Хотын төвийн А зэрэглэлд баригдаж буй MCS компанийн “Шангрила” зочид буудлын барилгад хоёр хоногийн өмнө гал гарч иргэдийг багагүй сандаргаад авсан. Одоогоор галын шалтгааныг тогтоохоор ажиллаж байгаа бөгөөд урьдчилсан байдлаар цахилгаанаас болж гал гарсан гэх дүгнэлт гараад байгаа билээ. Тэгвэл энэхүү барилга дээр ажиллаж байсан БНХАУ-ын иргэдийг галын үеэр шалгахад 11 иргэн хууль бусаар манай улсад ажиллаж байсан нь тогтоогдсон байна. Өөрөөр хэлбэл нийгэмд аль хэдийн байр сууриа олсон манай улсын томоохон компаниудын нэг болох “MCS” компани хариуцлагагүй үйлдэл гаргаж манай улсад албан ёсоор ажиллах эрхгүй бизнес ангиллын визээр орж ирсэн 11 Хятад иргэнийг ажиллуулж байсан гэсэн үг юм. Харин эдгээр иргэдийг өнөөдөр албадан нутаг буцаахаар болжээ.
Б.Сансартуяа
Оллоо.мн
Оллоо.мн