Нэг сая 500 гаруй мянган хүнд коронавирусийн шинжилгээ хийгээд байна

Засгийн газрын ээлжит хуралдаан 2021 оны 01 дүгээр сарын 27-ны өдөр боллоо.

"Ковид-19" цар тахлын нөхцөл байдал, хийж байгаа ажилтай танилцав. Халдвар нийслэлээс орон нутагт тархах эрсдэл "Өндрөөс дээш" гэсэн үнэлгээ гарсан байна. Өнөөдрийн байдлаар улсын хэмжээнд түргэвчилсэн оношлуураар 526 мянга, PCR аппаратаар 981 мянга, нийт нэг сая 500 гаруй мянган хүнд шинжилгээ хийсэн. Нийслэлийн 31 тусгаарлах байранд Монгол Улсын 1,693, гадаадын дөрөв, орон нутгийн нэг байранд зургаан иргэнийг тусгаарлаад байна. Тусгай үүргийн 119 нислэгээр 21,716, газраар 6,643, нийт 28,359 иргэнээ татаж авчээ. Ирэх сард БНСУ руу хоёр, БНТУ, Япон Улс руу тус бүр нэг удаа нислэг үйлдэх юм. Вакцин авах, хадгалах, түгээх, дархлаажуулалт хийх зэрэгтэй холбоотой бэлтгэлээ хангаж байна.

Товч мэдээ

-       "Дипломат болон албан/сервис паспорт эзэмшигчдийг богино хугацааны визийн шаардлагаас чөлөөлөх тухай Монгол Улс, Бүгд Найрамдах Словени Улсын Засгийн газар хоорондын хэлэлцээр"-ийг батлав. Ингэснээр дээрх төрлийн паспорт эзэмшигчид 180 хоногийн хугацаанд 90 хүртэл хоног харилцан визгүй зорчино. Монгол Улсын дипломат паспорт эзэмшигчид 59 улс, үүний дотор Европын Холбооны гишүүн 17 улсад, албан паспорт эзэмшигчид 53 улс, үүний дотор Европын Холбооны гишүүн 12 улсад визгүй зорчих боломж бүрдлээ.

-       "Энгийн паспорт эзэмшигчдийг жуулчны визийн шаардлагаас чөлөөлөх тухай Монгол Улс, Бүгд Найрамдах Перу Улс хоорондын хэлэлцээр"-ийн төслийг дэмжив. Хэлэлцээрт гарын үсэг зурснаар хоёр улсын иргэд 180 хоногийн хугацаанд 90 хоногоос хэтрэхгүй харилцан визгүй зорчих юм. Монгол Улсын энгийн паспорттой иргэд 24 улс, үүнээс Латин Америкийн Бразил, Уругвай, Чили, Аргентин, Куба, Эквадор Улсад визгүй зорчиж байна.

-       Дэлхийн худалдааны байгууллагын "Хамгаалалтын арга хэмжээний тухай хэлэлцээрийг хэрэгжүүлэх журам"-ыг батлав. Журам нь импортын тухайн барааны хэт их нийлүүлэлтээс дотоодын үйлдвэрлэлд ноцтой хохирол учирсан, учруулах эрсдэл бий болсон эсэхийг хянан магадлах, дүгнэлт гаргах, хамгаалалтын арга хэмжээ авах, арга хэмжээг сунгах, дахин хэрэглэх, хэрэгжилтэд хяналт тавих талуудын оролцоо, эрх, үүргийг  тодорхойлох юм.

С.ЦОГ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • tor sain ajillasnii hychind ene hyrlee! 2021-01-28 10:36:02
    ene yadarsan Mongol ylasiig ene ebchin men ch hezyydyylej bna syy!!yamar yanziin garaltai biologiin dain gegch be?....aimymsigtai ya?.....manai tor zasag ch sai...
    108.162.229.123
    Мэдэгдсэн Хариулах
  • хайран засаг 2021-01-27 10:41:26
    эрүүл. мэндийн сайдын алдаанаас болж уналаадаа
    162.158.166.164
    Мэдэгдсэн Хариулах
  • Май шүү. 2021-01-27 08:16:33
    Юу хуцаад байна аа. Давхардсан тоогоор гээч. Нэг хүнээс 7 аваад 8 дахь дээрээ илрүүлээд байгаа биз дээ. Наад тоогоо 8 д хуваа. Тэгвэл хүний чинь тоо гарна. Мал....
    172.69.45.135
    Мэдэгдсэн Хариулах
    • Май шүү. 2021-01-27 08:18:24
      Эсвэл дахиад сайн бодож байгаад "Бид насанд хүрсэн бүх хүн амаа шинжилгээнд хамруулаад дууслаа" гээд дахиад нэг мөөр дөө. Харъя.
      172.69.45.135
      Мэдэгдсэн Хариулах
  • иргэн 2021-01-27 06:38:38
    1 хүний ПСР шинжилгээг 150000 хийдэг гээ биздээ 1,500мянга үржээд 225 тэрбум төгрөг хусаад хаяж байгаа юм уу
    172.69.252.149
    Мэдэгдсэн Хариулах