Газар өмчлөх журамд өөрчлөлт орлоо
Нийслэлийн иргэдэд гэр бүлийн хэрэгцээний зориулалтаар газар өмчлүүлэх үйл ажиллагааны иргэдээс өргөдөл хүлээн авах, бүртгэх, сонголт хийх үе шатны ажлуудыг цахим хэлбэрээр зохион байгуулсан билээ. 52 байршлын эхний 5 байршилд газар олгох ажил явагдсан. Үүнтэй холбогдуулан журмын зарим заалтад өөрчлөлт оруулах шаардлага гарсан байна.

Тиймээс НИТХ-ын Тэргүүлэгчдийн хуралдаанаар  журмын 4,1 дэх заалтыг “Иргэдэд гэр бүлийн хэрэгцээний зориулалтаар газар шинээр өмчлүүлэх 52 байршилд газар өмчлөх тухай хүсэлт гаргагч нь  2013 оны 05 дугаар сарын 30-наас өмнө шилжин ирж, нийслэлд бүртгэлтэй болсон иргэн болон тэдгээрийн энэ хугацаанаас хойш төрсөн хүүхдүүд байна” хэмээн өөрчлөв.

Мөн 6.1 дэх заалтыг “Цахим системээс хүсэлт гаргасан байршилд газар өмчлөх эрхийн нэгж талбарын байршил сонгогдсон тул “Монгол Улсын иргэнд газар өмчлүүлэх тухай хууль”-ийн 20 дугаар зүйлийн 20.3 дахь хэсэгт заагдсан материалыг бүрдүүлж өргөдлөө гаргах” гэсэн агуулга бүхий мэдээллийг хүлээж авсан иргэн өмчлөхөөр хүсэлт гаргасан газрынхаа харъяалах дүүргийн Засаг даргад ажлын 10 хоногийн дотор өргөдөл гаргах бөгөөд иргэдээс үл хамаарах нөхцөл байдал бий болох, мөн иргэдийн хүндэтгэн үзэх тодорхой шалтгааныг үндэслэн нийслэлийн Газрын асуудал эрхэлсэн байгууллагын шийдвэрээр тус хугацааг дахин ажлын 10 хүртэл хоногоор сунгаж болно, журмын 7.4 дэх заалтыг “Энэ журмын 6.1- заасан хугацаанд дүүргийн Засаг даргад хандаж өргөдлөө холбогдох материалын хамт бүрдүүлж өгөөгүй иргэдийг газар өмчлүүлэх тухай Засаг даргын шийдвэрээс хасч, дээрх иргэдийн оронд тухайн байршилд хүсэлт өгч газар өмчлөх эрхийн нэгж талбарын байршил сонгогдоогүй иргэдийн дунд газар өмчлөлийн цахим систем дахин автомат үйлдлээр сонголт явуулна” гэж өөрчилжээ.

Г.Уянга
оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.