Хөвсгөл аймгийн ИТХ-аас ''төрсөн'' тэрбумтан Г.Мөнгөнхуяг
Булган хүрэм, булган малгай, мөнгөн тоногтой эмээлтэй хурдан хүлгээр гоёсон энэ хүн бол Хөвсгөл аймгийн ИТХ-н 29-р тойрогт Ардчилсан намаас  нэр дэвшигч Гүнширийн Мөнгөнхуяг. 

Төрийн албаны шатлан дэвших зарчмыг "шатлан хөрөнгөжих" гэж ойлгодог хүмүүс олон. Эдгээрийн нэг нь  Г.Мөнгөнхуяг бололтой. 

Түүнийг хэрхэн бэл бэнчингээ арвижуулсныг дараах баримтаас харж болно.  Анх Г.Мөнгөнхуяг 2017 онд 50 сая төгрөгийн жилийн орлоготой байж. Харин 2018 онд жилийн 90 сая төгрөг, 2019 онд жилийн 250 сая төгрөгийн орлого олсон гайхамшигт түүх үргэлжилнэ.  Түүний гэр бүлийн гишүүд нь жилд 30 сая төгрөгийн орлого олдог. Жилдээ нийтдээ гэр бүлээрээ 300 шахам сая төгрөг олдог гэж байгаа. Өөрийн гэсэн ямар нэг компанигүй ч ийн хөрөнгө орлогоо цагаар өсгөсөн сонирхолт түүх Г.Мөнгөнхуягийнх. 

Г.Мөнгөнхуяг нь дөрвөн орон сууц нэг хашаа байшинтай. Эдгээр нь 575 сая төгрөгөөр үнэлэгдэж байна. Toyota Vanguard нэг, Toyota Prius 30 нэг, тусгай зориулалтын нэг төхөөрөмжтэй  гэдгээ ХОМ-доо мэдүүлжээ. Эдгээр нь 299 сая төгрөгөөр үнэлэгдэж байна. 

Түүний хөрөнгө чинээг илтгэх бас нэг зүйл бол мал аж ахуй. 306 адуу, 50 үхэр, 200 хонь, 300 ямаатай. Эдгээр нь 554 сая төгрөгөөр үнэлэгдэж байна.
Мөн тэрбээр гурван байршилд 70 сая төгрөгийн үнэлгээ бүхий эзэмших эрхтэй газартай. Үнэт эдлэл нь 30 сая. Хадгаламжиндаа 153 сая төгрөгтэй.  Өнөөдрийн байдлаар түүний нийт хөрөнгө нэг тэрбум 700 сая төгрөгт хүрчээ.

Ийнхүү Хөвсгөл аймгийн ИТХ-аас тэрбумтан “төрсөн” түүх үргэлжилж байна. 




О.МОЛОР
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Yrunhiilugch Z Heregtei ym bish uu 2020-10-14 12:11:02
    Энэ олон нам бүлэглэлээ хянаж чадах юм уу. Орсууд шигээ болбол зүгээр биш үү ...
  • Бат 2020-10-14 00:12:22
    юу нь тийм сонин байна энгэх л гэж дээш гардаг үндэсний хөрөнгөгөтөн түрүүлэх хуультай одоо барьцаад хуулиа өөрчилддөггүй
  • 11 2020-10-13 23:48:14
    цөм баяжжэээ
  • Зочин 2020-10-13 10:33:04
    Манжийн хаан шиг булга минж болсон хөдөөний дурак !