Тусгай үүргийн онгоцоор хэн ирэх ёстой вэ? УОК-оос гаргасан шийдвэрээр бол өндөр настан, асран хамгаалагчийн хамтаар, эрүүл мэндийн шалтгаантай хүн, асран хамгаалагчийн хамт, хөгжлийн бэрхшээлтэй иргэд, жирэмсэн, бага насны хүүхэдтэй гэр бүлүүд ирэх ёстой.
Тэгвэл Франкфуртын тусгай үүргийн онгоцоор ирсэн “The Hu” хамтлаг ямар ангилалд багтаж ирсэн бэ? Өчигдөр УОК-оос мэдээлэл хийх үеэр ГХЯ-ны Консулын газрын дарга Л.Мөнхтүшиг ““The Hu” хамтлаг өнгөрсөн хоёрдугаар сард Австрали улсад тоглолт хийхээр очсон. Гэвч тэднийг очоод удаагүй байтал цар тахлын улмаас тус улс дахь бүх тоглолтууд цуцлагдаж, улмаар Австрали улс хилээ хаасан. Тус улсын ЭСЯ-нд эх орондоо буцах хүсэлтээ өгсөн 30 хүний дунд “The Hu” хамтлаг байсан. Хоёрдугаар сараас хойш эх орондоо ирэх хүсэлтээ өгсөн тэднийг "Хүндэтгэх шалтгаантай иргэд биш" гээд хүсэлтийг нь хүлээн авалгүй өдийг хүрсэн. Тус хамтлагийн зүгээс ч УОК-ын шийдвэрт хүндэтгэлтэй хандаж, хоёр сар гаруйн хугацаанд хүлээсэн. Тиймээс энэ удаа УОК-оос тус хамтлагийн удаа дараагийн хүсэлтийг хүлээн авч, харгалзан үзэх шаардлагатай гэж эх оронд нь авч ирсэн” гэлээ.
Гэхдээ дэлхийн өнцөг булан бүрт цар тахлын улмаар байгаа газартаа “гацсан” мянга мянган Монголчууд бий. Тэд идэх хоол, орогнох газаргүй гээд хүн хэцүүг хангалттай туулж буй. Гэтэл хүндэтгэх шалтгаангүй “The Hu” хамтлаг тусгай үүргийн онгоцоор ирсэн үйл явц олон нийтийн шүүмжлэлийг хүлээж байна. Албаныхан “The Hu” хамтлагийнхан хоёр сар гаруй хүлээсэн гэх үгийг тодотгож ийнхүү тэднийг өмгөөлж байх. Гэхдээ уучлаарай “The Hu” хамтлаг хэний төлөө юуны төлөө хүлээсэн юм бэ? Тэднээс илүү шалтгаантай, эх орондоо ирэх шаардлагатай хүмүүс ээлжээ хүлээж, тусгай үүргийн онгоцыг чих тавин хүлээж байна.
“The Hu” хамтлагийнхан идэх хоолгүй, хоноглох газаргүй болоогүй нь тодорхой ч тэд тусгай үүргийн онгоцонд багтаад чадсан байх. Үүнээс тусгай үүргийн онгоц үүргээ гүйцэтгэж байна уу, гэх асуулт урган гарч байна. Тусгай үүргийн онгоцоор “тусгай хүмүүс”-ийг бус хүндэтгэх үзэх шалтгаантай хүмүүсээ авч ирмээр байгааг сануулах нь илүүц биз.
О.ОНОН
Тэгвэл Франкфуртын тусгай үүргийн онгоцоор ирсэн “The Hu” хамтлаг ямар ангилалд багтаж ирсэн бэ? Өчигдөр УОК-оос мэдээлэл хийх үеэр ГХЯ-ны Консулын газрын дарга Л.Мөнхтүшиг ““The Hu” хамтлаг өнгөрсөн хоёрдугаар сард Австрали улсад тоглолт хийхээр очсон. Гэвч тэднийг очоод удаагүй байтал цар тахлын улмаас тус улс дахь бүх тоглолтууд цуцлагдаж, улмаар Австрали улс хилээ хаасан. Тус улсын ЭСЯ-нд эх орондоо буцах хүсэлтээ өгсөн 30 хүний дунд “The Hu” хамтлаг байсан. Хоёрдугаар сараас хойш эх орондоо ирэх хүсэлтээ өгсөн тэднийг "Хүндэтгэх шалтгаантай иргэд биш" гээд хүсэлтийг нь хүлээн авалгүй өдийг хүрсэн. Тус хамтлагийн зүгээс ч УОК-ын шийдвэрт хүндэтгэлтэй хандаж, хоёр сар гаруйн хугацаанд хүлээсэн. Тиймээс энэ удаа УОК-оос тус хамтлагийн удаа дараагийн хүсэлтийг хүлээн авч, харгалзан үзэх шаардлагатай гэж эх оронд нь авч ирсэн” гэлээ.
Гэхдээ дэлхийн өнцөг булан бүрт цар тахлын улмаар байгаа газартаа “гацсан” мянга мянган Монголчууд бий. Тэд идэх хоол, орогнох газаргүй гээд хүн хэцүүг хангалттай туулж буй. Гэтэл хүндэтгэх шалтгаангүй “The Hu” хамтлаг тусгай үүргийн онгоцоор ирсэн үйл явц олон нийтийн шүүмжлэлийг хүлээж байна. Албаныхан “The Hu” хамтлагийнхан хоёр сар гаруй хүлээсэн гэх үгийг тодотгож ийнхүү тэднийг өмгөөлж байх. Гэхдээ уучлаарай “The Hu” хамтлаг хэний төлөө юуны төлөө хүлээсэн юм бэ? Тэднээс илүү шалтгаантай, эх орондоо ирэх шаардлагатай хүмүүс ээлжээ хүлээж, тусгай үүргийн онгоцыг чих тавин хүлээж байна.
“The Hu” хамтлагийнхан идэх хоолгүй, хоноглох газаргүй болоогүй нь тодорхой ч тэд тусгай үүргийн онгоцонд багтаад чадсан байх. Үүнээс тусгай үүргийн онгоц үүргээ гүйцэтгэж байна уу, гэх асуулт урган гарч байна. Тусгай үүргийн онгоцоор “тусгай хүмүүс”-ийг бус хүндэтгэх үзэх шалтгаантай хүмүүсээ авч ирмээр байгааг сануулах нь илүүц биз.
О.ОНОН