Ким Жон Ун өлсгөлөнд бэлэн бай гэж мэдэгдэв

Хойд Солонгосын удирдагч Ким Жон Ун улс нь хүнсний хомсдол, эдийн засгийн хямралд орсон тул иргэдийгээ хүнд цаг үед бэлтгэлтэй байхыг анхаарууллаа.Тэрбээр намыхаа хурлын үеэр  гурван сая орчим хүн өлсгөлөнгийн улмаас амиа алдсан 1990-ээд оны  аймшигт хямрал, хүнд үе эргэн ирсэн гэдгийг мэдэгджээ. Хойд Солонгос цар тахлын улмаас хилээ хаасны улмаас эдийн засгийнх нь амин судас болсон Хятадтай хийх худалдаа зогсоод байгаа билээ.

“Ким Жон Ун хүнд хэцүү цаг үеийн талаар ярих нь энгийн зүйл биш. Улсынх нь нөхцөл байдал нэлээд хурц түвшинд ирсэн бололтой. Тэр өнгөрсөн аравдугаар сард улсдаа хангалттай хэмжээний өөрчлөлтийг авчрахаасаа нэгэнт хожимдсоноо илтгэлийн үеэр хэлсэн. Гэвч тухайн үед өлсгөлөнд нэрвэгдэх хүртлээ хямралд орсон талаар дурдаагүй” гэж Хойд Солонгосын шинжээч Колин Звирко ярьжээ.

Хойд Солонгосын хөдөө тосгоныхны хүнсэндээ ашигладаг гол бүтээгдэхүүн болох эрдэнэшишийн үнэ энэ жил их хэлбэлзэлтэй байсан бөгөөд зарим үед нэг килограмм эрдэнэшишийн үнэ иргэдийн сарынх нь цалингаас ч давж байв. Үүний улмаас гуйлгачдын тоо нэмэгдэж, хилийн зурвас дээр олон хүн өлсгөлөнгөөс болж амиа алджээ.

Энэ талаар НҮБ-ын Хойд Солонгос дахь хүний эрхийн төлөөлөгч Томас Ожеа Кинтана “Хүнсний хямралд өртөж болзошгүй байна гэдгийг өнгөрсөн сард анхааруулсан. Гэр бүлийнхэн нь тэжээх боломжгүй болсноос үүдэн ахмад настан, хүүхдүүд өлсгөлөнгөөр амиа алдах нь эрс ихэссэн” гэж ярилаа. Энэ нь Хятадаас импортоор оруулж ирдэг хүнсний зүйл тасалдсантай холбоотой аж. Одоогоор тус улсад өөр ямар нэгэн улсаас тусламж үзүүлсэн талаар мэдээлэл алга. Учир нь НҮБ-ын Дэлхийн хүнсний хөтөлбөрөөс ямар ч тусламж авахаас Хойд Солонгос эрс татгалзсан юм. 

Эх сурвалж: “Зууны мэдээ” сонин
Б.Должинжав
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Гончиг 2021-04-13 01:41:40
    Негее мундаг удирдагч, Америкийг айлгадаг, ард тvмнээ хэнээс ч хамааралгvй аваад явдаг гээд шvтээд байдаг Мояанууд яагаад таг чиг байнаа
  •  2021-04-12 11:01:33
    монголд ирж газар тариаланд ажиллахгүй юм байх даа. тэгвэл тариаланчдад овоохон туршлага өгнө дөө. нөгөө эх оронч улсаа хөгжүүлнэ гэдэг махны үйлдвэрүүд юу хий...
  • яая даа байз 2021-04-12 10:57:29
    гэрт хэн нь ч хэрэглэдэггүй махны өөх боорцогны тос байгаад байдаг өгөх юмсан
  • Бат 2021-04-12 07:35:31
    Солонгосчууд өлсөөд л пуужин хөргөөд энэ махан тогойг алахсан
    • Манай дарга нар дээрдэх юмгүй 2021-04-13 07:27:36
      Хойт солонгос манайхыг бодвол Пуужин хийж хөөргөж байгаа, нэг талаар хөгжсөн улс харин манайх хадаас ч хийж чадахгүй, хоцрогдсоны дээр удирдлага нь дампуурсан.....