17 дахь удаагийн Азийн наадам үргэлжилж буй энэ өдрүүдэд бид бүхэн спортоор амьсгалж байгаа билээ. Ингэхдээ Монголынхоо авьяаслаг тамирчдаар бахархацгааж байна. Тэр дундаа сагсанбөмбөгийн баг тамирчдыг богино хугацаанд амжилтаа ахиулж Азийн шилдэг найман багт шалгарч үлдсэнийг хүн болгон онцолж байна. Тэгвэл үүнтэй зэрэгцээд зарим нэг спорт холбоодыг тамирчдаа дэмждэггүй, муу ажилладаг хэмээн шүүмжлэх иргэд нэлээдгүй байна.
Харин эдгээр шүүмжлэлийн дийлэнх нь Монголын хөлбөмбөгийн холбооны удирдлагуудад чиглэгдэж байгаа юм. Тодруулбал тус холбоог бүхлээр шинэчлэх нь зүйтэй хэмээн иргэд санал нэгдэж цахим ертөнцөөр сэтгэгдэлээ хэлсээр байна. Тэгвэл ирэх арваннэгдүгээр сард МХБХ-ны ээлжит IV Их хурал болох бөгөөд энэ үеэр шинэ ерөнхийлөгчөө сонгох юм байна. Уг сонгуульд одоогоор зургаан хүн нэрээ дэвшүүлсэний дотор одоогийн ерөнхийлөгч Б.Ганболд нэрээ дэвшүүлсэн нь олны анхаарлыг татаж эхлээд байна.
Тэрбээр нэр дэвшиж буйгаа “Миний бие Монголын хөлбөмбөгийн холбооны ерөнхийлөгчийн сонгуульд дахин нэр дэвших боллоо.Монголын хөлбөмбөгийн холбооны хөгжлийн төлөө хийж гүйцэтгээгүй ажлаа хийж гүйцээхийн төлөө нэр дэвших боллоо. Намайг дэмжээрэй” хэмээн фэйсбүүк хуудсаараа ийнхүү мэдэгдсэн юм.
Дашрамд дуулгахад энэ удаагийн МХБХ-ны ерөнхийлөгчийн сонгуульд Т.Лхагвадорж "Вульф петролиум"ХХК-ийн ТУЗ-ийн дарга, Э.Амарсайхан "2050" ТББ-ын тэргүүн спортын сэтгүүлч, Б.Мэдрээ "Худалдаа хөгжлийн банк"-ны гүйцэтгэх захирал, Г.Ганхүү "Дэрэн" хөлбөмбөг спорт клубын ивээн тэтгэгч, А.Ганбаатар МХБХ-ны дэд ерөнхийлөгч, МУ-ын Ерөнхийлөгчийн зөвлөх нарын эрхэмүүд нэр дэвшиж байгаа аж.
Б.Сансартуяа
Оллоо.мн
Харин эдгээр шүүмжлэлийн дийлэнх нь Монголын хөлбөмбөгийн холбооны удирдлагуудад чиглэгдэж байгаа юм. Тодруулбал тус холбоог бүхлээр шинэчлэх нь зүйтэй хэмээн иргэд санал нэгдэж цахим ертөнцөөр сэтгэгдэлээ хэлсээр байна. Тэгвэл ирэх арваннэгдүгээр сард МХБХ-ны ээлжит IV Их хурал болох бөгөөд энэ үеэр шинэ ерөнхийлөгчөө сонгох юм байна. Уг сонгуульд одоогоор зургаан хүн нэрээ дэвшүүлсэний дотор одоогийн ерөнхийлөгч Б.Ганболд нэрээ дэвшүүлсэн нь олны анхаарлыг татаж эхлээд байна.
Тэрбээр нэр дэвшиж буйгаа “Миний бие Монголын хөлбөмбөгийн холбооны ерөнхийлөгчийн сонгуульд дахин нэр дэвших боллоо.Монголын хөлбөмбөгийн холбооны хөгжлийн төлөө хийж гүйцэтгээгүй ажлаа хийж гүйцээхийн төлөө нэр дэвших боллоо. Намайг дэмжээрэй” хэмээн фэйсбүүк хуудсаараа ийнхүү мэдэгдсэн юм.
Дашрамд дуулгахад энэ удаагийн МХБХ-ны ерөнхийлөгчийн сонгуульд Т.Лхагвадорж "Вульф петролиум"ХХК-ийн ТУЗ-ийн дарга, Э.Амарсайхан "2050" ТББ-ын тэргүүн спортын сэтгүүлч, Б.Мэдрээ "Худалдаа хөгжлийн банк"-ны гүйцэтгэх захирал, Г.Ганхүү "Дэрэн" хөлбөмбөг спорт клубын ивээн тэтгэгч, А.Ганбаатар МХБХ-ны дэд ерөнхийлөгч, МУ-ын Ерөнхийлөгчийн зөвлөх нарын эрхэмүүд нэр дэвшиж байгаа аж.
Б.Сансартуяа
Оллоо.мн