Гэр хорооллын дахин төлөвлөлтийн төслийн хүрээнд 34 аж ахуйн нэгж шалгаран хэсэгчилсэн ерөнхий төлөвлөгөөний зураг төсөл боловсруулах, газар чөлөөлөлт, иргэдийг түр суурьшуулах, нийгмийн болон инженерийн бүтцийн барьж байгуулах ажлыг үе шаттай хийж байгаа. Харин үүнээс 15 аж ахуйн нэгж инженерийн дэд бүтэц болон барилгын бүтээн байгуулалтыг эрчимтэй хэрэгжүүлж байна. Тэгвэл өчигдөр “Хера пропертийз” ХХК болон түүний туслан гүйцэтгэгч “Бэг бүрд” ХХК дахин төлөвлөлтийн төслийн хүрээнд баригдаж буй анхны орон сууцыг ашиглалтад орууллаа.
Төсөл хэрэгжүүлж буй байршил болох Сонгинохайрхан дүүргийн V, VI, VII хорооны нутаг дэвсгэр болох Ханын материал орчмын 30 га газарт одоогоор 658 нэгж талбар, 8870 хүн оршин сууж байгаа гэнэ. Харин дахин төлөвлөлт хийгдсэний дараагаар 12 мянга гаруй хүн ам суурьших боломжтой болгож, 62 ширхэг есөн давхар орон сууцны барилга болон 4.5 км автозамыг барих юм байна. “Хайрхан хороолол”-ын I ээлжийн орон сууц ашиглалтад орсноор 13 аж ахуйн нэгж тохилог орчинд үйл ажиллагаа явуулах боломжтой болж байгаа аж.
Түүнчлэн 168 өрх орон сууцанд орж байгаа юм. Энэхүү хорооллын газар төслийн Г блок ажээ. Тодруулбал, Сонгинохайрхан дүүргийн VI хорооны 20.8 га газрын дахин төлөвлөлтийн төслийн хүрээнд барьсан барилга гэнэ. Нийтдээ 38 айлын газрыг чөлөөлөн 2000 гаруй айлын орон сууц барихаар төлөвлөж байгаа юм байна. Харин өчигдөр 13 аж ахуйн нэгжийн газрыг чөлөөлөн барьсан 168 айлын гурван блок есөн давхар орон сууц ашиглалтад орлоо.
Тус барилгын ажлыг 2013 оны тавдугаар сард эхлүүлсэн аж. Улмаар захиалагчдаас орон сууцны 30 хувийн урьдчилгаа авч эхэлсэн байна. Албаны хүмүүсийн хэлж буйгаар 2013 оны арваннэгдүгээр сард 35 м.кв талбайтай орон сууцны захиалга дууссан гэнэ. Захиалга авахдаа нэг м.кв-ыг нэг сая 290 мянган төгрөгөөр тооцон захиалга авч эхэлсэн бол барилгын ажил дуусах үеэр 1.5 сая төгрөг болгон үнийг нэмэгдүүлжээ. Гэсэн хэдий ч орон сууцны эрэлт их байгаа учраас дээрх хороололд худалдах орон сууц байхгүй гэдгийг албаныхан дуулгасан юм.
Дахин төлөвлөлтийн төслийн хүрээнд барин, ашиглалтад оруулж байгаа тус орон сууцны хороолол Ханын материалын эцэс, Дүүхээ-II худалдааны төвийн баруун хойно байрлаж байгаа юм. Тус орон сууцны I болон II давхарт үйлчилгээний талбай байх бөгөөд шилэн фасадаар гадарлажээ. Төв зам дагуу байрлаж байгаа учраас үйлчилгээний байгууллагууд ашигтай ажиллах боломжтой гэнэ. 13 аж ахуйн нэгжийн газрыг чөлөөлөхдөө төсөл хэрэгжүүлэгчид хоёр талдаа ашигтай байх саналаар тохиролцож чадсан байна.
Тодруулбал,аж ахуйн нэгжүүд төсөл хэрэгжүүлэгчтэй тохиролцсоны үндсэн үйл ажиллагаа явуулж байсан обьектын талбайн хэмжээтэй дүйцэхүйц хэмжээний үйлчилгээний талбайг авсан. Түүнчлэн үйлчилгээ эрхэлдэг байсан хашаандаа амьдардаг байсан дөрвөн иргэнд үйлчилгээний зориулалттай талбайн дээр орон сууц өгсөн. Дашрамд дуулгахад, Төслийг хэрэгжүүлэгчид “Бид дахин төлөвлөлтийн ажлаас ашиг хараагүй ээ. Орон сууцны үнийг ч аль болох багаар тооцоолон зах зээлд нийлүүлсэн” гэсэн юм. Учир нь инженерийн дэд бүтцийн асуудлыг нийслэлээс шийдвэрлэн өгч байгаа учраас үнийг бууруулах боломжтой гэнэ.
Монголын мэдээ
Төсөл хэрэгжүүлж буй байршил болох Сонгинохайрхан дүүргийн V, VI, VII хорооны нутаг дэвсгэр болох Ханын материал орчмын 30 га газарт одоогоор 658 нэгж талбар, 8870 хүн оршин сууж байгаа гэнэ. Харин дахин төлөвлөлт хийгдсэний дараагаар 12 мянга гаруй хүн ам суурьших боломжтой болгож, 62 ширхэг есөн давхар орон сууцны барилга болон 4.5 км автозамыг барих юм байна. “Хайрхан хороолол”-ын I ээлжийн орон сууц ашиглалтад орсноор 13 аж ахуйн нэгж тохилог орчинд үйл ажиллагаа явуулах боломжтой болж байгаа аж.
Түүнчлэн 168 өрх орон сууцанд орж байгаа юм. Энэхүү хорооллын газар төслийн Г блок ажээ. Тодруулбал, Сонгинохайрхан дүүргийн VI хорооны 20.8 га газрын дахин төлөвлөлтийн төслийн хүрээнд барьсан барилга гэнэ. Нийтдээ 38 айлын газрыг чөлөөлөн 2000 гаруй айлын орон сууц барихаар төлөвлөж байгаа юм байна. Харин өчигдөр 13 аж ахуйн нэгжийн газрыг чөлөөлөн барьсан 168 айлын гурван блок есөн давхар орон сууц ашиглалтад орлоо.
Тус барилгын ажлыг 2013 оны тавдугаар сард эхлүүлсэн аж. Улмаар захиалагчдаас орон сууцны 30 хувийн урьдчилгаа авч эхэлсэн байна. Албаны хүмүүсийн хэлж буйгаар 2013 оны арваннэгдүгээр сард 35 м.кв талбайтай орон сууцны захиалга дууссан гэнэ. Захиалга авахдаа нэг м.кв-ыг нэг сая 290 мянган төгрөгөөр тооцон захиалга авч эхэлсэн бол барилгын ажил дуусах үеэр 1.5 сая төгрөг болгон үнийг нэмэгдүүлжээ. Гэсэн хэдий ч орон сууцны эрэлт их байгаа учраас дээрх хороололд худалдах орон сууц байхгүй гэдгийг албаныхан дуулгасан юм.
Дахин төлөвлөлтийн төслийн хүрээнд барин, ашиглалтад оруулж байгаа тус орон сууцны хороолол Ханын материалын эцэс, Дүүхээ-II худалдааны төвийн баруун хойно байрлаж байгаа юм. Тус орон сууцны I болон II давхарт үйлчилгээний талбай байх бөгөөд шилэн фасадаар гадарлажээ. Төв зам дагуу байрлаж байгаа учраас үйлчилгээний байгууллагууд ашигтай ажиллах боломжтой гэнэ. 13 аж ахуйн нэгжийн газрыг чөлөөлөхдөө төсөл хэрэгжүүлэгчид хоёр талдаа ашигтай байх саналаар тохиролцож чадсан байна.
Тодруулбал,аж ахуйн нэгжүүд төсөл хэрэгжүүлэгчтэй тохиролцсоны үндсэн үйл ажиллагаа явуулж байсан обьектын талбайн хэмжээтэй дүйцэхүйц хэмжээний үйлчилгээний талбайг авсан. Түүнчлэн үйлчилгээ эрхэлдэг байсан хашаандаа амьдардаг байсан дөрвөн иргэнд үйлчилгээний зориулалттай талбайн дээр орон сууц өгсөн. Дашрамд дуулгахад, Төслийг хэрэгжүүлэгчид “Бид дахин төлөвлөлтийн ажлаас ашиг хараагүй ээ. Орон сууцны үнийг ч аль болох багаар тооцоолон зах зээлд нийлүүлсэн” гэсэн юм. Учир нь инженерийн дэд бүтцийн асуудлыг нийслэлээс шийдвэрлэн өгч байгаа учраас үнийг бууруулах боломжтой гэнэ.
Монголын мэдээ