Америк Оросын иргэдийг “эх оронгүй” ангилалд оруулжээ

АНУ-ын виз авах хүсэлт гаргасан Оросын иргэдийг АНУ-ын Засгийн газраас “Эх оронгүй үндэстэн” ангилалд оруулах болсныг Москвагийн эрх баригчид эсэргүүцэж, мэдэгдэл гаргажээ. Учир нь дээрх ангилалд орсноор ОХУ-ын иргэд эх орондоо биш, Польшийн нийслэл Варшав дахь АНУ-ын элчин сайдын яаманд визний хүсэлт гаргах юм.

АНУ-ын консулын газар байдаггүй, эсвэл улс төр, аюулгүй байдлын шалтгаанаар консул нь виз олгох боломжгүй болсон улс орны иргэдийг “homeless” буюу “эх оронгүй” ангилалд оруулдаг байна. Ингэснээр тэдэнд өөр гурав дахь улс дахь АНУ-ын консулын газарт виз хүсэх боломж нээгддэг. Энэ жагсаалтад одоогоор Куба, Эритрей, Иран, Ливи, Сомали, Өмнөд Судан, Сири, Венесуэл, Йемен улсууд багтдаг ба ОХУ арав дахь улс болж нэмэгджээ.

ОХУ-ын тал Москва дахь АНУ-ын элчин сайдын яамны ажилтны тоог хязгаарлах болсноор энэ оны тавдугаар сараас эхлэн виз олгохоо зогсоосон юм. Өмнө нь ОХУ-ын тал АНУ-ыг “найрсаг бус харилцаатай” орнуудын жагсаалтад оруулснаас Москва дахь элчин сайдын яам нь дотоодоос ажилтан авч ажиллуулах эрхгүй болоод байгаа юм.

Эх сурвалж: "Зууны мэдээ" сонин
Б.Должинжав
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2021-11-19 12:14:48
    Арай дэндэнээ. Оросыг арай л хавчиж байна.
  • Зочин 2021-10-26 23:20:38
    Эх оронгүй хүмүүс чинь Америк юм бишүү.Индианчуудын газар дээр буусан цагаач нар.
  • kkkk 2021-10-26 04:50:27
    ОРСУУД монгол ОЙР ХАВИЙН ЖИЖИГ ОРНУУДЫГ ДЭЭРХЛЭЖ ХЯСАЖ БООЖ ГАЗАР НУТАГЫГ ДЭЭРЭМДДЭГ: ИХ ДЭЭРЭЛХҮҮҮ улсыг : БАЙРАНД ТАВЖЭЭ