АН-ын талцал Аюулгүйн зөвлөлийг ''хагалав''

УИХ дахь АН-ын бүлгээс уржигдар үдээс хойш Аюулгүйн зөвлөлийн тэргүүн, Ерөнхийлөгч Х.Баттулгад хүсэлт өгсөн. Хүсэлтдээ “...СЕХ эрх баригч МАН-тай хуйвалдаад бидний нэр дэвшигчийг бүртгэсэнгүй. Үүнийг Аюулгүйн зөвлөлөөр хэлэлцээч” гэсэн байв. Ингээд Ерөнхийлөгч үтэр түргэн хурал зарласан. Нөгөө хоёр гишүүн нь очиж, Аюулгүйн зөвлөл хуралджээ. Тэр хуралд УИХ дахь МАН, АН-ын бүлгийн дарга нар, Аюулгүйн зөвлөлийн ажлын албаныхан гээд нэлээд хүн байлцсан байна.

Хурал эхлэхэд Ерөнхийлөгч Х.Баттулга УИХ-ын гишүүн Н.Алтанхуягийг АН-аас Ерөнхийлөгчийн сонгуульд нэр дэвшүүлсэн, гэтэл СЕХ бүртгэж аваагүй байна. Энэ талаар Аюулгүйн зөвлөлд танилцуулга хийж, хэлэлцээд зөвлөмж гаргая. Бас СЕХ-г дуудах ёстой гэсэн байр суурь илэрхийлжээ.

Харин Ерөнхий сайд Л.Оюун-Эрдэнэ “...Ерөнхийлөгч та ҮАБЗ хуралдахгүй байна гэж худлаа мэдэгдэл хийсэн. Би С.Зоригийн амь насыг хөнөөсөн хэрэг, Б.Хурцтай холбоотой асуудлаар ҮАБЗ-ийг хуралдуулъя гэж бичиг хүртэл явуулсан. Та яагаад худлаа мэдэгдэл хийсэн юм бэ. АН-ыг Ерөнхийлөгч байсан Ц.Элбэгдорж та хоёр хагалсан. Тэгэхээр хоёр Ерөнхийлөгч өөрсдөө учраа олох ёстой. Энэ бол нэг намын асуудал. Битгий төрийн асуудал болго. Хөл хориотой ийм цаг үед олон нийтийг бужигнуулсан үйлдэлд уриалж болохгүй. Ер нь ҮАБЗ шүүх биш, Цэц биш, СЕХ биш. Сая СЕХ-той холбоотой асуудал ярьж байна. СЕХ-ны хараат бус байдалд халдаж болохгүй. Хуулиар хориотой. ҮАБЗ хэрвээ зөвлөмж, шийдвэр гаргавал энэ нь СЕХ-ны хараат бус байдалд халдсан хэрэг болно” гэж эсэргүүцсэн байна.

Үүнээс болж Ерөнхийлөгч, Ерөнхий сайд хоёр муудалцсан. Ерөнхийлөгчийн хувьд “...Намайг Цэц дээр унагасан” гэж үг хаясан. Харин Ерөнхий сайд Л.Оюун-Эрдэнэ “...Аюулгүйн зөвлөлийн нарийн бичгийн дарга А.Гансүх аавыгаа машинаар мөргүүлсэн гэж гэмт хэрэгт гүтгэсэн, хуулийн байгууллагад хандана” гэсэн байна. Улмаар энэ нь хэрүүлийн шинжтэй болж, 40 орчим минут хуралдсан Аюулгүйн зөвлөлийн хурал таржээ. Ингэж хамгийн ойрхон гэж ил, далд яригддаг Ерөнхийлөгч Х.Баттулга, Ерөнхий сайд Л.Оюун-Эрдэнэ нар түнжин хагарсан байгаа юм. Ер нь бол томоор нь харвал АН-ын талцал л Аюулгүйн зөвлөлийг “хагалчихаж” байгаа юм. АН-ын хэрүүл хэнээс улбаатай вэ гэдгийг бүгд мэднэ. С.Эрдэнээс тамга авсан Ц.Туваан Их хурлаа хийж, намаа хууль ёсны байдлаар авч яваагүй. Ерөнхийлөгчийн дохиог хүлээгээд хугацаа алдсан гэдэг. Энэ хооронд С.Эрдэнэ эргэж “амилсан”, ард нь Ц.Элбэгдоржийг гарч ирсэн гэдэг. Ингээд АН хоёр хуваагдаж, хоёр Ерөнхийлөгч тус тусад нь удирдлагаар хангаж эхэлсэн.

Тэд Ерөнхийлөгчийн сонгууль тулсныг, шүүх хэнийх нь зөв гэхийг, СЕХ алийг нь хүлээж авахыг мэдэхийн дээдээр мэдэж байсан. Энэ бүхнийг талцлын тэргүүн фронтод явж байгаа хүмүүс гэлтгүй, АН-ынхан бүгдээрээ дэндүү сайн мэдэж байгаа л даа.

Одоо Сүхбаатарын талбайд “өлсөж” суугаа гишүүд ч Ерөнхийлөгчийн сонгуульд нөлөөгүй гэдгээ мэднэ. Гэхдээ үүгээр халхавчилсан АН-ын дарын төлөөх “сунгаа” л явж байгаа хэрэг юм. Шуудхан хэлэхэд, АН-ын даргад одоогийн Ерөнхийлөгч Х.Баттулга, УИХ-ын гишүүн Н.Алтанхуяг, өмнөх Ерөнхийлөгч Ц.Элбэгдорж нар зүтгээд эхэлчихсэн. Хэн нь ч хэндээ алдах сонирхолгүй учраас Ерөнхийлөгчийн сонгуулийн өмнө эвлэж, нэгдэж амжаагүй хэрэг. Монголын улс төрд 30-аас дээш жил амьдарчихсан хашрууд шүү дээ.

Энэ нэг хэрэг. Гэхдээ Аюулгүйн зөвлөлийн зарим гишүүнийг ойрдоо ахин нийлэхээргүй хагалчихав уу гэж харагдаж байна.

Ямартай ч манай улсын Аюулгүйн зөвлөл яалт ч үгүй асуудал үүсэхгүй л бол тав дахь Ерөнхийлөгчийн бүрэн эрх дуустал дахин цуглахгүй нь тодорхой боллоо.

Эх сурвалж: “Зууны мэдээ” сонин
Б.Дамдин-Очир

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин  2021-05-09 06:20:05
    АН унахад цаашид МАН 3 хуваагдана энэ л сайхан юм болно доо мөхөл болохын шалтгаан ердөө энэ эрх мэдэлд хэт бялуурах нь мөхлийн угтвар байдаг тэгээд ийм нөхөд
  • Судлаач  2021-05-08 00:47:24
    Судлаач Саяхан Нэг намын нэг хуний дарангуйлал тогтоохоор улайран зутгээд байгаа МАН-ыг уйл ажиллагааг хязгаарлахад еронхийлогч маань оролцохгуй бол болохгу...
  • Судлаач  2021-05-07 13:29:52
    МАН нь С.Эрдэнийн хийсэн гэмт хэргээр нь барьцаалж байж АН-ыг дотроо 2 хуваагдсан мэт харагдуулж байгаа юм. Мон МАН нь УБЕГ-ын ажилтан Дашдаваагийн Чинтулгаар С...
  • Билгээ 2021-05-07 11:42:07
    Ерөнхийлөгчийн хувьд “...Намайг Цэц дээр унагасан” гэж үг хаясан. Их гомдсон байна даа.Одоо би ерөнхийлөгч болмоор байна гээд уйлаад үзвэл яадаг бол.
  • Зочин 2021-05-07 10:53:06
    Оюунэрдэнэ хэтэрхий дээрэлхуу УАЗ дээр гарчихсан нохор байна. Гудамжны хэруулч Зан нь или харагдаж байна. Ер байдалыг хэлэлцэх гэж хуралдаж байгаа болно.
  • Женког огцоруулъя 2021-05-07 08:53:54
    Баттулга ч бүр балай болжээ. ҮАБЗ- ийг хуралдаагүй гэж өөрөө илт худлаа мэдээлэл тараасан .Өөрөө хурлаа хийгэйгүй хүн байна.АН-ын маргаан ҮАБЗ-д огт хамаагүй шү...
  • zochin 2021-05-07 08:12:48
    MAH-iin lalaruudiig huuj zailuulya.
  • иргэн 2021-05-07 05:50:40
    Бөх хүн тэнэг гэдгийг сайн нотолж өглөө. Дахин бөхчүүдийг бүү давруул
  • Neeeee 2021-05-07 04:36:56
    Mongol ulsiin zg bolohoos AN iin zg bish. Dotood heruuld ni Eok hutgalddag ni yi ve
  • МАН тар 2021-05-07 04:26:36
    Монгол улсын засгийн газар болохоос МАН-ын засгийн газар биш ийм болчимгүй амьтан улсын Ерөнхий сайд байх эрхгүй. Үндэсний аюулгүй байдлын зөвлөл МАН биш шүү
  • Иргэн  2021-05-07 03:22:00
    Баттулга ерөнхийлөгчийн бүрэн эрхээ хэтрүүлж эдлээд, үүргээ гүйцэтгахгүй АН-ыг цаашлаад арт түмний хооронд талцуулан хагалж байна.
  • Бат 2021-05-07 03:16:53
    Бэлэг тэмдгийн ёрөнхийлөгчийг ИХ-аас сонгодог болмоороо олонхи болсон нам шийдвэл нөгөө зах зээлийн багаар ажиллах зарчим болох бус уу
  • Jenko hurdan zailaasai 2021-05-07 03:15:00
    ene Battulga gedeg nuhur neeree horchin umaa mongoliin turuus hurdan daldraasai
  • !!! 2021-05-07 02:53:06
    Tuvaan terguutei nohduud boliochee ! Ard tumnii ner barij alban tushaald uhen hatan zurgeed baigaa ni UNEHEER ICHMEER !!!
  • иргэн 2021-05-07 02:15:42
    угаасаа хэрүүлийн асуудлаар хуралдаа биз дээ. ҮАБЗ гэдэг байгууллагыг гутаалаа доромжиллоо. одоо энэ баттулга гэдэг гайг үтэр түргэн зайлуул. дахин төр намын