Замын хөдөлгөөнд оролцож байгаа тээврийн хэрэгслүүдийг Албан журмын даатгалд хамрагдсан,сунгалтаа хийлгэсэн эсэхэд хяналт шалгалт хийж байгаа. Энэ талаар нийслэлийн ЗЦГ-ын Урьдчилан сэргийлэх хэлтсийн ахлах мэргэжилтэн Ж.Энхбатаас тодрууллаа.
-Жолоочийн албан журмын даатгалд хамрагдсан эсэхийг шалгаж байгаа гэсэн. Уг ажлын талаар тодруулаач?
-Жолоочийн албан журмын даатгалын тухай хууль хэрэгжээд тодорхой хугацаа өнгөрч байна. Энэ хугацаанд манай жолооч нар албан журмын даатгалд маш идэвхтэй даатгуулж байгаа. Гэхдээ даатгуулахгүй үлдсэн буюу хугацаа нь дуусчихсан иргэд цөөнгүй байна. Тиймээс энэ удаад Нийслэлийн замын цагдаагийн газар, Албан журмын даатгалын холбоо, Даатгал зуучлалын төв хамтарсан Жолоочийн албан журмын даатгалын хэрэгжилтийн талаар гудамж замд хөдөлгөөнд оролцож байгаа тээврийн хэрэгслүүдэд хяналт шалгалт явагдаж байгаа.
-Даатгалд хамрагдаагүй буюу даатгалын хугацаа нь дуусчихсан жолоочид ямар хариуцлага тоооцож байгаа вэ?
-Албан журмын даатгалын хуулийн заалтын биелэлтэд Нийслэлийн замын цагдаагийн алба хаагчид хяналт тавьж ажиллах журамтай. Улмаар илэрсэн зөрчилд хуулийн арга хэмжээ тооцож ажиллахаар хуульд заагдсан байдаг. Энэхүү үүргийнхээ дагуу албан журмын даатгалын хугацаа нь дууссан, даатгалын хугацаагаа сунгуулаагүй тээврийн хэрэгсэл эзэмшигчийг албадан даатгалд хамруулах үүргийн дагуу даатгалыг хийлгэж байгаа юм.
Хэрвээ албан журмын даатгал хийлгээгүй тээврийн хэрэгсэлтэй замын хөдөлгөөнд оролцсон тээврийн хэрэгсэл өмчлөгчийг ямар нэгэн өөр сонголтгүйгээр хөдөлмөрийн хөлсний доод хэмжээгээр буюу 192400 төгрөгийн торгуулийн арга хэмжээ авч байна. Ер нь энэхүү даатгал зам тээврийн осолд холбогдож, эрсдэл орсон олон жолооч хамгаалагдах боломжтой юм байна гэдэг нь нотлогдож харагдаж байгаа зүйл.
-Сүүлийн үед нийтийн тээврийн жолооч нартай холбоотой асуудлууд нэлээд их гарч байх шиг байна. Энэ тал дээр хяналт шалгалтын ажлыг хэрхэн хийж байгаа вэ?
-Өнгөрсөн онд нийтийн тээврийн хэрэгслийн жолооч нартай холбоотой 593 осол хэрэг гарсанаас дөрвөн хүн нас барж, 391 хүн гэмтсэн байсан. Харин энэ эхний найман сарын байдлаар нийтийн тээврийн жолооч нартай холбоотой осол, хэрэг 289 гарч, долоон хүн нас барж, 170 хүн гэмтсэн. Тухайлбал, өнгөрсөн сарын 28-29-ний өдөр хоёр хоногийн дотор гэхэд нийтийн тээврийн хэрэгсэлтэй холбоотой долоон зам тээврийн осол гарч, нэг хүн нас барж, дөрвөн хүн гэмтсэн.
Ер нь Нийтийн тээврийн хэрэгслийн жолооч нар эгнээ байр буруу эзлэх, урсгал сөрөх, гүйцэж түрүүлэх үйлдэл буруу хийх, хурд хэтрүүлэх, уулзвар нэвтрэх дүрэм зөрчих, зогсоол дээр давхарлаж зогсох зэрэг зөрчил их гаргадаг. Түүнчлэн хүн буулгаж, суулгах дүрэм зөрчих, архи согтууруулах ундааны зүйл хэрэглэсэн үедээ тээврийн хэрэгсэл жолоодох зэргээр Монгол Улсын Замын хөдөлгөөний дүрэм зөрчих явдал ихэсч, өдөрт 45-73 жолооч Монгол Улсын Захиргааны хариуцлагын тухай хуульд заасны дагуу арга хэмжээ авагдаж байгаа.
-Энэ мэтээр осол их гарах болсон гол хүчин зүйл нь юу байна вэ. Саяхан хоёр ч жолооч согтуугаар том оврын автобус жолоодоод явж байсан зөрчил илэрсэн гэсэн үү?
-Нийтийн тээврийн үйлчилгээ эрхэлдэг аж ахуй нэгж байгууллагуудын удирдлага, шалгах механик, холбогдох албан тушаалтнуудын хяналт шалгалт сул байгаагаас нийтийн тээврийн хэрэгслийн техникийн бүрэн бүтэн байдалд тавих хяналт, согтуугаар тээврийн хэрэгсэл жолоодох явдал, замын хөдөлгөөний дүрмийн зөрчил буурахгүй байна. Тухайлбал, өнгөрсөн сарын 30-ны өдөр 11.00 цагийн үед Намъянжүгийн гудамж буюу “Нарантуул” захын баруун талын замд “ЭМСИД” ХХК-ний автобусны жолооч Л нь архи согтууруулах ундааны зүйл уусан үедээ ажил үүргээ гүйцэтгэж явсаныг шалгахад согтуурлын зэрэг нь 1.93 хувь гарсан.
Тухайн жолоочийг өглөө ажилд гарахад нь тус компаний шалгах механик шалгасан гэх боловч тээврийн хэрэгслийн гэрчилгээгүй, өмнөх орой нь архи согтууруулах ундааны зүйл уусан гэх хүний согтуурлыг шалгалгүй ажилд гаргаж, хариуцлага алдсан нь тогтоогдсон. Түүнчлэн энэ сарын 3-ны өдөр 08.30 цагийн үед Энхтайваны өргөн чөлөө МУБИС-ийн урд талын замд “Эрдэм транс” ХХК-ний Хюндай маркын автобусны жолооч Б.Мөнхжин нь архи согтууруулах ундааны зүйл уусан үедээ ажил үүргээ гүйцэтгэж явсныг шалгахад согтуурлын зэрэг нь 0.26 хувь гарсан. Тухайн жолоочийг өглөө ажилд гарахад нь тус компаний шалгах механик н.Ганзориг архи согтууруулах ундааны зүйл уусан эсэхийг шалгалгүй ажилд гаргаж, хариуцлага алдсан нь тогтоогдоод байгаа.
Тиймээс ч бид нийтийн тээврийн үйл ажиллагаа, холбогдох аж ахуй нэгж, байгууллагуудад тавих хяналт шалгалтыг эрчимжүүлэх, сахилга сул жолооч нарт хариуцлага тооцохоор ажиллаж байна. Түүнчлэн Монгол Улсын Замын хөдөлгөөний аюулгүй байдлын тухай хууль, дүрмийг сурталчлах, гэмт хэрэг, зөрчлөөс урьдчилан сэргийлэх, цаашид дахин зөрчил дутагдал гаргахгүй байх үүрэг чиглэл өгч, сургалт зохион байгуулж, гаргаж байгаа зөрчил дутагдлыг арилгах арга хэмжээ авч байгаа.
-Жолоочийн албан журмын даатгалд хамрагдсан эсэхийг шалгаж байгаа гэсэн. Уг ажлын талаар тодруулаач?
-Жолоочийн албан журмын даатгалын тухай хууль хэрэгжээд тодорхой хугацаа өнгөрч байна. Энэ хугацаанд манай жолооч нар албан журмын даатгалд маш идэвхтэй даатгуулж байгаа. Гэхдээ даатгуулахгүй үлдсэн буюу хугацаа нь дуусчихсан иргэд цөөнгүй байна. Тиймээс энэ удаад Нийслэлийн замын цагдаагийн газар, Албан журмын даатгалын холбоо, Даатгал зуучлалын төв хамтарсан Жолоочийн албан журмын даатгалын хэрэгжилтийн талаар гудамж замд хөдөлгөөнд оролцож байгаа тээврийн хэрэгслүүдэд хяналт шалгалт явагдаж байгаа.
-Даатгалд хамрагдаагүй буюу даатгалын хугацаа нь дуусчихсан жолоочид ямар хариуцлага тоооцож байгаа вэ?
-Албан журмын даатгалын хуулийн заалтын биелэлтэд Нийслэлийн замын цагдаагийн алба хаагчид хяналт тавьж ажиллах журамтай. Улмаар илэрсэн зөрчилд хуулийн арга хэмжээ тооцож ажиллахаар хуульд заагдсан байдаг. Энэхүү үүргийнхээ дагуу албан журмын даатгалын хугацаа нь дууссан, даатгалын хугацаагаа сунгуулаагүй тээврийн хэрэгсэл эзэмшигчийг албадан даатгалд хамруулах үүргийн дагуу даатгалыг хийлгэж байгаа юм.
Хэрвээ албан журмын даатгал хийлгээгүй тээврийн хэрэгсэлтэй замын хөдөлгөөнд оролцсон тээврийн хэрэгсэл өмчлөгчийг ямар нэгэн өөр сонголтгүйгээр хөдөлмөрийн хөлсний доод хэмжээгээр буюу 192400 төгрөгийн торгуулийн арга хэмжээ авч байна. Ер нь энэхүү даатгал зам тээврийн осолд холбогдож, эрсдэл орсон олон жолооч хамгаалагдах боломжтой юм байна гэдэг нь нотлогдож харагдаж байгаа зүйл.
-Сүүлийн үед нийтийн тээврийн жолооч нартай холбоотой асуудлууд нэлээд их гарч байх шиг байна. Энэ тал дээр хяналт шалгалтын ажлыг хэрхэн хийж байгаа вэ?
-Өнгөрсөн онд нийтийн тээврийн хэрэгслийн жолооч нартай холбоотой 593 осол хэрэг гарсанаас дөрвөн хүн нас барж, 391 хүн гэмтсэн байсан. Харин энэ эхний найман сарын байдлаар нийтийн тээврийн жолооч нартай холбоотой осол, хэрэг 289 гарч, долоон хүн нас барж, 170 хүн гэмтсэн. Тухайлбал, өнгөрсөн сарын 28-29-ний өдөр хоёр хоногийн дотор гэхэд нийтийн тээврийн хэрэгсэлтэй холбоотой долоон зам тээврийн осол гарч, нэг хүн нас барж, дөрвөн хүн гэмтсэн.
Ер нь Нийтийн тээврийн хэрэгслийн жолооч нар эгнээ байр буруу эзлэх, урсгал сөрөх, гүйцэж түрүүлэх үйлдэл буруу хийх, хурд хэтрүүлэх, уулзвар нэвтрэх дүрэм зөрчих, зогсоол дээр давхарлаж зогсох зэрэг зөрчил их гаргадаг. Түүнчлэн хүн буулгаж, суулгах дүрэм зөрчих, архи согтууруулах ундааны зүйл хэрэглэсэн үедээ тээврийн хэрэгсэл жолоодох зэргээр Монгол Улсын Замын хөдөлгөөний дүрэм зөрчих явдал ихэсч, өдөрт 45-73 жолооч Монгол Улсын Захиргааны хариуцлагын тухай хуульд заасны дагуу арга хэмжээ авагдаж байгаа.
-Энэ мэтээр осол их гарах болсон гол хүчин зүйл нь юу байна вэ. Саяхан хоёр ч жолооч согтуугаар том оврын автобус жолоодоод явж байсан зөрчил илэрсэн гэсэн үү?
-Нийтийн тээврийн үйлчилгээ эрхэлдэг аж ахуй нэгж байгууллагуудын удирдлага, шалгах механик, холбогдох албан тушаалтнуудын хяналт шалгалт сул байгаагаас нийтийн тээврийн хэрэгслийн техникийн бүрэн бүтэн байдалд тавих хяналт, согтуугаар тээврийн хэрэгсэл жолоодох явдал, замын хөдөлгөөний дүрмийн зөрчил буурахгүй байна. Тухайлбал, өнгөрсөн сарын 30-ны өдөр 11.00 цагийн үед Намъянжүгийн гудамж буюу “Нарантуул” захын баруун талын замд “ЭМСИД” ХХК-ний автобусны жолооч Л нь архи согтууруулах ундааны зүйл уусан үедээ ажил үүргээ гүйцэтгэж явсаныг шалгахад согтуурлын зэрэг нь 1.93 хувь гарсан.
Тухайн жолоочийг өглөө ажилд гарахад нь тус компаний шалгах механик шалгасан гэх боловч тээврийн хэрэгслийн гэрчилгээгүй, өмнөх орой нь архи согтууруулах ундааны зүйл уусан гэх хүний согтуурлыг шалгалгүй ажилд гаргаж, хариуцлага алдсан нь тогтоогдсон. Түүнчлэн энэ сарын 3-ны өдөр 08.30 цагийн үед Энхтайваны өргөн чөлөө МУБИС-ийн урд талын замд “Эрдэм транс” ХХК-ний Хюндай маркын автобусны жолооч Б.Мөнхжин нь архи согтууруулах ундааны зүйл уусан үедээ ажил үүргээ гүйцэтгэж явсныг шалгахад согтуурлын зэрэг нь 0.26 хувь гарсан. Тухайн жолоочийг өглөө ажилд гарахад нь тус компаний шалгах механик н.Ганзориг архи согтууруулах ундааны зүйл уусан эсэхийг шалгалгүй ажилд гаргаж, хариуцлага алдсан нь тогтоогдоод байгаа.
Тиймээс ч бид нийтийн тээврийн үйл ажиллагаа, холбогдох аж ахуй нэгж, байгууллагуудад тавих хяналт шалгалтыг эрчимжүүлэх, сахилга сул жолооч нарт хариуцлага тооцохоор ажиллаж байна. Түүнчлэн Монгол Улсын Замын хөдөлгөөний аюулгүй байдлын тухай хууль, дүрмийг сурталчлах, гэмт хэрэг, зөрчлөөс урьдчилан сэргийлэх, цаашид дахин зөрчил дутагдал гаргахгүй байх үүрэг чиглэл өгч, сургалт зохион байгуулж, гаргаж байгаа зөрчил дутагдлыг арилгах арга хэмжээ авч байгаа.
Монголын мэдээ
Ж.Отгонмягмар
Ж.Отгонмягмар