Х.Болорчулуун: ЖДҮ-г улстөржилт гэж харж байна
“ЖДҮ-гийн хэрэг” яагаад үүссэн, энэ хэргийн талаар эрх баригч МАН-ынхан юу гэж үзэж байгаа нь олон нийтэд сонин байгаа юм.

“Зууны мэдээ” сонин үүнд хариулт өгөхүйц нэгэн мэдээллийг өмнө нь цувралаар хүргэсэн. Тэр бол УИХ дахь МАН-ын бүлгийн хурал дээр гишүүд юу гэж ярьсан талаарх мэдээлэл байв.

Энэ удаад дахин нэг хуралдааны талаарх МАН-ын бүлгийн “ЖДҮ-гийн протокол-2”-ыг дэлгэж байна. УИХ дахь МАН-ын бүлэг 2019 оны нэгдүгээр сарын 10-нд Төрийн ордны “Жанжин Д.Сүхбаатар” танхимд хуралджээ. Хуралдааныг МАН-ын бүлгийн дарга Д.Тогтохсүрэн даргалж, Бүлгийн Ажлын албаны дарга Н.Энхтайван, зөвлөх Б.Санжмятав, Н.Хажидсүрэн, Ц.Энхжаргал, А.Батзаяа, Б.Жамбал, Л.Эрдэнэбаяр, ахлах референт Б.Ариунзаяа, Г.Ихбаяр, референт Б.Цэцэгдэлгэр нар оролцжээ.

МАН-ын бүлгийн 64 гишүүний 44 нь энэ хуралд суусан байна. Харин УИХ-ын гишүүн Б.Бат-Эрдэнэ, Ц.Мөнх-Оргил, Г.Мөнхцэцэг нар өвчтэй, Б.Саранчимэг, О.Содбилэг, Д.Тэрбишдагва нар гадаадад, Н.Номтойбаяр томилолттой, Ж.Эрдэнэбат чөлөөтэй, Сү.Батболд , Ж.Бат-Эрдэнэ, Ж.Ганбаатар, Д.Ганболд, Ц.Гарамжав, Б.Дэлгэрсайхан, Л.Мөнхбаатар, Г.Тэмүүлэн, А.Ундраа, Д.Цогтбаатар, Л.Энх-Амгалан, М.Энхболд нар шалтгаангүйгээр хуралдаа суугаагүй байна.

Энэ хурлаар “ЖДҮ-гийн хэрэг”-т холбогдсон Б.Ундармаа, Л.Энхболд, Д.Дамба-Очир, Г.Солтан нарыг УИХ-ын гишүүнээс түдгэлзүүлэх Улсын Ерөнхий прокурор М.Энх-Амгалангийн саналыг хэлэлцжээ.

Өмнөх нь Ц.Цогзолмаа: Яг үнэндээ Батзоригийг золиосонд явуулчихсан

…УИХ-ын гишүүн Х.Болорчулуун “…ЖДҮ-гийн асуудлаар дөрвөн гишүүнийг маань татахаар прокуророос бичиг ирсэн байна. Энэ ЖДҮ-гийн асуудал, нийгэмд үүссэн шалтаг, шалтгааныг би хууль дүрмэндээ байна гэж ойлгож байгаа юм. ЖДҮ-гийн хуулийг уншихаар маш их алдаатай. 1.5 тэрбумын борлуулалттай аж ахуйн нэгжид олгоно гэсэн байгаа юм. 200 хүртэл ажиллагсадтай, хоёр тэрбум төгрөгийг олгоно гэж байгаа юм. 1.5 тэрбум төгрөгийн борлуулалттай аж ахуйн нэгжид хоёр тэрбумыг олгож болох уу. Урд нь хоёр байтугай гурвыг олгоод ирсэн юм байна лээ. 200 ажиллагсадтай компани гэдэг чинь одоогийн дундаж цалин сая төгрөг гэвэл жилийн 2.4 тэрбум болно. Тэгэхээр энэ чинь орлоготой холбоотой каавар журам нь, хууль нь өрөө их алдаатай байхгүй юу. Ингээд авах ёстой компани авсан, аваагүй, их, бага гээд маргаан үүсч байгаа юм л даа. Одоо харин ЖДҮ-гийн хуулийг бид нар баталсан. Энэ бол юмыг бас нэг чигт нь зөв гольдролоор нь явуулахад дөхөм болох байх гэж бодож байна.Тэгээд дөрвөн гишүүний асуудлыг яагаад энэ жагсаал цуглааны дундуур ингэж яаран дааран оруулж ирж байгааг би гайхаж байна. Энэ бас цааанаа улс төр явагдаж байна. ЖДҮ-гийн асуудлаар хэргүүд үүсгээд явж байгаа гэсэн. Гэтэл бүгдийг нь сайн шалгаагүй байж дөрвөн гишүүнийг ингэж оруулж ирлээ. Гэхдээ харж байхад үндэслэл нь бичиг тоот өгч нөлөөлсөн гэсэн юм шиг байна лээ. Өөр гишүүд ч өгсөн. Бичиг тоот өгсөн гэдгээ зарласан гишүүд байгаа шүү дээ. Тэгээд оочин цоочин, яагаад энэ дөрвөн гишүүнийг ялгавартай юм шиг оруулж ирж байгааг гайхахын цаана улстөржилт явуулж байна. ЖДҮ гэдгийг улстөржилт гэж харж байна даа. Ямар ч байсан манай гишүүд дөрвөн гишүүнээ явуулахгүй нь мэдээж. Ер нь энэ гишүүдийг ингэж хуулийн байгууллагаар татна, барина, нэр төрд нь халдаж байгаа бол олон түмнийг төлөөлсөн гишүүдийн дархлаа бол үнэхээр байхгүй болсныг харуулж байгаа юм. Магадгүй, шударга ёсныхоо төлөө, зөв юм хийснийхээ төлөө мөнгөтэй хүмүүсийн захиалга болж байгаад татуулах байдал ямар нэгэн гишүүнд ирэхэд байг гэхгүй” хэмээв.

Үргэлжлэл бий…

 

Эх сурвалж: “Зууны мэдээ” сонин

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Иргэн  2019-12-21 23:43:00
    Улс тержуулэх бурэн ундэслэлтэй. Учир нь та нар эрх мэдэл ашиглан хулгай дээрэм хийсэн. Уг нь та нар еерсдийнхее телее биш Монгол улсын хегжил ард иргэдийн сайн...
    124.225.160.67
    Мэдэгдсэн Хариулах
  • haraad bgaarai 2019-12-21 00:43:53
    haraad bgaarai chi , hudlaa moodnii yaria chaatsan gar
    202.131.253.66
    Мэдэгдсэн Хариулах
  • та нар болиоч 2019-12-20 17:57:26
    та нар яасан ичих ээ больсон хүмүүс вэ? одоо ийм яриад яах юм бэ? дараагийн сонгууль ороод нэмэр байна уу?
    49.0.212.252
    Мэдэгдсэн Хариулах
  • Бат 2019-12-20 07:39:44
    Би 2012 онд буюу АН төр барисан үед охиноо ажилд оруулсан бас л олон сая төгрөг хахуульд өгсөн уг нь 60 тербум шиг ил болгочихсон бол болох л байсан
    202.9.46.19
    Мэдэгдсэн Хариулах
  • ... 2019-12-20 05:08:57
    "Харж байна" гэдэг хэллэг улс төрчид бий болгожээ. Нүдээр хардаг, харин тархиар сэтгэдэг, ойлгодог! Тэгэхээр тархи нь биш, зөвхөн нүд нь ажилладаг юм байх даа...
    64.119.20.38
    Мэдэгдсэн Хариулах
  • Зочин  2019-12-20 02:33:49
    Энэ нам унэхээр 60.0 тэр бумаар засгийн эрх авсан нь улам л батлагдаад байна даа юу гэж би монго огоод ажилд орсон гэж хэлэх вэ дээ ард тумэн минь 2020 оны сонг...
    103.229.122.165
    Мэдэгдсэн Хариулах