Сүүлийн өдрүүдэд ШТС-ууд АИ-92 шатахуун худалдан борлуулахгүй байгаа. Үүнтэй холбогдуулан Ашигт малтмал газрын тосны газраас өнөөдөр мэдээлэл хийлээ.
АМГТГ-ын Газрын тосны асуудал хариуцсан орлогч дарга Ц.Эрдэнэбаяр "Монгол Улсын хэмжээнд АИ-92 бензин хязгаарлалттай, олгохгүй байна гэх асуудал үүссэн. Өнөөдрийн байдлаар газрын тосны бүтээгдэхүүний нийт нөөц 28 хоног, АИ-92 шатахуун 21 хоног, дизель түлш 35 хоног, АИ-80 шатахуун 35 хоногийн нөөцтэй байна. АИ-92 бензин хомсдол үүсээгүй, тодорхой хэмжээний нөөц багассан. Энэ хүрээнд зарим газарт хязгаарлалт хийгдсэн байна. Шатахууны үнэ өснө гэсэн асуудал байхгүй, тодорхой хэмжээний нөөц л багасаж байгаа юм. Бид шатахууныхаа үнийг 100 төгрөгөөр бууруулахыг шаардаж байгаа" гэв.
Оллоо.мн