М.Оюунчимэг: Та дөрөв ч гэсэн өөрсдийгөө бодох ёстой болов уу

“ЖДҮ-гийн хэрэг” яагаад үүссэн, энэ хэргийн талаар эрх баригч МАН-ынхан юу гэж үзэж байгаа нь олон нийтэд сонин байгаа юм.

“Зууны мэдээ” сонин үүнд хариулт өгөхүйц нэгэн мэдээллийг өмнө нь цувралаар хүргэсэн. Тэр бол УИХ дахь МАН-ын бүлгийн хурал дээр гишүүд юу гэж ярьсан талаарх мэдээлэл байв.

Энэ удаа дахин нэг хуралдааны талаарх МАН-ын бүлгийн “ЖДҮ-гийн протокол-2”-ыг дэлгэж байна. УИХ дахь МАН-ын бүлэг 2019 оны нэгдүгээр сарын 10-нд Төрийн ордны “Жанжин Д.Сүхбаатар” танхимд хуралджээ. Хуралдааныг МАН-ын бүлгийн дарга Д.Тогтохсүрэн даргалж, Бүлгийн Ажлын албаны дарга Н.Энхтайван, зөвлөх Б.Санжмятав, Н.Хажидсүрэн, Ц.Энхжаргал, А.Батзаяа, Б.Жамбал, Л.Эрдэнэбаяр, ахлах референт Б.Ариунзаяа, Г.Ихбаяр, референт Б.Цэцэгдэлгэр нар оролцжээ. МАН-ын бүлгийн 64 гишүүний 44 нь энэ хуралд суусан байна. Харин УИХ-ын гишүүн Б.Бат-Эрдэнэ, Ц.Мөнх-Оргил, Г.Мөнхцэцэг нар өвчтэй, Б.Саранчимэг, О.Содбилэг, Д.Тэрбишдагва нар гадаадад, Н.Номтойбаяр томилолттой, Ж.Эрдэнэбат чөлөөтэй, Сү.Батболд , Ж.Бат-Эрдэнэ, Ж.Ганбаатар, Д.Ганболд, Ц.Гарамжав, Б.Дэлгэрсайхан, Л.Мөнхбаатар, Г.Тэмүүлэн, А.Ундраа, Д.Цогтбаатар, Л.Энх-Амгалан, М.Энхболд нар шалтгаангүйгээр хуралдаа суугаагүй байна.

Энэ хурлаар “ЖДҮ-гийн хэрэг”-т холбогдсон Б.Ундармаа, Л.Энхболд, Д.Дамба-Очир, Г.Солтан нарыг УИХ-ын гишүүнээс түдгэлзүүлэх Улсын Ерөнхий прокурор М.Энх-Амгалангийн саналыг хэлэлцжээ.

Өмнөх нь http://www.olloo.mn/n/70000.html

…УИХ-ын гишүүн Ц.Нямдорж “…Энэ бичгийг Энхболд дарга аваад Нямдорж, Лүндээжанцан эд нарт гээд цохчихсон  байсан юм. Энхболд дарга өөрөө яриад хурлаа хий гэсэн. Ийм учиртай. Хоёрдугаарт, ийм асуудал яригдахаар заавал Халдашгүй байдлын дэд хороо хуралддаг учиртай юм л даа. Хуралдахгүй байх арга байхгүй. Лүндээжанцан, Раднаасэд, Нямдорж, Цолмон нарт гээд Энхболд дарга гарын үсэг зурчихсан. Тэрний дагуу хуралдсан. Яг номоороо явж байгаа” гэхэд Бүлгийн дарга Д.Тогтохсүрэн “…Одоо зургаан гишүүн байна. Үүнийг сонсчихъё. Тэгэх үү, Элдэв-Очир гишүүн ээ. Заавал санал хураалгахгүйгээр энэ зургаан гишүүнээ сонсоод явчихъя, Оюунчимэг гишүүн” гэв. УИХ-ын гишүүн М.Оюунчимэг “…Би одоо цаг хугацааг, дөрвийн дөрвөн хүн, бид бие биеэ бодох хэрэгтэй байх, нөхөд минь. Та нар ч гэсэн өөрсдийгөө бодох ёстой болов уу гэж бодож байна. Тэгээд Элдэв-Очир гишүүний хэлснийг дэмжээд горимын саналаа хураагаад явсан нь дээр байх аа. Татаж авлаа” гэв.

 

Эх сурвалж: “Зууны мэдээ” сонин

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Bi bnaa 2019-12-04 12:08:56
    Nomtoibayr gadaadad tomilolt gej hudlaa helehee l bolildoo. Malaizad off roid temtseend oroltsoj bgaa shdee. Ih huralaas tomilolt ogson bolj bnuu. Yun zawtai...
  • зочин 2019-12-03 09:31:09
    Ард түмний төлөөлөл яах вэ эхлээд бид биенээ бодох хэрэгтэй гэнээ
  • kkk 2019-12-03 02:52:05
    Нам гэдэг бол үзэл бодлоороо нэгдсэн хэсэг бүлэг хүмүүс гэдэг. Оюунчимэг яг л үүнийг харуулж байна. Ард түмэн бол цаашаа л байна дөө.