Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийлээ. Өнөөдрийн байдлаар коронавирусийн цар тахал дэлхийн 216 улсад бүртгэгдэж, 4.519.000 хүн энэ өвчнөөр өвчилж, 302.000 нас барж, 1.7 сая хүн эдгэрч гарсан бол 2.4 сая хүн эмнэлэгт хэвтэн эмчлэгдэж байна. Сүүлийн 24 цагт дэлхий дахинд 94.000 хүн халдвар авч 5000 гаруй хүн нас бараад байна. Өмнөх өдөртэй харьцуулахад өвчлөл 11.000 –аар нэмэгдсэн байна. Манай улсын хувьд өчигдөр Алтанбулаг боомтоор ОХУ-аас 200 гаруй оюутан ирсэн байгаа. Ингээд өчигдрийн байдлаар шинээр 400 хүн ажиглалтад орсон, 22 хүн гэрийн тусгаарлалтад шилжсэн, одоо 1619 хүн ажиглалтад байгаа 22 их эмч, 49 резидент эмч эдгээр хүмүүст эмнэлгийн тусламж үйлчилгээ үзүүлж байна.
ЗӨСҮТ-ийн захирал Н.Цогбадрах “Бид коронавирусийн тархалт маш өндөр байгаа улс орнуудаас ирсэн иргэдийн ачаа болон тээвэрлэн ирсэн онгоц, галт тэрэг, бусад ачаагаар дамжин коронавирусийн халдвар олон нийтийн дунд тархах эрсдэлээс сэргийлэх чиглэлээр анхаарч эцсийн халдваргүйжүүлэлтийг хийж ажиллаж байна. Өнгөрсөн хугацаанд шуурхай хариу арга хэмжээний баг 172 удаагийн дуудлагад үйлчилж, иргэдийн 7500 агруй ачаа, 277.5 тн карго ачаа, 96 агаарын хөлөг, 250 агруй тээврийн хэрэгсэл, галт тэрэг, ирсэн хүмүүсийг тусгаарлаж байгаа 34 байранд эцсийн халдваргүйжүүлэлтийг хийж ажилласан байна.
ХӨСҮТ-ийн захирал Д.Нямхүү “ХӨСҮТ-ээс 5 хүн эмчлэгдэж дараагийн шатны тусгаарлалтад шилжиж байна. Дөрөв нь оюутан нэг нь 55 настай эмэгтэй эдгэрсэн байна. 25-55 хоногийн эдгэрэлттэй хүмүүс. Одоо ХӨСҮТ-д 78 хүн эмчилгээ хяналтад байна. Өчигдрийн байдлаар ХӨСҮТ-ийн 2, Дархан-Уул аймгийн салбар лаборатори, ЗӨСҮТ гэсэн 4 лабораторид 381 хүнд шинжилгээ хийснээс коронавирус илрээгүй, ЗӨСҮТ-ийн лабораторид Сөүл-УБ онгоцоор ирсэн 132 хүнд давтан шинжилгээ хийгдсэнээс коронавирус илрээгүй байна" гэлээ.
С.Тайшир
ЗӨСҮТ-ийн захирал Н.Цогбадрах “Бид коронавирусийн тархалт маш өндөр байгаа улс орнуудаас ирсэн иргэдийн ачаа болон тээвэрлэн ирсэн онгоц, галт тэрэг, бусад ачаагаар дамжин коронавирусийн халдвар олон нийтийн дунд тархах эрсдэлээс сэргийлэх чиглэлээр анхаарч эцсийн халдваргүйжүүлэлтийг хийж ажиллаж байна. Өнгөрсөн хугацаанд шуурхай хариу арга хэмжээний баг 172 удаагийн дуудлагад үйлчилж, иргэдийн 7500 агруй ачаа, 277.5 тн карго ачаа, 96 агаарын хөлөг, 250 агруй тээврийн хэрэгсэл, галт тэрэг, ирсэн хүмүүсийг тусгаарлаж байгаа 34 байранд эцсийн халдваргүйжүүлэлтийг хийж ажилласан байна.
ХӨСҮТ-ийн захирал Д.Нямхүү “ХӨСҮТ-ээс 5 хүн эмчлэгдэж дараагийн шатны тусгаарлалтад шилжиж байна. Дөрөв нь оюутан нэг нь 55 настай эмэгтэй эдгэрсэн байна. 25-55 хоногийн эдгэрэлттэй хүмүүс. Одоо ХӨСҮТ-д 78 хүн эмчилгээ хяналтад байна. Өчигдрийн байдлаар ХӨСҮТ-ийн 2, Дархан-Уул аймгийн салбар лаборатори, ЗӨСҮТ гэсэн 4 лабораторид 381 хүнд шинжилгээ хийснээс коронавирус илрээгүй, ЗӨСҮТ-ийн лабораторид Сөүл-УБ онгоцоор ирсэн 132 хүнд давтан шинжилгээ хийгдсэнээс коронавирус илрээгүй байна" гэлээ.
С.Тайшир