Улсын аварга Н.Батсуурь, Ч.Санжаадамба, Улсын арслан Ц.Содномдорж, Улсын гарьд Б.Гончигдамба тэргүүтэй бөхчүүд допингийн эсрэг нэгдэж байгаагаа өнөөдөр хэвлэлийнхэнд мэдэгдлээ.
Тэд Монголын Үндэсний бөхийн холбооны Цэцдийн зөвлөлийг хуралдуулж, дүрэмд нэмэлт өөрчлөлт оруулж, батлуулахыг шаардаж 264 бөхийн гарын үсэгтэй мэдэгдлийг МҮБХ-ны тэргүүнд хүргүүлж байгаа аж.
Уг мэдэгдэлд МҮБХ бөхийн нэр хүндийг хадгалах, чиг үүргийнхээ дагуу ажиллах хэрэгтэйг дурьдсан байна. Мөн сэргээшийн эсрэг асуудалд анхаарал хандуулахгүй байгаа нь бөхийн нэр хүндэд халдаж байгаа хэрэг хэмээн үзэж МҮБХ-нд үүсээд байгаа асуудлыг ирэх сарын 10-ны дотор шийдэхийг шаарджээ. Мэдэгдэл дэх шаардлагуудыг биелүүлэхгүй бол дээрх бөхчүүд цагаан сарын барилдаанд барилдахгүй гэдгээ мэдэгдлээ.
О.ОНОН