авдаг. Ийм үйлдэл гаргаж байсан аж ахуйн нэгжүүдэд Сангийн яам дахин зээл өгөхгүй" гэв.

Цаашлаад Орон нутгийн Засаг даргын Тамгын газарт дамжуулж олгосон зээл 144 тэрбум байгаа юм байна. Бүгд 228 тэрбум төгрөгийн зээлийн хугацаа хэтэрчихсэн байгаа гэнэ. Мөн Засгийн газрын тогтоол, шүүхийн шийдвэртэй найдваргүй болсон зээлийн хэмжээ 322 тэрбум төгрөг байгаа юм байна. Нийслэлийн тээврийн газар дээр 23.9, Даланзадгадын дулааны цахилгаан станц дээр 2.2, "Анод" банк дээр 2.7 их наяд төгрөгийн зээл байгаа гэдгийг хэллээ.

Эх сурвалж: Зууны мэдээ сонин
Т.Сайхан
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • TZ chin 2019-10-03 01:20:42
    Ubsen baas, UBTZ sangiin yaam naas zeel avaad yaadgiin. Saingiin yaam tai yaamgui mongolyg tejeej bga shd.