БНХАУ-ын Гадаад хэргийн сайд Ван И-гийн айлчлалын эргэн тойронд...

БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И-гийн  манай улс дахь албан ёсны  айлчлал өнөөдрөөс эхэлж  байна. Түүний айлчлал олон талаар анхаарал татаж байгаа.   Дэлхий нийтээр хөл хорио тогтоосон амаргүй цаг үед яагаад гэнэт манай улсыг зорих болов.  Мөн Өвөрмонголд эх хэлний төлөөх тэмцэл үргэлжилж, байдал нэлээд хүндэрсэн.  Энэ асуудалд Гадаад хэргийн сайд Ван И ямар нэгэн  гарц, шийдэл хайхаар ирэв үү.   Түүний айлчлал эх хэлний төлөөх тэмцлийн эсрэг анхааруулга болох уу гээд олон таамаг, мэдээлэл гарч байна. 

Мөн БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И Монгол Улсын төрийн өндөрлөгүүдэд бараалхах эсэх нь тодорхойгүй байна. Хэрэв тэдэнд бараалхвал Монгол Улсад мөрдөгдөж буй хууль журмын дагуу айлчлалын дараа төрийн өндөрлөгүүд 14 хоног тусгаарлагдах юм. ЭМЯ-наас “Айлчлалын үеэр халдвар хамгааллын дэглэмийг өндөржүүлсэн бэлэн байдалд зохион байгуулна. Мөн гаднаас ирж байгаа зочдоос шинжилгээ авна. Шинжилгээний хариу 6-8 цагийн дотор гарна. Ачаа тээшийг нь ариутгана. Айлчлалд дууссаны дараа айлчлалд оролцсон бүх хүнийг 14 хоног тусгаарлана” гэсэн юм.  Харин ГХЯ-наас айлчлалыг өндөржүүлсэн бэлэн байдлын нөхцөлд зохион байгуулах тул халдвар, хамгааллын горимыг хатуу сахиж, аль болох цөөн хүн үйл ажиллагаанд оролцуулахаар зохицуул­сан тухай мэдээлсэн. 

БНХАУ-аас Монгол Улсад суугаа Онц бөгөөд Бүрэн эрхт Элчин сайд Цай Веньруй  мэдээлэхдээ, “Ван И-гийн айлчлал нь цар тахлын дараах шинэ нөхцөл байдалд хоёр орны харилцааны стратегийн төлөвлөгөө боловсруулахад чухал ач холбогдолтой. Өнгөрсөн хугацаанд хоёр орон харилцан ойлголцож, халдварт өвчинтэй хамтран тэмцэж, хөрш орнуудын хөгжилд шинэ, чухал боломжуудыг авч ирлээ.  Бид Монгол, БНХАУ-ын харилцааг хөгжүүлэхийг ямагт эрхэмлэдэг. Тиймээс хоёр улсын стратегийн хамтын ажиллагааг хөгжүүлж, цар тахлыг эрт даван туулахад эергээр нөлөөлнө гэдэгт итгэж байна” гэлээ.

Энэ  үеэр хоёр улсын Гадаад харилцааны сайд нар албан ёсны хэлэлцээ хийнэ. Монгол Улсад 700 сая юанийн буцалтгүй тусламж олгох Эдийн засаг, техникийн хамтын ажиллагааны тухай хэлэлцээрт гарын үсэг зурах аж. Түүнчлэн Хилийн боомтууд, тэдгээрийн дэглэмийн тухай хэлэлцээрийг шинэчилж, Монгол Улсаас БНХАУ руу хөх тарианы гурил экспортлох тухай хэлэлцээр байгуулахаар төлөвлөсөн байна.    Холбогдох албаныхан ийнхүү айлчлалд бэлтгэж  байна. 

Харин Өвөрмонголд өрнөж буй эх хэлний төлөөх тэмцэлтэй холбоотойгоор өчигдөр Монголын бурхан шашны сүм хийд, лам хувраг, сүсэгтний холбооноос Ван  И-д өргөх бичиг мэдүүлж, ГХЯ-ны Консулын газарт хүлээлгэн өгсөн байна.  Тэд  БНХАУ-ын нэгдэн орсон олон улсын гэрээнүүдэд үндэсний цөөнхийн эх хэлээ ашиглах эрхийг хорьж болохгүй гэж заасныг сануулжээ.  Мөн  ЮНЕСКО 2013 онд монгол бичгийг яаралтай хамгаалах шаардлагатай биет бус соёлын өвийн дэлхийн жагсаалтад бүртгэн авсан тул БНХАУ монгол бичгийг хамгаалах үүргийг олон улсын өмнө хүлээсэн болохыг, мөн уг бичгээр сурч боловсрох нөхцлөөр хангах хэмжээг авах ёстойг мөн сануулжээ. БНХАУ-ын Засгийн газар Хятад дахь үндэсний цөөнх болсон монгол үндэсний оршин тогтнохуйг хамгаалж, хэл соёл, уламжлалаа хөгжүүлэхэд нь дэмжлэг үзүүлнэ гэдэгт бид итгэж байна гэжээ. Энэхүү өргөх бичгийг БНХАУ-ын холбогдох эрх бүхий байгууллагад уламжлахыг Төрийн зөвлөлийн гишүүн бөгөөд Гадаад хэргийн сайд Ван И-гээс хүсчээ.

Айлчлал өнөөдрөөс эхлэн хоёр хоногийн турш үргэлжлэх бөгөөд БНХАУ-ын Гадаад хэргийн сайд Ван И өчигдөр ОХУ, Казакстан, Киргизэд айлчлаад байна. Тэрээр Москва хотноо ОХУ-ын Гадаад хэргийн сайд Сергей Лавровтой хамтарсан хэвлэлийн хурлын үеэр “Одоо Хятадын дотоод асуудалд АНУ хөндлөнгөөс оролцохоо зогсоохыг шаардах цаг нь болсон байна” хэмээн  мэдэгдээд байгаа юм. 
 

Эх сурвалж: “Зууны мэдээ” сонин
Т.Батсайхан


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зч 2020-09-18 04:08:28
    Watch "Five “Absolutely Not Allowed” The Five Things That The CCP Fears Most" on YouTube https://youtu.be/730PluHazRY
  • Зo 2020-09-18 04:06:46
    Монголчуудаа энэ ҮНЭН баримтыг орчуулж үз! Тэгвэл хятадаас айхгүй болно гэнэ шүү. Watch "Five “Absolutely Not Allowed” The Five Things That The CCP Fears ...
  • Энэ цагийн эрх мэдэлтнүүд баатар биш 2020-09-16 12:45:29
    Энэ цагийн эрх мэдэлтнүүд дунд түүхэнд нэрээ үлдээж бахархалтай үйлсийг бүтээх хоншоортой аавын хүү нэгч байхгүй.
  • зо 2020-09-16 03:49:36
    Яагаад зээл аваад бгаа юм бэ? Газар нутаг улсаа өгөх гээд бга юм уу Өвөр Монголыг яаж бна дараа нь та нар шүү гэж бгаа байхгүй юу.Зээл нэмэж аваад бх юм ,
  • zochin 2020-09-15 18:41:10
    hyatad ulsiin l irgedshuudee uvur mongol chine hyatadiin bodlogiig dagaj l taarah bhdaa esvel naashaa durvej tsagaachilj ireh boloh bhdaa
  • N 2020-09-15 08:31:52
    Undes negtenee umuurch chadahgui, bur elchin said ni manai ulsad, surduuleed suuj bhad .... niileed negiigee muulj mereed..
  • ЗОЧИН 2020-09-15 05:11:19
    КОВИД ТУСААД БАЛАРЧ БАЙХАД НЬ ТУСАЛСАН МОНГОЛЧУУДЫН ХЭЛ СОЁЛЫГ УСТГАХ АЖИЛ ХИЙСЭН ХЯТАД УЛСЫГ ӨӨРИЙГ НЬ ЗАДЛАХ БОЛОМЖТОЙ ЮМ ШҮҮ
  • Зочин 2020-09-15 04:58:10
    Өвөр Монголчуудын эрхийг зөрчиж байгаа Хятадын сайдын айлчлалыг эсэргүүцэж байна!!! Монголчуудын амыг хэдхэн юанаар таглах гэж байна!!!
  • !!! 2020-09-15 04:00:12
    ОХУ-д бол Хятадаас ч хамаагүй илүү улайм цайм, нахальный байдлаар монгол (буриад) хэлийг шахан зайлуулчихаад байгаа шүү дээ!!
  • F***********K CHINA 2020-09-15 03:47:09
    FREE INNER MONGOLIA, FREE TIBET, FREE EAST TURKESTAN, FREE HONG KONG AND FREE TAIWAN!
  • ЗОЧИН 2020-09-15 03:12:00
    КОВИД ТУСААД БАЛАРЧ БАЙХАД НЬ ТУСАЛСАН МОНГОЛЧУУДЫН ХЭЛ СОЁЛЫГ УСТГАХ АЖИЛ ХИЙЖ БУЙ ХЯТАД УЛСЫГ ӨӨРИЙГ ЗАДАЛЖ БОЛНООО