Хүүхдийнхээ төлөө бурууг бүү түгээ
Манай улс фэйсбүүк хэрэглээний түвшингээр Ази тивдээ нэгдүгээрт тооцогдож байна.  Үүнийг дагаад  бүх төрлийн мэдээ, мэдээлэл огт хяналтгүйгээр олон нийтийн дунд шууд цацагдаж, бидний ирээдүй болсон хүүхдүүдийн төлөвшил, хүмүүжилд цаг тутамдаа аюул учруулж байна. 

Тухайлбал, олон нийтийн сүлжээ хүчирхийлэл, залилан, дээрэм, биеэ үнэлэлт гэх мэт хууль бус үйлдлүүдийн талбар болж, үүнийг нийгмийн олонх “Сэрэмжлүүлэх” нэртэйгээр сошиал орчинд түгээснээр харин ч эсрэгээр далдуур “сурталчлан” түгээж байгаа нь харамсалтай.

Иймд хүүхдүүдийнхээ хүмүүжил, төлөвшилд бодитоор аюул учруулж буй буруу, сөрөг мэдээллүүдийг түгээхийн эсрэг Монгол Улсын Засгийн газрын хэрэгжүүлэгч агентлаг ГЭР БҮЛ ХҮҮХЭД ЗАЛУУЧУУДЫН ХӨГЖЛИЙН ГАЗАР-с “ХҮҮХДИЙНХЭЭ  ТӨЛӨӨ БУРУУГ БҮҮ ТҮГЭЭ”  давалгааг бүх нийтийн дунд өрнүүлж байна.

Та уг давалгаанд нэгдэхдээ өөрийн профайл зургийг солих болон өөрийн үгээр пост оруулж, буруу сөрөг мэдээллийн эсрэг өөрийн сэтгэгдлийг оруулна уу.

Уг давалгаанд нэгдэж, өөрийн амьдралд буруу, сөрөг мэдээллийг түгээхгүй дэлгэрүүлэхгүй байж хэвшснээр Та хүүхдээ буруу мэдээлэлд автахаас урьдчилан сэргийлж, улмаар нийгмийн стрессийг бууруулахад үнэтэй хувь нэмэр оруулах болно.

Та өөрөөрөө үлгэрлэж, илүү сайхан ирээдүйг хамтдаа бүтээцгээе.
 
Бидний хүүхдүүд олон нийтийн сүлжээнд түгээсэн бүх мэдээллийг уншиж, харж, сонсож байна.  
Иймд
“ХҮҮХДИЙНХЭЭ ТӨЛӨӨ БУРУУГ БҮҮ ТҮГЭЭ” аянд нэгдэнэ үү.

Хүүхдүүд харж байгаа
Хүүхдүүд уншиж байгаа
Хүүхдүүд сонсож байгаа
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.